Salmib 5:5 - Quiché Bible

⁵ mawi c'o ta c'olbal chwäch la chque ri e banal tak nimal. Lal quetzelaj la qui wäch ri banal tak etzelal,

Salmib 5:5 Referans Kwoze

Salmib 11:5

Ri Ajawaxel queralwächij ri e suc' xukuje' ri e banal tak etzelal, ruc' ronojel u c'aslibal cäretzelaj qui wäch ri cäkaj chquiwäch ri u banic ri tokinic.

Ri Osey 9:15

Je wa' cubij ri Ajawaxel: “Pa Jilgal xquiban wi ronojel u wäch lawaloyil, chila' c'u xinchaplej wi retzelaxic qui wäch. Qui mac ri e itzel tak qui banoj quebenwesaj bic chupam ri wachoch; man quintakej ta qui lok'ok'exic, conojel c'ut ri e c'amal tak qui be man cäcaj ta ch'abexic.

Salmib 1:5

Rumal ri' ri e banal tak etzelal man e are' ta juch'ob pa ri k'atan tzij; ri ajmaquib man c'o ta quech chquixo'l ri suc'ab.

Ri Matey 25:41

Ri Ajawinel cubij c'u na chque ri e c'o pa ri u mox k'ab: ‘Chixel chnuwäch, ix c'okom. Jix pa ri k'ak' ri man cächup taj ri suc'umam che ri itzel xukuje' ri e u tako'nib.

Aj Levitib 20:23

Miban iwe ri cäquiban tak ri winak ri quebenwesaj na bic chiwäch; ri e are xequiban conojel we itzel tak jastak ri', rumal ri' man xinch'ij ta qui coch'ic.

E C'ambal tak Tzij 1:7

Ri no'j cachaptajic rumal u ya'ic u k'ij ri Ajawaxel; ri man c'o ta qui no'j cäquetzelaj u wäch ri no'j xukuje' ri tijonic.

Ri Habacuc 1:13

Ri lal sibalaj lal ch'ajch'oj che u c'ulaxic ri lawaloyil, che u ca'yexic ri etzelal ri cäkaj ta chwäch la; ¿jasche quekaj ri banal tak etzelal chwäch la man c'o ta c'u jas cabij ta la chque, man cäch'aw ta c'u la aretak ri banal etzelal cusachisaj qui wäch ri e utz na chuwäch ri are'?

E C'ambal tak Tzij 8:5

Alabom ri man c'o ta jas iweta'm ri man c'o ta i no'j, chitijoj iwib rech cux utz i chomabal xukuje' cäc'oji' i ch'obonic.

Ri Matey 7:23

Ri in c'ut quinbij na chque: ‘Mawi jumul xinch'ob i wäch. Chixel chnuwäch, ix banal tak etzelal.’ ”

Ri Zacariy 11:8

Xa' pa jun ic' xebenwesaj bic oxib ajyuk'ab ri xq'uistaj nu c'u'x cuc' caquetzelaj c'u nu wäch xukuje'.

Ri Tzijonel 5:4

Aretak caban jun chi'nic che ri Dios, mabey ri u tz'akatisaxic, rumal rech chi ri are' man utz ta queril ri man c'o ta qui no'j. Chatz'akatisaj ri cachi'j,

E C'ambal tak Tzij 1:22

“C'ojolab ri man c'o ta iwetamanic, ri quiwetz'bej u wäch ronojel, ri man c'o ta i no'j, ¿c'ä jampa' lo quitanaba' u lok'ok'exic ri conil ri c'o iwuc', quirik c'u na quicotemal pa ri etz'ben wächaj, quiwetzelaj c'u u wäch ri etamanic?

Salmib 75:4

Chque ri banal tak nimal xukuje' chque ri banal tak etzelal, quinbij: “Minimarisaj i k'ij, xukuje' miban nimal;

Salmib 130:3

Ajawaxel, Ajawaxel, we ta ma ta quesach la qui tza'm ri etzelal, ¿jachin ta lo ri' ri cäcuinic co cätaq'uic?

Salmib 94:8

¡Chixch'obonok tac tak winak, xukuje' man c'o ta i no'j! ¿Jampa' lo quixcuinic qui ch'obo?

Salmib 92:6

¡Xuwi ri man etal ta tzij man quecuin ta che u ch'obic!

Salmib 14:1

Ri man c'o ta qui no'j cäquichomaj chi man c'o ta Dios: conojel quetzelam quib; qui banom xibibalalaj tak jastak; ¡man c'o ta chi jun cuban ta utzil!

Salmib 73:3

Xinna' quiäk rayinic aretak xinwilo jas caquiban ri banal tak nimal xukuje' ri e banal tak etzelal quek'inomaric.

Salmib 10:3

Ri banal etzelal cunimarisaj u k'ij pa tak ri kas u rayinic; ri quiäk rayinel cac'okonic cäretzelaj u wäch ri Ajawaxel.

E C'ambal tak Tzij 15:9

Ri Ajawaxel man cucoch'taj ri qui c'aslemal ri e banal tak etzelal, culok'ok'ej c'ut jachin ri cäruc'aj jun colomalaj c'aslemal.