Salmib 71:23 - Quiché Bible

²³ Ri e nu chi' quequicotic aretak quinbixon che la, ri in c'ut, in to'tajisam la,

Salmib 71:23 Referans Kwoze

Salmib 104:33

Joropa' k'ij ri quinc'asi'c xukuje' c'o nu c'aslemal, quebenbixoj na bix che ri Ajawaxel, ri nu Dios.

Salmib 103:4

ri cuto'tajisaj ri nu c'aslemal chuwäch ri mukubal; ri quinunojisaj che lok'ok'ebal c'uxaj xukuje' ch'uch'ujil;

Salmib 34:22

Are c'u ri Ajawaxel cuto'tajisaj u wi' ri qui c'aslemal ri pataninel tak rech; man cäc'äjisax ta qui wäch ri qui cuban qui c'u'x chrij.

Ucab Samuel 4:9

Ri David xubij chque: “Quinban ri chi'nic ri kas cäban na pa ri u bi' ri Ajawaxel, ri in u to'tajisam rech man quinkaj ta pa apachique u q'ueyowal,

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.

Salmib 63:5

Kas c'u quinnoj canok, jacha' ri cutij ronojel ri ulabal ri sibalaj je'lic, e are tak c'ut ri nu chi' quek'ijilan na che la ruc' quicotemal.

Chapletajic 48:16

ri tako'n aj caj ri quinuto'tajisaj chuwäch apachique c'ax, chtewichi'n we quieb alabom ri'. Xa ta rumal quech cänatax ri nu bi' xukuje' ri u bi' ri nu mam Abraham, ri nu tat Isaac. Chec'oji' ta q'ui calc'ual. Chebux ta tinimit winak cho ri uwächulew.”