Salmib 46:4 - Quiché Bible

⁴ Jun nima' cuc' tak ri u k'ab cuya' quicotemal che ri u tinimit ri Dios, ri sibalaj tastal na chquixo'l ri e u tinimit ri aj chicaj.

Salmib 46:4 Referans Kwoze

Salmib 87:3

U tinimit ri Dios, sibalaj e je'l na ri jastak ri quebix chawij:

Salmib 48:8

Chupam ri u tinimit ri ka Dios, ri c'o ronojel u cuinem, kilom ruc' ri ka bak'wäch junam ruc' ri tzijom chke: ¡Ri Dios cujekeba' na ri tinimit Jerusalen chbe k'ij sak!

Salmib 23:2

Cuban chwe chi quinuxlan pa räx tak echa', cuc'am nu be jawije' e c'o wi nima' ri quelemow wi ri ja',

Ri Isaiy 60:14

Ri calc'ual ri xebanow c'ax chawe quepe na quel qui meja' na quib chawäch, conojel ri xquetzelaj a wäch quexuqui' na chawäch, ‘U tinimit ri Ajawaxel’ catuchix c'u na. ‘U Sion ri Tastalicalaj u Dios ri Israel.’

Salmib 65:9

Ri lal coc la il che u chajixic ri ulew; cätak la ulok ri jäb che u ja'xic xukuje' cäban c'u la chi cäwächinic; lal cumal nimak tak jäb cäban la chi queq'uiy tak ri trico. ¡Jewa' cäban la che u suc'umaxic ri ulew!

Ucab Tzijobelil 6:6

xincha' c'ut ri Jerusalen rech cäjeki' ri nu bi' chi', xincha' c'u ri David rech cux k'atal tzij puwi' ri nu tinimit Israel.’

Ri Isaiy 48:18

¡We ta ba' xanimaj ri nu takanic ri xinya' chawe! Ri a jamaril cätajin ta cäq'uiy ri' jacha' jun nima', ri colomal ri e a rikom, e je ta ri' e jacha' ri e u rekbla' ri plo,

Apocalipsis 21:10

Ri tako'n aj caj xinuc'am bic pa ri Uxlabaxel puwi' jun nimalaj juyub naj elinak chicaj. Xuc'ut ri tastalicalaj u tinimit ri Dios chnuwäch, ri Jerusalen, ri cätajin cäkaj ulok chicaj ruc' ri Dios.

Ri Miquey 6:6

¿Jas ta lo ri wuc'am quinopan che u k'ijilaxic ri Ajawaxel, ri Dios ri c'o pa ri caj? ¿La quinopan ta lo chuwäch e wuc'am alaj tak ama'ib tak wacax re jujun qui junab, che qui chi'xic tabal tak tok'ob che ri quechajirisaxic?

Salmib 92:1

Ajawaxel, ri c'o la pa ri caj, ¡sibalaj utz u ya'ic maltioxinic che la xukuje' quibixoxic tak bix che u ya'ic k'ij la!

Salmib 91:1

Ri cajeki' chuxe' ri to'banelalaj u mu'jal ri c'o chicaj, ri c'o ronojel u cuinem,

Salmib 48:1

¡Nim ri Ajawaxel! ¡Ri ka Dios takal u ya'ic u k'ij pa ri u tinimit, pa ri tastalicalaj u juyub!

Salmib 43:3

Taka' la ulok ri chäj la xukuje' ri kastzij la rech e are' quec'utuw ri be la chnuwäch ri cäc'aman bic puwi' ri tastalicalaj juyub la, pa ri c'olbal ri lal jekel wi.

Hebreos 12:22

Are c'u ri ix ix opaninak chunakaj ri juyub Sion, chunakaj ri u tinimit ri c'aslic Dios, ri Jerusalen aj chicaj, chquiwäch e q'uialaj mil tako'n aj caj ri qui mulin quib.

Ri Tzijonel 5:8

Mamayo chi we pa jun ulew chic cawilo chi cäban c'ax che ri meba' catokix c'ut ri suq'uilal xukuje' ri takal u banic, jun c'u nim rekle'n xch'uk u wi' rumal jun chic ri nim na rekle'n, niq'uiaj chi c'ut ri nimak chi na quekle'n quequich'uk qui wi' chic we quieb ri'.

Salmib 92:8

Ri lal c'ut Ajawaxel, lal c'o chicaj amak'el.

Salmib 93:3

Oh Ajawaxel, ri nima' quejininic, quequiwalijisaj nimak tak rekbala';