Salmib 69:21 - Quiché Bible

²¹ Xquiya' c'u cämisabal chupam ri nu wa, aretak xchaki'j nu chi' xquiya' ch'amalaj ja' chwe.

Salmib 69:21 Referans Kwoze

Ri Matey 27:34

Te c'u ri', xquiya' u wa'l uva che yujam ruc' c'a. Ri Jesus xuna'o, man xraj ta c'ut xutijo.

Ri Lucax 23:36

Xukuje' ri ajch'ojab xquetz'bej u wäch. Xekeb ruc' ri Jesus, xquichi'j ch'amalaj u wa'l uva che.

Marcos 15:23

Xquiya' u wa'l uva yujtal ruc' mir (re cunabal che resaxic ri k'oxom), che ri Jesus rech cutijo. Man xuc'am ta c'ut.

Ri Matey 27:48

Chanim jun chque aninak xbec, xuc'am jun wo's, xurub chupam ch'amalaj u wa'l uva, xuya' puwi' jun aj, xuya' ak'an che ri Jesus rech cutijo.

Marcos 15:36

Aninak xpe jun, xurub jun potzopic pa ch'amalaj u wa'l uva, xuya' puwi' jun aj, xuya' ak'an che ri Jesus rech cutz'ubu, xubij: “Chiweyej na, chkila' we cäpe ri Eliy che u kasaxic cho ri ripibal.”

Ri Jeremiy 9:15

Rumal ri' in, ri Ajawaxel ri c'o ronojel u cuinem, ri u Dios ri Israel, quinbij: Quenya' jun c'ayalaj qui wa, quenya' cuq'uia' ri c'o cämisabal ruc'.

Ri Jeremiy 8:14

Cubij c'u na ri tinimit: “¿Jas u patan cujcanaj can waral? ¡Jo' konojel pa tak ri tinimit ri e c'o nimak tak tapia chquij, xa' c'u jumul chujcämisaxok! Ri Ajawaxel, ri ka Dios, cubana' chke chi cuje' cämok; cuya' na cämisanel ja' chke u mac rech chi uj macuninak chuwäch.

U Camulixic ri Pixab 29:18

Ma ta c'o chixo'l mawi achi mawi ixok, mawi jun ja winak, mawi jun amak', ri cuxutuj ta can ri Ajawaxel ri ka Dios che qui k'ijilaxic ri qui diosib tak we ri nimak tak tinimit ri'. Ma ta c'u c'o jun chiwe ri cuxic jacha' juwi' tico'n ri c'o u c'ayil ri u rab, ri cäcämisanic.

Ri Jeremiy 23:15

Rumal ri' in, ri Ajawaxel ri c'o ronojel u cuinem, quinbij wa' we c'ax ri' ri caquikajbej tak na ri e k'axal tzij: Quenya' na jun c'ayilaj jasach chque pa tijic; quenya' na cuq'uia' ri c'o cämisabal chupam, rumal rech chi chque ri e k'axal tzij pa Jerusalen u lic'om rib ri etzelal pa ronojel ri ulew.”

Ri Tzijonel 4:1

Xinya' c'u nu wäch chque ri c'axc'olil ri quec'ulmataj cho we uwächulew ri'. Xinwil c'ut chi ri banom c'ax chque quebok'ic, man c'o ta c'u jachin jun cacu'bisan ta qui c'u'x; ri e banal tak c'ax quequicoj tak chuk'ab chque, man c'o ta c'u jachin jun cacu'bisan ta qui cux.

Juyuwem 1:2

Cajik' pa ok'ej chak'abibal tak; ri e u wa'l tak wächaj quebelel tak cho ri u palaj. Chquixo'l tak conojel ri e rach ch'abem man c'o ta jun ri cacu'bisan ta u c'u'x. Conojel ri canima' quib ruc' e jachinelab quieb qui wäch; che qui banom qui c'ulel che.

Juyuwem 1:9

Nojinak ri ratz'iak che ch'uluch'ujil; man xuchomaj taj ri quepe na puwi'. Man cojel taj ri u tzakic ri u rikom; man c'o ta jachin cacu'bisan u c'u'x. ¡Chila la, Ajawaxel, ri nu mach'irisaxic xukuje' ri nimal ri cac'amow ri c'ulel!