Salmib 43:3 - Quiché Bible

³ Taka' la ulok ri chäj la xukuje' ri kastzij la rech e are' quec'utuw ri be la chnuwäch ri cäc'aman bic puwi' ri tastalicalaj juyub la, pa ri c'olbal ri lal jekel wi.

Salmib 43:3 Referans Kwoze

Salmib 36:9

uc' la c'o wi ri u q'uiyibal ja' re c'aslemal chupam c'ut ri chäj la cäkil wi ri chäj.

Ri Xuan 1:4

Pa ri are' c'o wi ri c'aslemal, ri c'aslemal are ri u chäj ri winak.

Salmib 143:10

Chc'utu' la chnuwäch ri u banic ri rayibal la, lal c'ut ri nu Dios. ¡Are' ta ba' ri utzalaj uxlabal la chinc'amow bic chupam jun suc'alaj be!

Salmib 119:105

Ri tzij la are' jun chäj chque ri wakan, are jun sakil pa ri nu be.

Salmib 97:11

Ri chäj cäjuluw che ri utzalaj winak; ri quicotemal are cätaki' che ri tz'akatisanel pa ronojel.

Salmib 84:1

¡Sibalaj je'l ri cak'ijilax wi la, Ajawaxel ri c'o ronojel cuinem la!

Salmib 40:11

Ri lal, Ajawaxel, ¡mak'il ri ch'uch'ujil la chwe! ¡Amak'el taj chinquich'uk ri lok'ok'ebal c'u'x la xukuje' ri kastzij la!

Ri Xuan 1:17

Ri pixab xya' rumal ri Moises, are c'u ri tok'ob xukuje' ri kastzij rumal ri Jesucrist.

Ri Miquey 7:20

¡Ajawaxel, jekeba' la, ri jiquil xukuje' ri lok'ok'ebal c'uxaj ri xchi'j la ulok ojer chque ri e ka mam ri Abraham xukuje' ri Jacob!

Salmib 57:3

Cutak na ulok kas pa ri caj ri u lok'ok'ebal u c'u'x xukuje' ri u kastzij, quinresaj c'u na pa qui k'ab ri cäquiban c'ax chwe ruc' ch'ujilal.

Salmib 3:4

Cuc' rakoj tak chi'aj quintz'onoj to'banic che ri Ajawaxel cutzelej c'u ulok u wäch nu tzij kas pa ri tastalicalaj u juyub,

Ri Miquey 7:8

Nim tinimit ri a banom a c'ulel chwe mat jajat che ri nu quiäkasakil, pune' ba', in tzakinak, quenewalij na; pune' in u mojcolim ri k'ekumalil, ri Ajawaxel are' nu chaj.

Salmib 78:68

are' c'u xucha' ri ramak' ri Juda xukuje' ri Sion ri u juyub ri lok' chuwäch.

Salmib 46:4

Jun nima' cuc' tak ri u k'ab cuya' quicotemal che ri u tinimit ri Dios, ri sibalaj tastal na chquixo'l ri e u tinimit ri aj chicaj.

Salmib 42:4

Aretak quinchomaj quij we jastak ri', xa cänimataj ri nu k'oxom; cänataj chwe aretak in benak junam cuc' ri winak nu c'amom qui be c'ä pa ri rachoch Dios, cäkarak ka chi' ruc' quicotemal xukuje' cuj maltioxinic. ¡Jun nimalaj nimak'ij c'u ri'!

Salmib 2:6

“Nu tasom chic ri wajawinel puwi' ri Sion, ri tastalicalaj nu juyub.”

Nabe Tzijobelil 16:1

Ri u caxa ri Dios xc'am bic xeyok chupam ri lic'om rachoch re be ri are' u patan wa' xuwoc ri David. Xechi'x c'u tak tabal tok'ob ri quechajirisaxic xukuje' tak tabal tok'ob re utzirisan ib chuwäch ri Dios,

Nabe Tzijobelil 16:39

Ri Sadoc xukuje' ri e cojol tabal tok'ob ri e rachil xebuya' can chuwäch ri u Lic'om Rachoch ri Ajawaxel, ri c'o chupam ri k'ijilabal ri c'o pa Gabaon,

Ucab Samuel 15:20

C'ä iwir c'u ne xatopanic, ¿jas ta che quinbij chawe chi catpe kuc', mawi c'u ne ri in weta'm jawije' ri quinbe wi? Are utz na chi cattzelejic quebac'am c'u bic ri e awinakil awuc'. ¡Are ba ri Ajawaxel Dios chattewichinok xukuje' chatrachilaj amak'el!”

Nabe Tzijobelil 21:29

Pune' c'u ne ri lic'om rachoch ri u wocom ulok ri Moises che ri Ajawaxel chupam ri chaki'j uwo sak xukuje' ri c'olbal ri caporox wi ri tabal tok'ob ri cachajirisaxic cäriktaj pa tak ri k'ij ri' chupam ri k'ijilabal ri c'o pa Gabaon,

Ucab Samuel 15:25

Xubij c'ut ri ajawinel che ri Sadoc: “Chac'ama' bic ri u caxa ri Dios chatzelej pa ri tinimit, we c'u catok'obisax nu wäch rumal ri Ajawaxel, cuban na ri' chi quintzelej ulok quinwil c'u na u wäch ri caxa jawije' ri cäriktaj wi.

Salmib 57:4

In liq'uin, cho ri ulew, chquixo'l tak coj ri e tijol tak winak; ri qui ware junam cuc' ri tz'imaj ch'ich' xukuje' tak ri ch'ab, ri cak' junam ruc' jun ch'ich' re ch'o'j ri banom u pa u chi'.