Salmib 51:4 - Quiché Bible

⁴ Chwäch la in macuninak wi, chwäch la xuwi in macuninak wi, xinban c'ut ri lawaloyil ri cäc'okoj la. Rumal ri' suc' ri chomanic la; man cäc'ulelax ta ri k'atan tzij la.

Salmib 51:4 Referans Kwoze

Ri Lucax 15:21

Ri u c'ojol xubij che: ‘Tat, in macuninak chuwäch ri Dios xukuje' chwäch la. Man takal ta chic cäbij ta c'ojol la chwe.’

Romanos 3:4

¡Man je ta ri'! Xane' are ri Dios kastzij, pune' conojel ri winak e banal tak tzij. Jas ri tz'ibatalic: “Rech cäk'alajisax la chi ri lal suc' pa tak ri tzij la, xukuje' rech cäch'äcan la aretak cäk'at tzij pa wi' la.”

Chapletajic 39:9

Chupam we ja ri' man c'o ta jun ri c'o ta na u takanic chnuwäch; ri wajaw man c'o ta ri ma ta u jachom pa nu k'ab xane' xak xuwi ri lal, lal c'ut ri rixokil; je c'u ri' ¿jas ta che quinban jun jasach ri sibalaj lawalo, quinmacun ta c'u chuwäch ri Dios?”

Chapletajic 20:6

Ri Dios xubij che pa ri u waram: “Kas weta'm chi ruc' ch'ajch'ojalaj awanima' xabano. Rumal ri' man xinya' ta pa k'ab chi caweklej, rech man catmacun ta chnuwäch.

Apocalipsis 16:5

Xinta' c'u ri tako'n aj caj que tak ri ja' ri je xubij wa': “Lal ri' ri lal suc', ri c'o la, ri c'o la ulok ojer, ri tastalic ri man queban ta la etzelal, rumal rech chi k'atom la tzij paquiwi' we jastak ri'.

Santiago 2:9

We c'u sibalaj quiya' na u k'ij jun winak chuwäch jun chic, quixmacunic. Ri pixab cuk'alajisaj chi man quinimaj taj.

Romanos 2:5

Co c'u ri awanima', man caq'uex ta ri a c'u'x. Rumal ri', aretak cäpe ri royowal ri Dios paquiwi' ri winak, xukuje' cäpe na chawij at. Jewa' cäban na chawe aretak cäk'alajisax ri suc'alaj u k'atoj tzij ri Dios.

Hechos 17:31

U chomam c'u ri Dios jun k'ij ri cuk'at na tzij puwi' ri uwächulew ruc' suq'uilal, rumal jun achi ri u cha'om are'; xuya' c'u c'utbal chque conojel aretak xuc'astajisaj.”

Ri Lucax 7:29

Conojel c'ut ri xquita' ri xubij ri Xuan xukuje' ne ri e tok'il tak alcabal, xban qui bautism rumal ri Xuan, xquik'alajisaj c'ut chi suc' ri Dios.

Salmib 50:6

Ri caj cuk'alajisaj chi ri Dios are' jun suc'alaj k'atal tzij.

Salmib 50:4

Kas chicaj ri Dios, cusiq'uij ri caj xukuje' ri ulew che rilic ri k'atan tzij puwi' ri u tinimit:

Ucab Ajawinelab 21:6

Xak c'u u wi' chic xebuporoj ri u c'ojol che tabal tak tok'ob, xebusiq'uij tak ri uxlabal xebuban c'u ch'obonic, xujekeba' ri u ya'ic qui k'ij tak ri uxlabal xukuje' ri itzinic. Ri e u banoj ri xebubano man utz ta xeril ri Ajawaxel, xuq'uis c'u retzelaxic rib chuwäch.

Ucab Ajawinelab 17:17

Xquibano chi xeporox tak ri e qui c'ojol xukuje' tak ri e qui mia'l pa ri k'ak' che tabal tak tok'ob, xequiban tak ch'obonic xukuje' k'ijinic, xquijach quib che u banic ri etzelal chuwäch ri Ajawaxel, je c'u xquiban wa' che u yaquic ri royowal.

Aj Levitib 5:19

Jun tabal tok'ob wa' u mac rech ri macunic, we winak ri' uxinak ajchak'mac chuwäch ri Ajawaxel.”

Chapletajic 9:6

“We c'o jun cucämisaj jun winak, jun winak chic cacämisan na ri are', ri winak c'ut xwinak'irisaxic che ri u banic ri u ca'yebal ri Dios.

Apocalipsis 19:11

Xinwil ri caj jaktalic. Xinwil jun sak rij quiej. Are' ri t'uyul chrij cäbix Jic xukuje' Kastzij che. Ruc' suq'uil cuk'at tzij xukuje' cäch'ojinic.

Santiago 2:11

Rumal rech chi are ri xbinic: “Matkaj pa mac cuc' niq'uiaj chic”, xubij xukuje': “Matcämisanic.” We man at kajinak pa mac cuc' niq'uiaj chic, we c'u ne at cämisaninak, man a nimam ta ri' ri pixab.

Chapletajic 38:7

Man xkaj ta c'u ri itzel u c'aslemal ri Er chuwäch ri Ajawaxel, rumal ri' xucämisaj.

Ri Isaiy 43:25

Are c'u ri in rumal rech chi in a Dios, quebenchup ri awetzelal man quenataj ta chi na ri a mac chwe.