Salmib 41:2 - Quiché Bible

² Ri Ajawaxel are cuch'uku, cuya' u c'aslemal xukuje' rutzil u wäch cho ri uwächulew, man cujach ta pa qui k'ab ri e u c'ulel.

Salmib 41:2 Referans Kwoze

Salmib 27:12

minjach la pa qui k'ab, quiwalijisam c'u quib jalul tak k'alajisanelab chwij, aninak c'u e c'olic.

1 Timoteo 4:8

Ri u cojic ka chuk'ab ruc' ri ka cuerp xak jubik' cujuto' wi. Are c'u ri u patanixic ri Dios cujuto' na pa ronojel. C'o utzil cäkarik rumal wa' pa we c'aslemal ri' cho ri uwächulew, xukuje' pa ri c'aslemal ri cäpe na.

Salmib 37:22

Ri quetewichi'x rumal ri Ajawaxel cäquechbej na ri ulew, are c'u ri quec'okox rumal quebesax na bic chuwäch ri ulew.

Salmib 33:19

che quesaxic pa ri cämical cuya' c'u qui c'aslemal pa tak ri k'ijol re wi'jal.

U Camulixic ri Pixab 14:29

rech aretak quepe ri aj levitib ri man c'o ta ri xya' ta culew, o ri man e i winakil ta ri e jekel chixo'l, o ri minorib xukuje' ri malca'nib, utz qui tzukic quiban bic. We je quiban wa' ri Ajawaxel ri i Dios quixutewichi'j na pa ronojel ri quibano.”

Ri Rut 2:19

“¿Jawije' ri xatepich'olin wi camic?” xcha' ri Noemi che. “¿Jawije' ri xebamol wi ri q'uialaj tak qui jolom sebad? ¡Tewichital ri je a to'ic wa' u banom!” Ri Rut xutzijoj che ri ralib jachin ruc' ri xepich'olin wi. “Ri achi ri xinepich'olin na wi, Booz u bi',” xcha' che.

E C'ambal tak Tzij 11:17

Ri quel u c'u'x che jun chic cuban utzil chbil rib, are c'u ri man cätok'obisan ta wächaj cuc'am ulok etzelal puwi' chbil rib.

E C'ambal tak Tzij 14:21

Ri cäretzelaj u wäch ri rachil cuban jun macaj, ¡are' c'u sibalaj utz re ri quel u c'u'x che ri meba'!

E C'ambal tak Tzij 19:17

Jun jalomal che ri meba' jun jalomal wa' che ri Ajawaxel, kas are c'u ri Ajawaxel cätojow na ri c'asaj.

E C'ambal tak Tzij 31:20

Amak'el c'o cuya' chque ri mebayib xukuje' chque ri c'o qui rajawaxic.

Ri Jeremiy 39:17

Catinchajij c'u na, rech man catekaj ta na pa qui k'ab we winak ri' ri caxe'j awib chquiwäch. In, ri Ajawaxel, quinjiquiba' u bixic.