Salmib 50:5 - Quiché Bible

⁵ “Chebimulij ri e jic wuc', ri qui banom jun c'ulwächinic wuc' che u chi'xic jun tabal tok'ob chwe.”

Salmib 50:5 Referans Kwoze

Hebreos 13:20

Are ba' ri Dios ri cäyo'w jamaril chixo'l, ri xc'astajisan ri Kajaw Jesucrist chquixo'l ri cäminakib, are wa' ri nimalaj Cajyuk' ri chij rumal ri quic' re ri junalic c'ulwächinic,

Ri Matey 26:28

Are c'u nu quiq'uel wa' re ri c'ulwächinic. Ri nu quiq'uel cäturuw na rech cäsachtaj ri qui mac e q'ui winak.

Hebreos 12:24

Ix opaninak chunakaj ri Jesus, ri ch'awenel re ri c'ac' u c'ulwächinic, xukuje' chunakaj ri u quiq'uel ri xchiquichaxic, ri c'o na ri cubij chuwäch ri u quiq'uel ri Abel.

Salmib 97:10

Ix ri quilok'ok'ej ri Ajawaxel, chiwetzelaj u wäch ri lawaloyil; cuch'uk ri qui c'aslemal ri e jic chuwäch; queresaj pa qui k'ab ri banal tak etzelal.

Salmib 30:4

Ix ri ix jic chuwäch ri Ajawaxel, ¡chebibixoj bix che, chi k'ijilaj ri tastalicalaj u bi'!

E C'ambal tak Tzij 2:8

Quebuchajij ri quebin pa suq'uilal, cuya' c'u to'banic chque ri jic quebin chuwäch.

Ri Juds 1:14

Ri Enoc, are ri uwak rija'lil can ri Adan, xuk'axej chque ri winak ri u tzij ri Dios chquij we winak ri', xubij: “Chiwilampe' ri Ajawaxel petinak e rachilam q'ui mil tastalic tak winak ri e rech,

1 Tesalonicenses 3:13

Jeri' sibalaj c'o u chuk'ab ri iwanima', man c'o ta etzelal cäriktaj chiwij, ix tastalic tak winak chuwäch ri Dios ka Tat, aretak cäpe ri Kajaw Jesus e rachilam conojel ri tastalic tak winak ri e rech.

Ri Matey 24:31

Quebutak na ri tako'nib aj chicaj ruc' nimalaj rok'ebal trompet. Quebumulij na ri e rech ri e u cha'om pa ri quiejeb u tza'm ri uwächulew, che ri jun u tza'm ri caj c'ä che ri jun chic.

Ri Zacariy 14:5

Are c'u ri ix quixanimaj na quitakej na ri beya' ri cacanaj chquixo'l ri juyub, ri copan na c'ä pa Azal, ri c'o ch'käp. Quixanimaj na ix jacha' ri xquiban ri e i mam xebanimaj rumal rech ri nimalaj cabrakan ri xc'ulmatajic aretak ri ajawinel Uziy cajawin pa Juda. Cäpe c'u na ri Ajawaxel ri nu Dios achilatal cumal ri jic xebin chuwäch.

Ri Isaiy 13:3

E nu siq'uim chic ri cowilaj tak nu wachijab, nu yo'm takanic chque ri wajch'ojab ri qui jachom quib che u banic ch'o'j, chque ri quejajat rumal ri nu ch'äcanic, cäquiya' c'u ri c'äjisabal wächaj ri nu chomam u ya'ic.”

2 Tesalonicenses 2:1

Chrij c'u ri cäbantaj na aretak cäpe ri Kajaw Jesucrist xukuje' aretak cäkamulij kib ruc', quixkabochi'j, kachalal,