Salmib 46:5 - Quiché Bible

⁵ Ri Dios c'o pa u niq'uiajil wa', carilij c'u na; ri Dios cäto'w na che u chaplexic ri k'ij.

Salmib 46:5 Referans Kwoze

Ri Zacariy 2:5

Are' c'u ri Ajawaxel cajiquiban u bixic: In quinux na jacha' ta ne jun nimalaj tapia re k'ak' ri cusutij rij ri Jerusalen, pa u niq'uiajil c'ut ri tinimit quinc'ut wi na ri nu juluwem.’ ”

Ri Joel 2:27

are c'u ri ix, aj israelib, rajawaxic u ch'obic iwumal chi ri in, ri Ajawaxel, in c'o iwuc', chi in c'ut ri i Dios man c'o ta chi c'u jachin ta jun chic c'olic. ¡Mawi jumul cacanaj ta chi can ri nu tinimit nojinak ta che q'uixbal!”

Ri Soponiy 3:15

Ri Ajawaxel u najtajisam chawe ri u c'äjisaxic a wäch e u najtajisam c'u bic ri qui banom qui c'ulel chawe. Ri Ajawaxel, ri Rajawinel ri Israel, c'o pa a niq'uiajil man c'o ta chi c'u etzelal caxe'j ta chi wi awib.

Ri Ezequiel 43:7

Cubij c'u ulok chwe: “Are' c'olbal wa' rech ri nu tem re ajawinel, ri c'olbal ri quebenya' wi na ri wakan; waral quinjeki' wi na chquixo'l ri aj israelib amak'el. Mawi ri e are' mawi ri e cajawinelab caquiya' ta china' ri tastalicalaj nu bi' pa yok'ical: man quebe quiyaca' ta chi na tz'ak che u nataxic ri cajawinelab aretak e cäminak chic,

Ri Isaiy 12:6

Chebiya' rakoj tak chi'aj re quicotemal ri ix jekel pa Sion, rumal rech chi ri Tastalicalaj u Dios ri Israel c'o pa i niq'uiajil ruc' ronojel ri u nimalil.”

Salmib 62:2

Xuwi ri are' quincolowic xukuje' qui nu ch'uku'; man quintzak taj, che c'u quinchap wi wib.

Salmib 112:6

Rumal ri' mawi jubik' quetzakok. ¡Ri suc'alaj winak amak'el cänatax na!

Ri Matey 18:20

Jawije' c'ut ri qui mulin wi quib quieb oxib winak pa ri nu bi', chila' in c'o wi chquixo'l.”

Ri Zacariy 8:3

Quintzelej c'u na pa Jerusalen, rech quinjekel chila'. Jicalaj Tinimit cuchi'x c'u na ri Jerusalen, are c'u ri u juyub ri Ajawaxel, ri c'o ronojel u cuinem, Juyub Tastalic cuchi'x na.

Ri Ezequiel 43:9

Che qui najtajisaj c'ut camic ri itzel tak qui banoj chwe xukuje' ri u cojic tak ri qui tz'ak tak ri cajawinelab, are c'u ri in quinjeki' na chquixo'l amak'el.

Salmib 62:6

Xuwi ri are' quincolowic xukuje' qui nu ch'uku'; man quintzak taj, che c'u nu ch'apom wi wib.

U Camulixic ri Pixab 23:14

Cäbin c'u ri Ajawaxel ri i Dios xo'l tak ri kajebal ri ix c'o wi, che i chajixic xukuje' che u ya'ic ri ch'äcanic chiwe paquiwi' ri e i c'ulel; rumal ri' rajawaxic chi ch'ajch'oj ri c'olbal ri quixc'oji' wi, rech man c'o ta jun muluwibal c'uxaj curik ri Dios pa ri c'olbal ri ix c'o wi, we c'u man je quibano cutas na rib ri Ajawaxel chiwe.”

Salmib 37:40

Ri Ajawaxel quebuto' che quesaxic quib. Cuban chque chi caquesaj quib pa qui k'ab ri e banal tak etzelal, quebuto'tajisaj c'ut, rumal rech chi ruc' are' xquitzucuj wi ch'ukubal quib.

Ri Osey 11:9

Man je ta quinban na jacha' ri u k'ak'anem ri woyowal: man quisachisaj ta chi na u wäch ri Eprain, in c'u Dios; man winak taj. In ri' ri Tastalic, ri in c'o pa a niq'uiajil, in man in petinak ta che u sachisaxic a wäch.”

Salmib 30:5

Xa c'u jubik' cäbeytaj ri royowal, are c'u ri rutzil man c'o ta u q'uisic. We cujok' chak'ab, ak'abil c'o chic ka quicotemal.

Ri Lucax 18:8

Quinbij chiwe chi chanim cuk'at na tzij paquiwi' ri qui c'ulel. Aretak c'u cäpe ri Rija'l Winak, ¿la quebulurika' lo winak cho ri uwächulew ri quecojon che?”

Salmib 143:8

Ak'abibal chya' la retamaxic ri lok'ok'ebal c'u'x la chwe, nu jiquibam c'u nu c'u'x chij la. Chya' la retamaxic chwe jachique ri c'aslemal ri rajawaxic ruc'axic wumal, che la c'ut quintz'onoj wi ri curayij ri wanima'.

Salmib 125:1

Ri caquijiquiba' qui c'u'x chrij ri Ajawaxel man queslabetaj taj; quejunamataj ruc' ri juyub Sion, kas xa jumul e jekelic.

Salmib 68:18

Nu Dios, xpaki' la chicaj xec'am tak la bic e alabim; xc'am la tojbal chquixo'l ri winak xukuje' ne' ri man e tal ta tzij xequijach tak quib pa k'ab la, Ajawaxel.

Apocalipsis 2:1

“Chatz'ibaj che ri u tako'n ri comon cojonelab pa Epes: ‘Ri e c'o ri wukub ch'imil pa u k'ab re u wiquiak'ab, ri cäbin pa qui niq'uiajil ri wukub tzuc'ulibal re k'an puak, je cubij wa':

Elem 14:27

Ri Moises xuyuk ri u k'ab puwi' ri plo, aretak xsakaric ri ja' xtzelej chic pa ri nabe u c'olbal. Aretak c'ut ri aj ejiptib xcaj xebanimajic, xek'atitaj rumal ri ja', xejik'isax c'u rumal ri Ajawaxel chupam ri plo.

Elem 14:24

aretak c'u xpe u sakaric, ri Ajawaxel xebuca'yej ri ajch'ojab aj ejiptib pa ri jutac'aj k'ak' xukuje' pa ri jutac'aj sutz', xebuyojij c'ut;

Ri Ezequiel 47:1

Ri achi xuban chwe chi xintzelej chi na chuchi' ri cäban wi oquem chupam ri Rachoch Dios. Xinwil c'ut chi quel ulok ja' chuxe' ri oquibal, ri cäbelelic benak che ri u suq'uilal ri elebal k'ij, benak c'ut ri u wäch ri Rachoch Dios pa ri elebal k'ij. Ri ja' cäkaj ulok pa ri riquiak'ab ri Rachoch Dios, pa ri u mox ri porobal.