Salmib 7:6 - Quiché Bible

⁶ Ajawaxel, ¡walij la ruc' c'anal! ¡K'atij la u wäch ri coyowal ri qui banom qui c'ulel chwe! Lal yo'm la u bixic chi cäban la suc'alaj k'atoj tzij, ¡to' ba la nu wi'!

Salmib 7:6 Referans Kwoze

Salmib 44:23

Ajawaxel, ¿jasche cäwar la? ¡Chäc'astaj la, chäc'astaj la! ¡Kas xa jumul mujxutuj la canok!

Salmib 35:23

Walij la, Ajawaxel xukuje' nu Dios, ¡c'astaj la! Bana' la ri suq'uilal; cojo ib la wuc'.

Salmib 3:7

Walij la, Ajawaxel. ¡Chincolo' la nu Dios! Lal quech'ayow la chiquipalaj ri qui banom qui c'ulel chwe; ¡Cäc'äjij na la ri qui ware ri e banal tak etzelal!

Ri Isaiy 33:10

Ri Ajawaxel cubij: “Camic quinyac wib; camic quinc'ut wib chi nim nu banic chi nim nu k'ij.

Salmib 138:7

Aretak quinriktaj chupam ri sayowem, ri lal cäya' la nu c'aslemal; calic' ri cuinem la quinto'tajisaj c'u la, chuwäch ri coyowal ri e nu c'ulel.

Salmib 44:26

Walijala, saj la che ka to'ic, chujcolo' la ruc' ri lok'ok'ebal c'u'x la.

Ri Isaiy 51:9

C'astaj la, c'astaj la u k'ab ri Ajawaxel, cojo' la ri chuk'ab la c'astaj la jacha' ri xban la can nabe, pa ri ojer tak k'ijol. Lal xbanow la ch'akatak che ri Rahab ri nimalaj awaj aj plo;

Ri Isaiy 37:20

Camic c'ut Ajawaxel ka Dios, chujto' la pa u k'ab rech conojel ri nimak tak tinimit cho ri uwächulew cäquetamaj chi ri lal, Ajawaxel, xuwi ri lal lal Dios.”

Ri Isaiy 3:13

Ri Ajawaxel u suc'umam rib che u k'atic tzij, xak reye'm jampa' cuc'äjisaj u wäch ri u tinimit.

Salmib 103:6

Ri Ajawaxel cak'atan tzij kas ruc' suq'uilal paquiwi' ri cäban c'ax chque.

Salmib 78:65

Xc'astaj c'u ri Ajawaxel, jacha' che jun waram, jacha' jun ajch'o'j ri xpacun ri u wa'l uva pa u jolom,

Salmib 74:3

Pet la che rilic we yojyobic ri man c'o ta u q'uisic; ¡ri c'ulel u yojim ronojel ri c'o chupam ri k'ijilabal!

Salmib 73:20

Aretak ri lal, Ajawaxel, cäwalij la, jacha' ri aretak cac'astaj jun che jun waram, cäxutuj c'u la ri subunelalaj u wächbal.

Salmib 59:5

Lal, Ajawaxel, Dios ri c'o ronojel u cuinem, u Dios ri Israel c'astaj la, c'äjisaj la qui wäch ri quequik'ijilaj tak diosib; matok'obisaj la qui wäch we banal tak etzelal ri'.

Salmib 35:1

Ajawaxel, walij la chquij ri quewalij che nu c'ulelaxic; k'atij la qui wäch ri cäquik'atij nu wäch.

Salmib 12:5

Are wa' u bim ri Ajawaxel: “Chque ri mebayib xukuje' ri man c'o ta qui chuk'ab cäban pak'alenic chque xukuje' caban chque chi caquirik c'axc'olil. Rumal ri' camic quinwalijic camic, quebenya' c'u chque ri sibalaj qui rayim ulok.”

Ucab Samuel 17:14

Ri Absalon xukuje' conojel ri aj israelib xquibij chi are utz na ri no'j ri xuya' ri Husay chuwäch ri xuya' ri Ahitopel. (Are c'u ri Ajawaxel xchoman u yojixic ri jicalaj no'j ri xuya' ri Ahitopel rech cuc'am ulok ri etzelal puwi' ri Absalon.)

Salmib 143:3

Ri e nu c'ulel in quiterenem pa wakan; in qui xak'alem cho ri ulew; caquicoj chuk'ab chwe chi chinjekel chupam ri k'ekumalil jacha' ri e cäminak ojer.