Salmib 6:4 - Quiché Bible

⁴ Saj la Ajawaxel; chto'tajisaj la ri nu c'aslemal, chinto'tajisaj la rumal ri lok'ok'ebal c'u'x la.

Salmib 6:4 Referans Kwoze

Ri Daniel 9:18

Choc la il, nu Dios, xukuje' chätataben la; utz u ca'yexic bana' la ri ketzeletajic xukuje' ri tinimit la ri cänatax wi ri bi' la. Man quekaban ta ri ka bochi'nic che la rumal rech chi ka jiquiban ka c'u'x chrij ri u suq'uilal ri ka c'aslemal, xane' chrij ri nimalaj elebal c'u'x la.

Salmib 17:13

Walija la, Ajawaxel, ¡chk'atij la qui wäch!, ¡chemejmobisaj la ri qui ch'ec! Ruc' ri ch'ich' re ch'o'j la chinto'tajisaj la rech man quinkaj ta pa u k'ab ri banal etzelal;

Ri Malaquiy 3:7

“Ri ix e i tasom iwib chquij tak ri e nu takanic, jacha' ri u tasic tak quib ri e i mam, man c'u xiwaj taj qui nimaxic. In, ri Ajawaxel ri c'o ronojel u cuinem, quinbij chiwe: ¡Chixtzelej wuc', xukuje' ri in quintzelej iwuc'! Are c'u ri ix je quibij wa': ‘¿Jas ta c'u che cujtzelej na uc' la?’

Salmib 121:7

Ri Ajawaxel catuch'uk na rech man catkaj ta pa u k'ab apachique c'axc'olil; ri are' cuchajij ri a c'aslemal.

Salmib 116:4

Xinnataj c'u ri u bi' ri Ajawaxel xinta' tok'ob che chi cucol ri nu c'aslemal.

Salmib 90:13

¡Ajawaxel, tzelej la kuc'! ¿Joropa' k'ij cäbeytaj chi na la? Chel c'u'x la chque tak we pataninelab la ri'.

Salmib 80:14

Dios ri c'o ronojel u cuinem, bana' la tok'ob tzelej la ulok; kas chca'y la ulok chicaj chel c'u c'u'x la che we juwi' uva ri'.

Salmib 22:20

Chinto'tajisaj minc'äm pa u chi' ri ch'ich' re ch'o'j, chek'atij la we tz'i' ri' rech man quinquicämisaj taj;

Efesios 1:6

Rumal wa' cäkak'ijilaj amak'el rumal ri juluwemalaj rutzil, ri xujutewichibej rumal rech ri lok'alaj u C'ojol.

Ri Isaiy 38:17

Chilampe' la, che u q'uexwäch ri c'axc'ol, camic c'o jamaril wuc'. Ri lal xto' la ri nu c'aslemal chuwäch ri jul re sachbal wächaj, rumal rech chi e cuyum c'u la conojel ri nu mac.

Salmib 120:2

Ajawaxel, chinesaj la chquiwäch ri banal tak tzij, xukuje' chuwäch ri ak'aj ri cuban nimal.

Salmib 116:8

Xinresaj pa u k'ab ri cämical, xinresaj pa ri ok'ej, man xintzak ta c'ut.

Salmib 86:13

¡Man c'o ta u q'uisic ri lok'ok'ebal c'u'x la chwe! ¡In esam la pa u k'ab ri cämical!

Salmib 69:13

Are c'u ri in, Ajawaxel, quintz'onoj to'banic che la; ¡Nu Dios, chinto' la camic! ¡Rumal ri nimalaj lok'ok'ebal c'u'x la, chinch'abej la ulok! ¡Rumal ri to'banic la amak'el, chincolo' la!

Salmib 25:7

menataj chi c'ut ri nu mac che la, mawi ri etzelal ri xinban pa ri wac'alal. Ajawaxel, chinnataj ba che la, rumal ri lok'ok'ebal c'u'x la xukuje' ri utzil la.

Salmib 13:2

¿C'ä jampa' ri nu c'aslibal xukuje' ri wanima' quecoch'on na xukuje' quebison na ronojel k'ij? ¿C'ä jampa' quinel chuxe' ri u takanic ri c'ulel?

Salmib 74:10

Nu Dios, ¿c'ä jampa' lo cutanaba' ka yok'ic ri c'ulel? ¿C'ä jampa' lo cutakej na ka yok'ic?

Salmib 79:5

Oh Ajawaxel, ¿c'ä jampa' coc'ow ri oyowal la? ¿La xak cätajin wi cänicow ri oyowal la jacha' ri k'ak'?