Salmib 71:9 - Quiché Bible

⁹ metzelaj la nu wäch aretak in nim winak chic; minya' la canok aretak man c'o ta chic nu chuk'ab.

Salmib 71:9 Referans Kwoze

Ri Isaiy 46:4

je c'u quintakej na u banic chiwe c'ä quixri'job na aretak sak chic ri i jolom, xak are quixintok'ej na. In xixinbano, quintakej c'u na i wekaxic in quixintok'ej na xukuje' quixincol na.

2 Timoteo 1:12

Xukuje' rumal rech wa' quinrik we c'ax ri'. Man quinq'uix ta c'ut, rumal rech chi weta'm jachin che in cojoninak wi. Elinak chi sak chnuwäch chi c'o u cuinem che u chajixic ri nu yo'm pa u k'ab c'ä pa ri k'ij ri'.

Salmib 71:18

Nu Dios, minwonoba' la canok, aretak in nim winak chic sak chic ri nu wi'. Quintakej c'u na u tzijoxic ri cuinem la chque we winak ri' ri e c'o camic xukuje' ri c'amaja' quebalaxic.

Salmib 90:10

E oxc'al lajuj (70) ri junab ri cujc'asi'c, ri c'o na qui chuk'ab, quec'asi' jumuch' junab; are c'u ri banoj nimal chi naj cac'asi' jun xuwi quebuc'am ulok yabal tak latz' xukuje' rikoj c'ax. Ri junab aninak queboc'owic, xukuje' c'u ri uj.

2 Timoteo 4:18

Xukuje' quinresaj na ri Ajawaxel pa ronojel itzelalaj chac ri cäbantaj na, quinucol na, quinuc'am c'u na bic pa ri rajawibal chicaj. ¡Chnimarisax ta u k'ij ri are' amak'el chbe k'ij sak! Je chbanok.

Salmib 73:26

Ronojel ri nu cuerp cämem cubano, ri Dios c'ut are' junalic wechbal are' cäyo'w u chuk'ab ri wanima'.

Ucab Samuel 19:35

C'o chi c'ut jumuch' (80) nu junab; man quinna' ta chi c'ut ri u qui'al ri quinwe'j mawi ri quinwuq'uiaj, man quincuin ta chic quinbij we utz o man utz ta u na'il ri quintijo; xukuje' man quincuin ta chic quintatabej ri qui bix ri alabomab xukuje' ri alitomab. ¿Jas ta che quinux jun latz' che la?