Salmib 45:7 - Quiché Bible

⁷ Cälok'ok'ej la ri utzil, quetzelaj la u wäch ri etzelal. Rumal ri' lal cha'om rumal ri Dios; ri Dios la, lal u nojisam ruc' quicotemal chquiwäch conojel ri achil la.

Salmib 45:7 Referans Kwoze

Hebreos 1:9

Alok'ok'em ri suq'uil, awetzelam c'u u wäch ri etzelal. Rumal wa' ri Dios, ri a Dios, sibalaj xuya' na quicotemal chawe at chquiwäch ri awachil, je ta ne xuya' aseit pawi'.”

Salmib 21:6

Tewichi'm la chbe k'ij sak; nojisam la che quicotemal rumal ri c'olem la ruc'.

Salmib 33:5

Ri Ajawaxel culok'ok'ej ri suq'uilal xukuje' ri jicomal; ri lok'ok'ebal u c'u'x u nojisam ronojel ri uwächulew.

Efesios 1:3

Ka k'ijilaj ri Dios ri u Tat ri Kajaw Jesucrist, chupam c'ut ri ka junaxic ruc' ri Crist uj u tewichi'm pa ri caj cuc' tak conojel qui wäch tak tewichibal e aj uxlabal.

Hechos 2:28

Xintijoj la che ri be re c'aslemal, quinnojisaj na la che quicotemal, rumal ri c'olem la wuc'.’

Ri Xuan 3:34

Are' c'ut ri takom ulok rumal ri Dios, ri e u tzij ri Dios quebutzijoj; man cupaj ta c'ut ri Uxlabaxel ri cuyao.

Salmib 101:8

K'ij chi k'ij quintz'apij na u pa qui chi' conojel ri e banal tak etzelal ri e c'o pa ri tinimit; ¡quebenwesaj na bic pa ri u tinimit ri Ajawaxel conojel ri e banal tak itzel!

Ri Xuan 1:16

Konojel uj kac'amom ke ri u nojiquil, xukuje' tewichibal puwi' tewichibal.

Salmib 99:4

Ri lal lal jun ajawinel ri c'o u cuinem; ri culok'ok'ej ri suq'uilal; cäkaj ri suq'uil chwäch la; kas lal xjekeban la ri junamil. Banom la suq'uil xukuje' colomal chque ri e ralc'ual ri Jacob.

Romanos 8:29

E are c'ut ri xetamax ulok qui wäch rumal ri Dios, xebucha' ulok ojer rech quebux na junam ruc' ri u C'ojol, rech are' cux nabeal ri u C'ojol chquixo'l q'ui achalaxelab.

Salmib 89:26

Ri are' cubij na chwe: ‘Lal ri lal nu tat; lal nu Dios ri quincolowic xukuje' quinuch'uku.’

Salmib 89:20

“¡Nu rikom ri pataninel wech ri David! Ruc' ri waseit nu c'utunisam chi are' ajawinel,

Salmib 11:7

Suc' ri Ajawaxel culok'ok'ej c'ut ri suq'uilal; ¡Rumal ri' caquil na ri u palaj ri suc'alaj tak winak!

Ri Lucax 3:22

Xkaj ulok ri Ruxlabal ri Dios puwi' ri Jesus, ri cajunamataj ruc' jun palomax. Xtataj jun ch'abal chicaj ri xubij: “¡At ri' ri lok'alaj nu C'ojol, ri quinquicot awumal!”

Ri Matey 3:15

Ri Jesus xutzelej u bixic che: “Chaya' c'olbal camic; takalic chi jewa' cakabano rech suc' u banic ronojel cakabano.” Xunimaj c'ut ri Xuan ri xubij che.

Salmib 2:2

Ri ajawinelab xukuje' ri k'atal tak tzij re ri uwächulew, junam caquiwalijisaj quib chrij ri Ajawaxel xukuje' chrij ri rajawinel ri u cha'om.

Nabe Ajawinelab 19:16

are' c'u ri Jehu, ri' u mam ri Nimsi, jacha' che ajawinel pa Israel; ri Elisey, u c'ojol ri Sapat, aj tinimit re Abel-mehol, chatasa' che a q'uexwäch.

Aj Levitib 8:12

Ri Moises xuk'ij c'ut puwi' ri Aaron ri aseit re tastajic che u tasic jacha' che cojol tabal tok'ob.

Apocalipsis 21:27

Man c'o ta jun tz'ilalaj jasach ri coc chupam ri tinimit. Man coc ta jun ri quebanow itzelalaj tz'il tak jastak, man coc ta jun banal tzij, xuwi queboc ri tz'ibatal qui bi' pa ri wuj re c'aslemal rech ri Alaj Chij.

Hebreos 7:26

Je qui nimal ri cojol tabal tok'ob wa' ri rajawaxic chke: tastalic man c'o ta retzelal, ch'ajch'oj, u tasom rib chquij ri e ajmaquib, walijisam sibalaj c'u chicaj na c'o wi che ri caj.

Hebreos 2:14

Jas ri alc'ualaxelab c'o qui ti'jal xukuje' c'o qui quiq'uel, xukuje' ri Jesus junam xuc'am re cuc'. Je xubano, rech rumal ri u cämical, cusach u wäch ri jun ri c'o u takanic puwi' ri cämical, are wa' ri itzel.

Ri Xuan 20:17

Ri Jesus xubij che: “Minachapo, c'ä maja' c'u quinpaki' ruc' ri Tataxel. Jät cuc' ri wachalal, chabij chque: ‘Quinpaki' ruc' ri nu Tat, xukuje' i Tat, ruc' ri nu Dios, xukuje' i Dios.’ ”

Ri Lucax 13:27

Ri rajaw ja cätzijon na, cubij na chiwe: ‘Man weta'm taj ix aj jawije'. Chitasa' iwib chwij, iwonojel ix banal tak etzelal.’

Ri Matey 7:23

Ri in c'ut quinbij na chque: ‘Mawi jumul xinch'ob i wäch. Chixel chnuwäch, ix banal tak etzelal.’ ”

Nabe Samuel 16:13

Xuc'am c'ut ri Samuel ri u c'a' ri c'o aseit chupam, xutas ri c'ojol ala chquiwäch conojel ri e rachalal jacha' che ajawinel, ri cabinax David. Pa we jok'otaj ri', ri ruxlabal ri Ajawaxel xk'ijin puwi' ri David. Xwalij c'u ri Samuel xtzelej pa Rama.

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

Ri Isaiy 11:4

Cuk'at na tzij ruc' suq'uil paquiwi' ri tukarib, cuto' na qui wi' ri mebayib ri e c'o pa ri tinimit. Ri e u tzij are cäc'äjisan na u wäch ri man cuchomaj ta ri cubano, ruc' ri ruxlab cucämisaj na ri aj etzelal.