Salmib 49:6 - Quiché Bible

⁶ We winak ri' qui cu'ban qui c'u'x chrij ri qui k'inomal, cäquiban nimal chi q'ui jastak que c'olic;

Salmib 49:6 Referans Kwoze

1 Timoteo 6:17

Ri e k'inomab ri e c'o cho ri uwächulew camic, chebataka' chi mäquinimarisaj quib, chi mäquicu'ba qui c'u'x chrij ri k'inomal ri man kastzij taj chi c'olic. Xane' chquicu'ba qui c'u'x chrij ri c'aslic Dios, ri yowinak ronojel ri jastak chke, sibalaj nim u yo'm chke, rech cujquicot ruc'.

Ri Jeremiy 9:23

Ri Ajawaxel cubij: “Munimarisaj u k'ij ri ajno'j chi ajno'j, mawi ri ajcuinem chi ajcuinem, mawi ri k'inom che ri u k'inomal.

Salmib 52:7

“Chiwilampe' ri man cutzucuj ta u to'ic rib ruc' ri Dios; ri cucu'ba' u c'u'x chrij ri nimak tak u k'inomal ri cutakej u banic ri etzelal.”

Marcos 10:24

Ri tijoxelab xquimay ri u tzij. Xch'aw chi ri Jesus, xubij chque: “Alc'ualaxelab, ri winak ri cu'l qui c'u'x chrij ri k'inomal, ¡sibalaj c'ax chi queboc pa ri rajawibal ri Dios!

Ri Lucax 12:19

Quinbij c'u na che ri wanima': Wanima', q'ui jastak awe a c'olom re q'ui junab. Chatuxlanok, chatwok, chatuq'uianok, chatquicotok.’

Ri Osey 12:8

Ri Eprain je cubij wa': ‘¡Je, in k'inomarinak, nu rikom jun k'inomal ri c'utalic; man c'o ta c'u jachin cäbin ta tzij chwij chi e nu rikom ri e nu ch'äcoj cumal tak subunic!’

E C'ambal tak Tzij 23:5

We kas utz rilic cabano cawil c'u na chi man e c'o ta k'inomal; ruc' aninakil querapinic quebec, e jacha' ri cot, je ta ne ri xa queq'uiy qui xic'.

E C'ambal tak Tzij 11:28

Ri cujiquiba' u c'u'x chrij ri u k'inomal, je cux na jacha' ri chaki'j u xak che' are' c'u ri e suc' queraxar na jacha' ri e u k'ab tak che'.

E C'ambal tak Tzij 10:15

Ri to'bal rib ri k'inom are' ri u k'inomal; ri u quiäkasakil ri meba' are' ri u tzubukil.

Salmib 62:10

Micu'ba' i c'u'x chrij ri tokinic; ¡mawi misipojisaj iwib rumal ri eläk'! We quixk'inomaric, micu'ba' i c'u'x chrij ri puak.

Ri Ester 5:11

ri Aman xebutzijoj c'ut ri nimak tak u k'inomal chque, ri q'uialaj u c'ojol ri e c'olic, xukuje' chi sibalaj nim quil wi rumal ri ajawinel chquixo'l ri rach k'atal tak tzij xukuje' ri quetoban ruc', xuya' c'u jun rekle'n ri nim na u k'ij chquiwäch ri quech are'.

Salmib 56:5

Amak'el c'ax quech'aw chwe; xuwi cäquichomaj u banic c'ax chwe.

Salmib 56:7

¿La ma ta c'u lo caquikajbej na ri quetzelal? Nu Dios, chemach'irisaj la ri tinimit ruc' ri oyowal la.

Salmib 112:7

Man cuxe'j ta rib chque ri itzel tak jastak ri quetzijoxic; co jekel ri ranima', u cuban u c'u'x chrij ri Ajawaxel.

Salmib 112:8

Co jekel ri ranima', man cuxe'j ta rib, cutze'j c'u ne' qui wäch ri e u c'ulel.