Salmib 44:10 - Quiché Bible

¹⁰ Banom la chke chi xa cujanimaj chquiwäch ri e ka c'ulel; ri cäquetzelaj ka wäch cujqueläk'aj, cäquic'am c'u bic jachique ri cäcaj.

Salmib 44:10 Referans Kwoze

Ri Josue 7:8

¡Ay, Ajawaxel, Ajawaxel! ¿Jas ta ri cuya' quinbij ta chic camic chi ri Israel animajinak chquiwäch tak ri e qui c'ulel?

Aj Levitib 26:17

In quinoc na che i c'ulel, quixsoc c'u na cumal ri e i c'ulel; ri cäquetzelaj i wäch quetakan na piwi' quixanimaj c'u na pune man c'o ta quixokatanic.

Salmib 89:41

Conojel ri winak queboc'owic cäqueläk'aj bic jachique ri cäcaj; ri e u c'ulja caquitze'j u wäch.

Ri Josue 7:12

Rumal ri' ri aj israelib man que cuintaj quech'äcan paquiwi' ri e qui c'ulel. Quebanimaj na chquiwäch, are' c'u ri camic ri aj israelib takal chque chi casachisax qui wäch. We c'u ri ix man qui sachisaj ta u wäch ri xinya' wi takanic chi casachisax u wäch, man quintakej ta c'olem iwuc'.

U Camulixic ri Pixab 28:25

xukuje' catxak'alex na cumal ri e a c'ulel. Sibalaj utz u cholajixic awib cabano aretak catbe chquij ri a c'ulel che u banic ch'o'j cuc', catanimaj c'u na chquiwäch, at yojyobinak catjabutaj c'u na pa conojel ri ajawibal ri e c'o cho ri uwächulew.

Ri Jeremiy 20:8

Amak'el aretak quinch'awic are quinya' u bixic tokinic xukuje' sachoj wächaj; amak'el cäquitze'j nu wäch xukuje' cäquetz'bej c'u nu wäch rumal rech chi quinya' u bixic ri tzij la.

Ri Jeremiy 15:13

Qui mac quech ri e a mac Israel, quebenjacha' ri jastak awech xukuje' tak ri e a k'inomal chque tak ri e a c'ulel, ronojel ri c'o pa ri awulew, rech quequic'am bic xak c'u quequicochij bic.

Ri Isaiy 10:14

Oquinak ronojel ri qui k'inomal tak ri tinimit pa nu k'ab, oquinak ronojel ri culew pa nu k'ab, jacha' ri cuban jun winak quebuc'am ri sakmol ri e c'o can chupam jun socaj, man c'o ta jun xusalabej ri u xic', man c'o ta jachin xujak ta ri u tza'm xurak ta c'u u chi'.”

Ri Isaiy 10:6

Quintak c'u che u banic c'ax che jun tinimit ri man nimanel taj, che u banic c'ax che jun nim tinimit ri cuyac woyowal, rech cäreläk'aj xukuje' cäresaj ronojel ri u k'inomal, rech cuxak'alej jacha' ri t'ac pa tak ri be.

Nabe Samuel 4:17

“Ri aj israelib xebanimaj chquiwäch ri aj pilisteyib,” xcha' ri ya'l takquil. “Xecämisax q'uialaj tinimit winak, xecämisax c'u xukuje' ri quieb c'ojol la, ri Opni xukuje' ri Pinees, xc'am c'u bic ri u caxa ri Dios cumal ri pilisteyib.”

Aj Levitib 26:14

“We c'u man quinitatabej, mawi quebinimaj tak we nu takomal ri',

Ajilanic 14:42

Mi takej i be, man c'o ta c'ut ri Ajawaxel iwuc'. Quixch'äctaj na cumal ri e i c'ulel.

Ajilanic 14:43

Je la' apanok chiwe quixqueyej ri aj amalesib xukuje' ri aj cananeyib, che u banic ch'o'j iwuc' quixquicämisaj c'u na. Rumal c'u rech chi i xutum can ri Ajawaxel, ri are' man c'o ta chic iwuc'.”

U Camulixic ri Pixab 31:17

Cänicow c'u na ri woyowal paquiwi', quebenxutuj c'u na canok; man c'o ta chi jas quinoc ta chi wi il chque, sibalaj c'u e q'ui ri etzelal xukuje' ri rikoj tak c'ax ri cäpe na paquiwi', rumal c'u ri' cäquibij na: Ri c'ax ri cätajin cäkariko, ¿La ma ta lo are cabanowic chi ri ka Dios man c'o ta chi kuc'?

Salmib 60:12

Ruc' ri u to'banic ri Dios quekaban na nimak tak jastak; ¡ri are' quebutac'alej na ri e ka c'ulel chquikul!

Salmib 89:39

Paxim ri c'ulwächinic la ruc' ri pataninel ech la, q'uiakom la ri u corona cho ri ulew.

Salmib 89:43

xesaj la ri u pa u chi' ri u ch'ich' re ch'o'j, man xya' ta chi la u chuk'ab pa ri ch'o'j.