Salmib 5:9 - Quiché Bible

⁹ Ri e are' mawi jumul jicom ta ri quech'awic; ¡e chuwirinak chquipam! Ri u pa qui kul junam ruc' jun mukbal ri jaktalic; ¡ri cak' banal tzij!

Salmib 5:9 Referans Kwoze

Romanos 3:13

Ri u pa qui kul je jas ri mukubal ri jaktalic. Ri cak' banal tzij ri u pa qui chi' u c'u'm u k'inob cumätz.

Salmib 62:4

Xuwi quichomaj nu t'akixic; ri i quicotemal are ri banoj tzij: ruc' ri i chi' quiya' nu k'ij quiniyok' c'u pa tak iwanima'.

Ri Miquey 6:12

Ri k'inomab ri e c'o chupam we tinimit ri' conojel e k'ipinelab; banal tak tzij xukuje' e subunelab conojel ri e c'o chupam we tinimit ri'.

E C'ambal tak Tzij 29:5

Ri amak'el cuya' u k'ij ri rachil, kastzij cätajin culic' jun c'amibal chuwäch.

Salmib 51:6

Kastzij, ri lal calok'ok'ej la ri anima' ri jicom, cäc'ut la ri no'j chnuwäch chupam ri wanima'.

Ri Lucax 11:44

¡C'ax iwe!, ix pariseyib, rumal rech chi ix je jas ri mukubal ri man e k'alaj taj. Ri winak c'ut quebin paquiwi', man c'u quequinabej taj.”

Salmib 52:2

Xuwi cachomaj u banic ri c'ax; ri awak' are jun banal c'ax junam ruc' jun cuchilo ri c'o u ware.

Ri Jeremiy 17:9

Man c'o ta jun jasach c'olic ri sibalaj ta subunel na xukuje' sibalaj ta etzeletajinak na jacha' ri anima'aj aj winak. ¿Jachin ta ri ticarel che retamaxic?

Ri Jeremiy 4:14

Jerusalen, chajosk'ij ri awanima' che ri etzelal we je caban wa' catto'taj na. ¿C'a jampa' lo catanaba' qui chomaxic pa a jolom ri itzel tak chomanic?

Salmib 64:6

chi man c'o ta jun cäch'obow ri quetzelal. Are' c'u ri cäcuin che retamaxic ri qui chomanic ri winak ri c'o pa canima', are' cäch'obow na.

Salmib 62:9

Ri winak xa jun uxlab, xak junam ri meba' ruc' ri k'inom; we ta quepaj junam pa jun pajbal, man quepajan ta jubik'.

1 Tesalonicenses 2:5

Mawi jumul xkabij tzij chiwe xak rech utz quito, jas ri iweta'm. Mawi c'o jas xkabij chiwe xak rech cäkach'äc puak chiwij. Ri Dios xujrilo xukuje' reta'm.

Ri Lucax 11:39

Ri Ajawaxel xubij che: “Camic ri ix pariseyib quich'aj ri rij ri uq'uiabal xukuje' ri lak. Are c'u ri chupam nojinak che eläk'anic, nojinak che etzelal.

Ri Esdras 8:21

Xinya' c'u u bixic chi man quewa' ta na jujun k'ij chunakaj ri nima' Ahab, che u k'alajisaxic chi uj macuninak chuwäch ri ka Dios, che c'u u tz'onoxic che chi colom chujuc'ama' bic xukuje' ri e kachalaxic xukuje' ri jastak ke.

Salmib 27:11

Ajawaxel chc'utu' ri be la chnuwäch; chc'ama' la nu be pa ri suc'alaj be, qui mac quech ri e nu c'ulel;

Salmib 69:19

Chwäch la c'o wi ri c'ax ri nu rikom, ri q'uixbal xukuje' ri yok'obal; eta'm la jachin tak ri e nu c'ulel.

Ri Isaiy 26:7

Suc' ri qui be ri suc'alaj tak winak, lal, Ajawaxel cajicomaj la ri qui be.