Salmib 64:7 - Quiché Bible

⁷ Quesoc na rumal ri Dios ruc' ri u ch'ab, man c'o ta cäquinabej aretak quesoc na;

Salmib 64:7 Referans Kwoze

E C'ambal tak Tzij 6:15

Rumal ri' man c'o ta cunabej aretak cäpe ri c'axc'olil puwi'; pa jun u jakic xukuje' pa jun u tz'apixic bak'wächaj cäkaj chuxe' ri c'axc'ol man c'o ta u to'tajic.

Salmib 18:14

Xebuq'uiak ulok ri u ch'ab xukuje' ri u caypa', xuban c'u chque ri e nu c'ulel qui tuquin quib xebanimajic.

Ri Isaiy 30:13

rumal ri' ix ri c'o i mac. Ix junam ruc' jun nimalaj tapia ri pak'pobinak aretak man c'o ta cänabexic cäwulijic;

E C'ambal tak Tzij 29:1

Ri cuban rib chi tacaticalaj con aretak cäk'ilic, chanim cäsachisax na u wäch man c'o ta u to'tajic.

Salmib 73:19

¡Xa' pa jok'otaj cäsach qui wäch! ¡Ri xe'n ib caq'uisow na tzij paquiwi'!

Ri Job 6:4

Ri c'o ronojel u cuinem e u t'isom tak ri e ch'ab chwe, ri e qui k'inob quejuch'uch'ilab pa tak ri nu cuerp, ri Dios in u nojisam che xe'n tak ib cumal tak ri c'ax ri e u banom chwe.

U Camulixic ri Pixab 32:42

Quebenmuba' na ri nu ch'ab chupam ri quic', ri nu ch'ich' re ch'o'j cuq'uis na tzij paquiwi'; ¡qui quiq'uel socotajinak xukuje' quech ri quech'äctajic! ¡quech c'amal tak be ri e c'ulel, ri nimak tak qui wi'!’

U Camulixic ri Pixab 32:23

Paquiwi' quebenq'uiak wi na conojel ri etzelal, conojel ri nu ch'ab quebenq'uiak na chquij;

Ri Matey 24:40

E c'o c'u quieb pa ri juyub. Ri jun cäc'am na bic, ri jun chic cäya' canok.

Nabe Ajawinelab 22:34

C'o c'u jun ajch'o'j ri xak xutzokopij ri u q'uiakbal ch'ab pa ri quiakik', xusoc c'ut ri rajawinel ri Israel che cämical chuxo'l ri u tikem wi rib ri ratz'iak re ch'o'j. Xuya' c'u takanic che ri c'amal u be ri u carwaj: “Chattzelej chawij chinawesaj bic pa ri ch'o'j, nim ri socotajic nu rikom.”

Salmib 64:4

Pa ri c'ubal quib quequiq'uiak ulok ch'ab chque ri man c'o ta qui mac; man caquixe'j ta quib xak c'äte queq'uiakan ulok.

Ri Tzijonel 9:3

Are c'axc'olil wa' pa ronojel ri cäc'ulmataj cho we uwächulew ri': chi conojel xa junam jasach quebeyem conojel. Nojinak c'u ne ri u chomanic ri winak che ri etzelal; ri conil are catakan puwi' ri u chomanic ronojel ri u c'aslemal; ¡chuq'uisbalil c'ut quemukok!

Ri Jeremiy 17:9

Man c'o ta jun jasach c'olic ri sibalaj ta subunel na xukuje' sibalaj ta etzeletajinak na jacha' ri anima'aj aj winak. ¿Jachin ta ri ticarel che retamaxic?