Salmib 46:3 - Quiché Bible

³ pune' cäjinin ri plo, naj cäpaki' ri u wäch chicaj, pune' quebirbob ri juyub rumal ri u c'anal.

Salmib 46:3 Referans Kwoze

Ri Jeremiy 5:22

In, ri Ajawaxel quinbij: ¿La xa' man quina' ta iwib chnuwäch? ¿La xa' man quixbirbob ta chnuwäch in? In xincoj ri sanyeb che u c'ulbatil ri plo, jun c'ulbat ri man cäcuin ta ri plo coc'ow ta puwi'. Ri e u rekbala' xak lok' caquicoj qui chuk'ab quebel c'u ch'u'j, man c'u quecuin ta che u xalk'atixic.

Ri Nahum 1:5

Chuwäch are' quebirbob ri c'ache'laj; ri tac'atak tak juyub queja'r chuwäch ri u wächbal. Ronojel ri ulew cabirbobic aretak carilo; ronojel ri uwächulew xukuje' conojel ri e jekel chuwäch.

Ri Miquey 1:4

Chquixe' tak ri rakan quelebebic tak na ri juyub jacha' ri xcab ri cäcoj puwi' ri k'ak', e are tak c'ut ri beya' quejakjob na pa cacab je ta ne ri queramix ta rumal jun nimalaj nima'.

Apocalipsis 16:20

Conojel ri ch'akatak tak ulew ri e c'o pa qui niq'uiajil tak ri plo xebanimajic, xukuje' tak ri juyub man xeriktaj ta chic.

Ri Matey 7:25

Xkaj ri jäb, xnimar ri nima', xpe nimalaj quiakik' chrij ri ja ri'. Man xtzak ta c'ut, rumal rech chi ri u tac'alibal c'o puwi' ri abaj.

Ri Isaiy 5:3

Camic c'ut aj Jerusalen, winak aj Juda, chibij jachin ri ajchak'mac, we are ri ticbal nu uva o in.

Salmib 18:4

Ri cämical xinuralij pa tak ri e u colob; xinxe'j wib chuwäch ri uwo ja' ri sachal wächaj.

Ri Job 38:11

In xinbij che: ‘Cätopan c'ä waral, man catoc'ow ta c'u waral; waral quepak'in wi tak ri a ployil ri kas banal nimal.’

Apocalipsis 17:15

Ri tako'n aj caj xubij c'u chwe: “Ri ja' ri e awilom jawije' ri t'uyul wi ri ixok quech nim ch'utin, are e winakil, e q'uialaj winak, e nimak tak tinimit xukuje' e ch'abal.

Ri Jeremiy 4:24

Xebenwil tak ri juyub, cätajin c'u queyicopic; conojel ri qui wi' tak ri juyub quebirnajic.

Nabe Ajawinelab 19:11

Ri Ajawaxel xubij c'u che: “Chatel ulok chisak, chatac'aba' c'u awib chnuwäch, puwi' ri juyub.” Coc'ow ri Ajawaxel, jun cowilaj quiakik' c'ut ri sibalaj c'o u chuk'ab xujak'ij ri c'ache'laj, xebupaxij ri nimak tak abaj chuwäch ri Ajawaxel; ri Ajawaxel man c'o ta chupam ri quiakik'. Chrij c'ut ri quiakik' xpe chi jun nimalaj cabrakan; ri Ajawaxel mawi c'o chupam ri nimalaj cabrakan.

Ri Isaiy 54:10

Pune' ri c'ache'laj cäquiq'uex ri qui c'olbal xukuje' quewulij ulok ri juyub, ri nu lok'ok'ebal c'u'x chawe man cäq'uextaj taj, mawi cätzak ri nu c'ulwächinic.” Are' cäbin ri Ajawaxel, ri quel u c'u'x chawe.