Salmib 47:9 - Quiché Bible

⁹ Ri achijab ri nimak qui k'ij pa nimak tak tinimit, caquijunamaj quib ruc' ri u tinimit ri u Dios ri Abraham,

Salmib 47:9 Referans Kwoze

Salmib 89:18

¡Ri ch'ukubal kib are' ri Ajawaxel! ¡Ri kajawinel are' ri Suc' re Israel!

Chapletajic 49:10

Man c'o ta jun quesan ri cuinem pa u k'ab ri Juda mawi ri ch'ämiy ri c'o pa u k'ab c'ä cäpe na ri ajchak'e ri ch'ämiy, ri cänimax na cumal conojel tak ri tinimit.

Elem 3:6

Xutakej u bixic xubij che: “In ri' ri qui Dios ri e a mam; ri u Dios ri Abraham, ri Isaac, xukuje' ri Jacob.” Ri Moises xuch'uk ri u palaj, xuxe'j c'u rib che u ca'yexic ri Dios,

Gálatas 3:29

We ix rech ri Crist, kas ix rija'lil ri Abraham ri', xukuje' echbenelab jas ri u bim ri Dios pa ri u chi'm ulok che ri Abraham.

E C'ambal tak Tzij 30:5

Ri Ajawaxel quebuto' ri cäquijiquiba' qui c'u'x chrij; conojel tak ri e u chi'nic takal c'u quijiquibaxic c'uxaj chquij.

Salmib 97:9

ri lal c'ut, Ajawaxel ri lal c'o chicaj, lal c'o puwi' ronojel ri uwächulew, nim na banic la chquiwäch ri diosib.

Salmib 72:11

¡Chi conojel c'ut ri ajawinelab chexucul chuwäch! ¡Chi conojel c'ut ri nimak tak tinimit chepatanin che!

Salmib 46:10

“¡Mich'ujarisaj iwib! ¡Chich'obo' chi ri in in Dios! ¡In c'o paquiwi' ri nimak tak tinimit! ¡In c'o puwi' ronojel ri uwächulew!”

Romanos 11:25

Wachalal, quinwaj chi quich'ob we awatalic ri', rech man quichomaj taj chi ri ix nim na ri i no'j. Xcowirisax na apan jubik' ri canima' ri aj israelib, c'ä aretak queboc na conojel ri man aj israelib taj ri quecojon na.

Ri Matey 22:32

‘In ri' ri u Dios ri Abraham, ri u Dios ri Isaac, xukuje' ri u Dios ri Jacob.’ Ri Dios c'ut man are ta qui Dios ri cäminakib, xane' are ri qui Dios ri e c'aslic.”

Ri Isaiy 49:23

Ri ajawinelab caquiban na calc'ual chiwe e are' c'ut ri e qui mia'l e yuk'ul tak iwech. Cäquimej na quib chawäch c'ä cho ri ulew, cäquirik' na ri ulew ri c'o chque tak ri awakan. Cäquetamaj c'u na chi in ri Ajawaxel, chi ri cäcu'bi qui c'u'x chwij man quel ta na qui q'uixbal.”

Ri Isaiy 49:7

Ri Ajawaxel, ri toronel, ri Tastalicalaj u Dios ri Israel, cubij che ri tinimit ri sibalaj etzelam u wäch, ri quetzelax u wäch cumal ri niq'uiaj tinimit chic, ri uxinak qui lok'om pataninel ri itzel tak winak: “Aretak catquil ri ajawinelab xukuje' tak ri e qui c'ojol, quewalij na cäquimej na quib chawäch, rumal rech chi in, ri Ajawaxel, ri Tastalicalaj u Dios ri Israel, xatincha'o, quebentz'akatisaj c'u na ri e nu chi'm.”

Ri Isaiy 11:10

Pa ri k'ij ri' ri u tux we rab ri' ri are' ri Isayi, cäwalij na jacha' jun etal chque ri tinimit; ri nimak tak tinimit quepe na che u tzucuxic, ri c'olbal c'ut ri cac'oji' wi cux na juluwem.

Elem 3:15

Xubij chi c'u na ri Dios che ri Moises: “Xukuje' chabij chque ri aj israelib: ‘Ri Ajawaxel ri qui Dios ri e i mam; ri u Dios ri Abraham, ri Isaac, xukuje' ri Jacob in u takom ulok iwuc'.’ Are nu bi' wa' chbe k'ij sak, are nu bi' wa' pa conojel ri k'ij junab.