Salmib 49:15 - Quiché Bible

¹⁵ Ri Dios c'ut quinresaj na pa u k'ab ri cämical, quinuc'am na bic ruc'.

Salmib 49:15 Referans Kwoze

Salmib 73:24

c'amom la nu be cuc' tak ri pixbenic la, chuq'uisbalil quinc'ulaj na la ruc' quicotemal.

Salmib 56:13

Rumal rech chi xinesaj la pa u k'ab ri cämical, rumal rech chi xinto'tajisaj la rech man quintzak ta, rech quinbin pa ri u sakil ri c'aslemal, chuwäch ri Dios.

Salmib 86:13

¡Man c'o ta u q'uisic ri lok'ok'ebal c'u'x la chwe! ¡In esam la pa u k'ab ri cämical!

Salmib 89:48

¡Man c'o ta jun cäcuinic cäc'asi'c ri ma ta c'u cäcämic! ¡man c'o ta jun ri ma ta cäbe pa ri mukubal!

Ri Osey 13:14

¿La quebentor ta c'ut rech ma ta chekaj pa u k'ab ri mukubal? ¿La quebento'tajisaj ta c'u lo rech ma ta quekaj pa u k'ab ri cämical? ¿Jawije' c'o wi, cämical, ri a cuinem che u sachisaxic wächaj? ¿Jawije' tak e c'o wi, mukubal ri e a lawaloyil? ¡Man quel ta chi na nu c'u'x chque we winak ri'!

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.

Chapletajic 5:24

Ri Enoc xak xsachic, xc'am bic rumal ri Dios rumal rech chi xniman che ri Dios pa ronojel ri u c'aslemal.

Hechos 7:59

Xquibuc' ri Estebn che abaj. Ri Estebn xuta' ri u to'banic ri Ajawaxel, xubij: “Wajaw Jesus, c'ama' la ri wuxlabal.”

Ri Xuan 14:3

We c'u quinbe che u suc'umaxic c'olbal chiwe, quinpe chi na, quixinc'am c'u na bic wuc', rech jawije' ri quinc'oji' wi, xukuje' ri ix chila' quixc'oji' wi na.

Ri Lucax 23:46

C'äte ri' ri Jesus co xurak u chi', xubij: “Tat, quinjach ri wuxlabal pa k'ab la.” Aretak xbitaj wa' rumal, xcämic.

Salmib 31:5

Pa k'ab la quinjach wi ri wuxlabal; ¡chinto'tajisaj la, Ajawaxel, Dios, aj kastzij!

Apocalipsis 14:13

Xinta' jun ch'abal chicaj, ri xubij: “Chatz'ibaj wa': ‘Utz que ri quecäm pa ri Ajawaxel. Cäminakib ri e rech ri Ajawaxel ri camic xukuje' ri que takem na ri que cämic.’ ” “Je',” cächa ri Uxlabaxel, “quebuxlan na che ri qui chac, queteri c'u bic ri qui chac chquij.”