Salmib 69:13 - Quiché Bible

¹³ Are c'u ri in, Ajawaxel, quintz'onoj to'banic che la; ¡Nu Dios, chinto' la camic! ¡Rumal ri nimalaj lok'ok'ebal c'u'x la, chinch'abej la ulok! ¡Rumal ri to'banic la amak'el, chincolo' la!

Salmib 69:13 Referans Kwoze

2 Corintios 6:2

Cubij c'ut ri are' chquipam ri e tz'ibatalic: “Chupam ri jok'otaj ri takalic xatintatabej; chupam ri k'ij rech ri colobal ib xatinto'o.” Camic c'ut are wa' ri k'ij utz chiwe, are wa' ri k'ij rech quixcolotajic.

Ri Isaiy 49:8

Ri Ajawaxel cubij: “Xurik ri k'ij ri quinc'ut ri wutzil, xintzelej c'u u wäch ri a tzij xopan ri k'ij re ri colobenic, xatinto' c'ut. In xatinto' rech awumal at quinjekeba' ri nu c'ulwächinic ruc' ri tinimit, rech cäban u banic ri ulew, rech queboc che quechbexic ri ulew ri e tolorisam canok,

Salmib 91:15

Aretak quinusiq'uij, quintzelej na u wäch ri u tzij; ¡in quinc'oji' na ruc'! Quinwesaj na chupam ri c'ax quinya' na u k'ij;

Nabe Samuel 25:8

Cuya' cata' wa' chque ri a pataninelab, ri e are' caquijiquiba' c'u na u bixic chawe. Rumal ri' catinbochi'j chi chatok'obisaj qui wäch tak we alabom ri', ri quebopan pa jun utzalaj k'ijol, chebaya' c'u chke, xukuje' chque ri e are' jacha' xukuje' chwe in, ri c'o apan pa ak'ab je ta ne ri in ta a c'ojol.”

1 Pedro 2:23

Aretak xyok'ic, man xuya' ta rajil u q'uexel. Aretak xurik c'ax, man xubij ta chque ri winak chi cuban na c'ax chque. Xane' xujach ronojel pa u k'ab ri Dios, ri cuk'at tzij ruc' suq'uil.

Hebreos 5:7

Ri Crist, aretak xc'oji' waral cho ri uwächulew, xurak u chi', xok'ic aretak xuban ch'awem ruc' Dios. Xuban bochi'nic xukuje' tz'ononic che ri Dios, ri cäcuin che u to'ic chuwäch ri cämical. Xtataj c'ut rumal ri u nimanic.

Ri Isaiy 55:6

Chitzucuj ri Ajawaxel utz c'ä cuya' qui riko, chisiq'uij utz c'ä nakaj c'o wi.

Chapletajic 24:27

je xubij wa': “¡Tewichital ri Ajawaxel, ri u Dios ri wajaw Abraham, uxinak c'u jic xukuje' utz ranima' ruc' ri wajaw, u c'amom c'u nu be pa ri be ri copan cho cachoch ri e rachalaxic.!”

Ri Lucax 22:44

Aretak xel ch'u'j ri ranima', sibalaj xbochi'n che ri Dios. Are ri u c'atanal je jas ri ju tak tz'uj quic' ri cäkaj cho ri ulew.

Salmib 98:3

man resam ta ri lok'ok'ebal u c'u'x xukuje' ri u jicomal puwi' ri u tinimit Israel. ¡C'ä pa ri q'uisbal u jutz' ri uwächulew ilitajinak wi ri u ch'äcanic ri ka Dios!

Salmib 51:1

Rumal ri lok'ok'ebal c'u'x la chwe, nu Dios, chel c'u'x la chwe; rumal ri nimalaj u ch'uch'ujil ri anima' la, che saj la ri nu mac.

Salmib 32:6

Rumal ri' pa tak ri jok'otaj aretak e c'o c'axc'olil ri e jic caquitz'onoj na chi queto' la, pune' quetixtob ulok ri nimak tak ja', man quebopan ta na cuc'.

Ri Ester 7:2

xukuje' c'u che we ucab k'ij ri' xubij ri ajawinel che ri Ester aretak cätajin quewa'ic: “¡Chatz'onoj jas ri cawaj, quinya' c'u chawe, pune' ta ba are catz'onoj pa niq'uiaj che ri wajawibal!”

Ri Ester 5:6

Aretak c'ut cätajin quewa'ic, ri ajawinel xubij che ri Ester: “¡Chatz'onoj chwe ri cawaj, quinya' c'u na chawe, pune' ta ba are catz'onoj pa niq'uiaj che ri wajawibal!”

Ri Ester 5:2

Ri ajawinel xuwi xrilbej u wäch ri ixok ajawinel Ester c'o cho ri uwo ja, xuc'ut ri rutzil ranima' che xuwalijisaj, c'ut ri bara' re k'an puak ri c'o pa u k'ab chusuq'uil. Ri Ester xuchap ri u wi' ri bara',

Ri Lucax 1:72

Quel ta c'u na u c'u'x chque ri e ka mam, man casach ta c'u na pa u jolom ri tastalic u c'ulwächinic.

Ri Miquey 7:20

¡Ajawaxel, jekeba' la, ri jiquil xukuje' ri lok'ok'ebal c'uxaj ri xchi'j la ulok ojer chque ri e ka mam ri Abraham xukuje' ri Jacob!

Juyuwem 3:63

¡Chila la chi pa conojel tak ri e qui banoj cäquetz'bej nu wäch!