Salmib 44:14 - Quiché Bible

¹⁴ Banom la chi ri quequik'ijilaj ri diosib caquitze'j ka wäch; aretak cujquilo, caquisutisa' ri qui jolom che retz'bexic ka wäch.

Salmib 44:14 Referans Kwoze

Ri Jeremiy 24:9

Quinban na chque chi quebux jun jasach ri caquiya' xibin ib chque conojel ri nimak tak tinimit ri e c'o cho ri uwächulew, quebux c'u na jun c'utbal re mach'ibal ib, etzelam wächaj xukuje' c'okonic chquiwäch conojel tak ri ulew ri queben jabuj wi na.

Ri Job 16:4

We ta ix, ri ix c'o che nu q'uexwäch camic, xukuje' ri in je ta quinch'aw ri' jacha' ri quiban ix; quinsutisa' ta ri' ri nu jolom che u tze'xic i wäch quebentzokopij ta jumulaj tzij ri' piwi',

Ucab Ajawinelab 19:21

E are tak tzij wa' ri e u bim ri Ajawaxel ri cuc'ulmaj na ri ajawinel re Asiriy: “Ri tinimit Sion, jacha' jun ali, cutze'j a wäch, Senaquerib. Ri Jerusalen cusutusa' ri u jolom che retz'bexic a wäch aretak cattzelej chawij.

Ri Isaiy 37:22

E are tak tzij wa' ri xubij ri Ajawaxel chrij ri ajawinel aj Asiriy: “Ri tinimit Sion, jacha' jun ali, cutze'j a wäch Senaquerib. Ri Jerusalen cusutisa' ri u jolom ruc' etz'ben wächaj aretak cattzelej pa wakan.”

Salmib 109:25

¡in uxinak yacal qui tze' ri winak! ¡aretak quinquilo, cäquisutisa' ri qui jolom che retz'bexic nu wäch!

Salmib 22:7

Ri quinquilo cäquitze'j nu wäch; cäquiyuch'ula' qui palaj chwe, cäquisutisa' qui jolom;

Ri Job 17:6

Lal lal banowinak chi conojel chinquiyok'o chi chiquichubaj c'ut ri nu palaj.

Ucab Tzijobelil 7:20

quixinbok na bic ri ix chupam ri ulew ri nu yo'm chiwe, quinq'uiak na bic ri wachoch chnuwäch ri nu tasom quinban c'u na chi cätzex i wäch amak'el chquixo'l conojel tak ri winak.

Nabe Ajawinelab 9:7

in quinbok na ri Israel pa ri ulew ri nu yo'm chque, quinq'uiak na bic ri wachoch chnuwäch ri nu tasom xak xuwi chi c'u cayok' ri Israel chquixo'l conojel ri nimak tak tinimit.

U Camulixic ri Pixab 28:37

catux na xibibal, xak cätze'x chi na a wäch, xuwi chi ri at cattzijox na cumal ri winak pa conojel tak ri tinimit ri catuc'am wi bic ri Ajawaxel.

Ri Nehemiy 2:17

Xinbij c'u chque: “Ri ix kas iweta'm ri c'axalaj c'ulmatajic ri uj riktajinak wi, ri Jerusalen e yojyobinak, ri e roquibal e ak'alirinak. Chijunaj iwib wuc', kabana' u yaquic ri u nim tapia ri Jerusalen, rech ma ta cätakex ka yok'ic.”

Salmib 79:4

Cätze'x ka wäch cumal ri e ka c'ulja; uj yacal qui tze' joropa' ri cujilowic.

Salmib 123:3

Chel c'u'x la chke Ajawaxel; chel c'u'x la chke, man cäkach'ij ta chi c'ut ri yok'onic ri caquiban chke;

Ri Miquey 6:16

Rumal rech chi e a takem ri e u takanic xukuje' tak ri e u banoj ri Omri xukuje' ri xequiban ri e ralaxic ri Acab, xaban c'u awe jacha' ri xequiban tak we winak ri'. Rumal ri' in quenbana' na chawe xukuje' chque ri e a winak chi quixux jun xibibal ib xukuje' yacbal tze', are c'u ri u q'uixbal ri nu tinimit cakaj na pawi'.”