Salmib 57:1 - Quiché Bible

¹ Chel c'u'x la chwe, nu Dios, chel c'u'x la chwe, uc' la quintzucuj wi u to'ic wib. Quinwaj quinto' wib chquixe' ri xic' la c'ä coc'ow na ri xak quieb cubij panuwi'.

Salmib 57:1 Referans Kwoze

Salmib 91:4

catuch'uk c'u na cuc' ri e u xic', man c'o ta c'u jas cac'ulmaj na chquixe'. ¡Ri u jiquil catucol c'u na jacha' jun quetequic ch'ich'!

Salmib 36:7

¡Sibalaj mayibal ri lok'ok'ebal c'u'x la, nu Dios! Ri winak cäquitzucuj u ch'ukic quib chuxe' ri xic' la.

Salmib 61:4

Quinwaj quinc'oji' chupam ri achoch la chbe k'ij sak, quinch'uk wib chquixe' ri xic' la.

Salmib 63:7

lal c'ut ri quinto'w la. Quinquicot chquixe' ri xic' la.

Salmib 9:10

Ajawaxel, ri queta'm wäch la cäquicu'ba' qui c'u'x chij la, mawi jumul quebexutuj la canok ri que tzucum che la.

Salmib 91:1

Ri cajeki' chuxe' ri to'banelalaj u mu'jal ri c'o chicaj, ri c'o ronojel u cuinem,

Apocalipsis 21:4

Cusu' na ronojel ri u wa'l qui wäch ri e ok'inak. Man c'o ta chi cämical. Man c'o ta chi bis, man c'o ta chi curak u chi' rumal c'ax, mawi c'o chi k'oxowem. Xeboc'ow c'ut ri nabe tak jastak.”

Ri Rut 2:12

¡Are' ri Dios cäyo'w na rajil u c'axelal chawe! ¡Are' ba' ri Ajawaxel ri u Dios ri Israel ri a tzucum wi to'bal awib, chattojowok rumal ronojel ri a banom!”

Ri Isaiy 26:20

Jät, nu tinimit, chatoc chupam ri awachoch chatz'apij c'u ri oquibal aretak at oquinak chi bic. Chac'u' na jubik' awib c'ä coc'ow na ri royowal ri Ajawaxel.

Salmib 56:1

Nu Dios, chel c'u'x la chwe, e c'o winak ri e walijinak chwij; amak'el cäquimulij quib chwij, cäquiban c'ax chwe.

Salmib 91:9

A banom c'u ya' che ri Ajawaxel chi are' a panibal, che ri Dios aj chicaj ri a c'olbal ri cach'uk wi awib,

Salmib 13:5

Ri in nu cu'bisam nu c'u'x pa ri tok'ob la; ri wanima' cäquicotic rumal rech chi quincol la.

Apocalipsis 7:14

Xinbij c'u che: “Wajaw, wa' lal lal etamaninak.” Ri are' xubij chwe: “E are wa' ri e elinak ulok pa ri nimalaj c'axc'olil, ri qui ch'ajom ri catz'iak, xquisakarisaj pa ri u quiq'uel ri Alaj Chij.

Ri Isaiy 50:10

Ix ri nim quiwil wi ri Ajawaxel xukuje' quitatabej ri u ch'abal ri pataninel rech: we quixbin pa ri k'eku'm, man c'o ta jubik' i chaj, chicu'ba' i c'u'x chrij ri Ajawaxel; chitok'ej iwib che ri i Dios.

Salmib 142:1

Ruc' cowilaj rakoj chi'aj quintz'onoj ri u to'banic ri Ajawaxel, ruc' cowilaj rakoj chi'aj quintz'onoj elebal c'u'x che.

Ri Xuan 16:20

Kastzij, kastzij quinbij chiwe, chi quixok' na, quiban na ok'ej, e are c'ut ri winak aj uwächulew quequicot na. Pune' c'u ri ix ix c'o pa bis, ri i bis caq'uextaj na pa quicotemal.

Ri Matey 24:22

We ta ma ta queco'pix ri k'ij ri', ma ta c'o jun winak ri cäto'tajic. Rumal c'u quech ri e cha'om, queco'pix ri k'ij ri'.

Salmib 125:1

Ri caquijiquiba' qui c'u'x chrij ri Ajawaxel man queslabetaj taj; quejunamataj ruc' ri juyub Sion, kas xa jumul e jekelic.

Salmib 59:1

Nu Dios, chinto'tajisaj la rech man quinkaj ta pa qui k'ab ri e nu c'ulel; maya' la chi quinquich'äc ri banal tak c'ax.

Salmib 58:1

Ix ri e c'o i chuk'ab, ¿la kas suc' ri k'atan tzij ri quibano? xukuje' ¿la quiban kas k'atan tzij?

Ri Isaiy 10:25

Xa pa quieb oxib k'ij cäpe na ri c'äjisabal wächaj paquiwi', ri woyowal cäsachow na qui wäch.

Nabe Samuel 24:3

Pa ri u be xopan cuc' jujun tak c'olbal ri quewar wi tak ri chij chquinakaj wa' c'o wi jun pec ri qui c'olom wi quib ri David xukuje' ri rachijab. Ri Saul xoc pa ri pec che u banic ri u ch'uclem,

Nabe Samuel 22:1

Ri David xel bic chila' xanimajic xuc'u' rib chupam ri jul ri c'o pa Adulam. Aretak xquetamaj ri ratz xukuje' conojel ri rachalaxic, xekaj bic ruc' chila'.

Ri Lucax 13:34

¡Jerusalen, Jerusalen! At quebacämisaj ri e k'axal tak tzij, cabuc' chabaj ri quetak ulok awuc'. Q'ui mul xinwaj taj xebenmulij ri awal, jas ri ec' quebumulij ri alaj tak ral chquixe' ri u xic', man xawaj ta c'ut.

Nabe Samuel 24:8

Xteri' chi c'u ulok ri David chrij xel ulok pa ri pec, xurak c'u u chi' che, xubij: “¡Wajaw, ajawinel!” Xca'y c'u ri Saul chrij, are c'u ri David xumej rib c'ä cho ri ulew che u c'utic chi nim caril wi ri Saul,

U Camulixic ri Pixab 9:26

cuc' bochi'nic xinbij che: ‘Ajawaxel, masach la u wäch we tinimit ri', ri ech la, ri xtor la ruc' ri nimalaj chuk'ab la xesaj c'u la ulok pa Ejipt ruc' nimalaj cuinem.

Nabe Samuel 24:4

are c'u ri rachijab ri David xquibij che: “Camic catz'akat ri xuchi'j ri Ajawaxel che la chi cujach na ri c'ulel la pa k'ab la. Chibana' ba la che jachique ri utz quil la.” Xwalij ri David, sibalaj c'u chnojimal xuramij ch'akap ri u chi' ri u k'u' ri Saul;

Nabe Samuel 26:9

Ri David xutzelej u bixic che: “Macämisaj man c'o ta jun ri curayij ta u cämisaxic ri cha'om rumal ri Ajawaxel ri ma ta cäc'äjisax u wäch.

Salmib 75:1

Cujmaltioxin che la, nu Dios, cujmaltioxin che la; cäkaya' u k'ij ri bi' la, quekabixoj tak ri mayibal ri e banom la.