Salmib 68:10 - Quiché Bible

¹⁰ Xjeki' c'u ri tinimit la chila', are' c'u ri lal nu Dios, rumal ri utzil la, xya' la che ri meba' ri cajwataj che.

Salmib 68:10 Referans Kwoze

Salmib 74:19

¡Sibalaj mujsach pa jolom la! Uj tuka'r uj jacha' ri palomax; ¡mujjach la pa qui chi' ri juyubal tak awaj!

Ri Matey 11:5

Ri moyab, queca'yic chic. Ri ch'ocojib quebin chic. Ri c'o ch'a'c chquij quecunatajic. Ri man queta'm taj, queta'm chic. Ri cäminakib quec'astajic. Chque ri mebayib cätzijox wi ri utzalaj tzijol.

1 Pedro 5:3

Miban chque je ta ne c'o i takanic paquiwi', xane' chixux jun c'utbal chquiwäch ri chij, rech ri e are' cäquiban que jas ri quiban ix.

Ri Lucax 1:53

Q'ui ri utzil xuban chque ri winak ri quenumic, xeresaj c'u bic ri k'inomab, man c'o ta xuya' bic chque.

Salmib 78:20

Kastzij chi ri Dios xuban quieb che ri nimalaj abaj; ri xel wi ulok ja' chupam jacha' jun nima', ri xuch'akaba' ri ulew; ¿la cäcuin ta c'u lo xukuje' cuya' wa? ¿la cäcuinic lo cuya' ti'j che ri u tinimit?”

Salmib 65:9

Ri lal coc la il che u chajixic ri ulew; cätak la ulok ri jäb che u ja'xic xukuje' cäban c'u la chi cäwächinic; lal cumal nimak tak jäb cäban la chi queq'uiy tak ri trico. ¡Jewa' cäban la che u suc'umaxic ri ulew!

Nabe Samuel 2:8

ri Dios cuwalijisaj ri meba' pa ri ulew cäresaj c'ut ri molonel chupam ri tixbal mes, che u t'uyubaxic chquixo'l ri nimak tak achijab cuya' c'u che chi cäya' pa jun c'olbal ri nim u k'ij; rumal rech chi ri Ajawaxel are ajchak'e ri e u tiq'uilibal ri uwächulew, paquiwi' c'u xuya' wi ri uwächulew.

U Camulixic ri Pixab 26:5

Quebabij c'u na we tzij ri' chuwäch ri Ajawaxel ri a Dios: ‘Ri e nu mam xak e quieb oxib aj arameyib ri xak xebinic, xecokxanij quib pa Ejipt, xejeki' c'u can chila', xebux c'u jun nim tinimit ri xc'oji' qui chuk'ab xukuje' man quebajilataj taj.

Ajilanic 16:3

Conojel c'ut e are' xquimulij quib, xquic'ulelaj ri Moises rachil ri Aaron, xquibij c'u chque: “¡Chubana' wa' ri nimal ri quixc'amowic! Ronojel ri tinimit tastajinak rumal ri Dios, c'o c'ut ri Ajawaxel kuc' konojel. ¿Jasche qui walijisaj iwib ix jacha' k'atal tzij ri nim u banic puwi' ri u tinimit ri Ajawaxel?”

Nabe Ajawinelab 8:36

chtatabej la ulok c'ä pa ri caj chsacha' la qui mac ri e pataninel tak ech la ri tinimit la re Israel, c'utu' c'u la ri utzalaj be chquiwäch ri rajawaxic u takexic cumal. Chtaka la ulok ri jäb puwi' we ulew ri' ri xya' la che echbal che ri tinimit la.

Salmib 65:10

Quech'akaba' la tak ri k'et rech ri ulew, quenojisaj la tak ri u xo'l che ja'; quech'uch'ujirisaj la cumal nimak tak jäb quetewichi'j c'u la ri e qui wächinic.

Salmib 65:11

Cänojisaj la ri junab cuc' tak tewichibal, ri sutz' la cäquijamij ulok nimak tak jäb;

Ri Isaiy 40:29

Ri are' cuya' u chuk'ab ri cosinak, are c'u ri tukar cuya' u wi' ri u chuk'ab.