Salmib 6:10 - Quiché Bible

¹⁰ Ri qui banom qui c'ulel chwe e cäminak rumal xe'n ib, quecanaj pa moxil; ¡pa jun u jakic xukuje' u tz'apixic bak'wächaj quebanimaj na elinak qui q'uixbal!

Salmib 6:10 Referans Kwoze

Ri Malaquiy 3:18

C'äte c'u ri' ri ix quich'ob chi na jumul ri jalbem ib ri c'o chuxo'l ri utz xukuje' ri lawaloyil, chuxo'l ri cak'ijilan che ri Dios xukuje' ri man cak'ijilan ta che.”

Ri Jeremiy 20:11

Are c'u ri lal, Ajawaxel, lal c'o wuc' jacha' jun ajch'o'j ri man cäch'äctaj ta wi; ri caquitzucuj ri nu kajic pa qui k'ab, cäquichak'ij na quib; quech'äctaj na, quel c'u na qui q'uixbal, xa' c'u jumul cäcanaj ri qui q'uixbal paquiwi' ri elinak, man casachisax taj.

Salmib 86:17

Ya' la jun k'alajalaj u c'utic ri utzil la chnuwäch, aretak c'ut caquilo, chel qui q'uixbal ri cäquetzelaj nu wäch. ¡Lal, Ajawaxel, cäya' la to'banic chwe xukuje' cu'bisabal c'uxaj!

Ri Isaiy 26:11

Ajawaxel, suc'umam chi la ri c'äjisabal wächaj, ri e are' c'ut man cäcaj ta cäquetamaj aretak c'ut cäquil ri lok'ok'ebal c'u'x la che ri tinimit la, man cäquirik ta chi na jas cäquibano. ¡C'o ta banom wi chi are' ta ri u k'ak'al ri oyowal la quebik'owic!

E C'ambal tak Tzij 29:1

Ri cuban rib chi tacaticalaj con aretak cäk'ilic, chanim cäsachisax na u wäch man c'o ta u to'tajic.

Salmib 132:18

Ri e u c'ulel quinwesaj na nimalaj qui q'uixbal, are' c'u che ri are' quinya' na nimalaj u juluwem.”

Salmib 112:10

Ri banal etzelal cäpe royowal aretak cäril u wäch; man cäcuin taj c'o jas cubano xuwi cukuch'uch'ej ri u ware. Ri itzel qui rayinic ri e banal tak etzelal man je ta quel wi na.

Salmib 73:19

¡Xa' pa jok'otaj cäsach qui wäch! ¡Ri xe'n ib caq'uisow na tzij paquiwi'!

Salmib 71:24

xukuje' ri wak' man cutanaba' ta u bixic chi ri lal, lal suc', e are' tak c'ut ri cäcaj chi quinrik c'ax elinak nimalaj qui q'uixbal.

Salmib 71:13

¡chesax qui q'uixbal xukuje' chisachisax qui wäch ri cäquiban qui c'ulel che ri nu c'aslemal! ¡Chtze'x qui wäch ri cäcaj ri nu c'axc'olil!

Salmib 35:26

Chech'ukutaj rumal q'uixbal ri quequicot che ri nu quiäkasakil chech'ukutaj rumal q'uixbal ri cäquina' quib chi nimak qui banic chnuwäch.

Salmib 25:3

¡Mawi jubik' mel qui q'uixbal ri qui cuban qui c'u'x chij la! ¡Are chel qui q'uixbal ri man c'o ta rumal cäquiyac quib che c'ulelaxic la!

Salmib 7:6

Ajawaxel, ¡walij la ruc' c'anal! ¡K'atij la u wäch ri coyowal ri qui banom qui c'ulel chwe! Lal yo'm la u bixic chi cäban la suc'alaj k'atoj tzij, ¡to' ba la nu wi'!

1 Tesalonicenses 5:3

Aretak cäquibij ri winak: “Utz uj c'olic, man c'o ta cäkac'ulmaj”, c'äte ri' cäpe na ri sachbal wächaj paquiwi' jas ri u k'oxowem ri ixok ri yawab winak. Man cato'taj ta c'ut.

Salmib 5:10

¡C'äjisaj la qui wäch nu Dios! ¡Chbana' la chi man utz ta quel ri itzel tak qui chomanic! Chexutuj la rumal ri q'uialaj tak qui mac, rumal rech chi quiwalijisam quib chij la.

Salmib 2:5

oyowarinak, c'ut quebuxibij; nojinak che oyowarem cubij chque:

Ri Job 6:29

Chitzelej iwib che ri xibij, mixux ma ta ix suc' chich'obo' chi c'o rumal ri quinbij.

Ucab Ajawinelab 20:5

“Chattzelejok chabij che ri Ezequiy, ri c'amal u be ri nu tinimit: ‘Ri Ajawaxel, ri u Dios ri a mam David, cubij: In xintatabej ri a bochi'nic xukuje' xebenwil ri e u wa'l tak a wäch. Catinwutzirisaj na, pa oxib k'ij c'ut catcuinic catbe chupam ri rachoch ri Ajawaxel.

Salmib 55:20

Caquiwalijisaj ri qui k'ab chquij ri cachil; man caquitz'akatisaj ta ri qui chi'nic chi canima' quib cuc'.