Salmib 39:2 - Quiché Bible

² Xinban wib chi in mem. Man c'o ta jas xinbij. ¡Mawi ne xintzijoj ta ri utz! Cätajin c'u cänimataj ri nu k'oxom;

Salmib 39:2 Referans Kwoze

Hechos 4:20

Man cujcuin ta c'ut chi ma ta cäkatzijoj ri kilom ri ka tom.”

Ri Matey 7:6

Mebiya' ri tastalicalaj tak jastak chque ri tz'i'. Mebiquiäk tak ri e i perl chquiwäch ri ak. Ri e are c'ut quequitac'alej, quetzelej c'u chiwij, cäquiban ch'akatak chiwe.”

Ri Isaiy 53:7

Xban c'ax che, xak c'u xumach' rib, mawi ne xujak ri u chi'; xc'am bic jacha' alaj ama' chij pa ri pilibal, ri are' c'ut man xch'aw taj mawi xujak ri u chi', jacha' jun chij aretak cäsocax rij.

Salmib 34:14

Chatasa' awib chrij ri etzelal, chabana' c'u ri utz; chatzucuj u banic ri jamaril, chatakej c'ut.

Salmib 119:33

Ajawaxel, c'utu' la ri qui be tak ri pixab la chnuwäch, quinwaj quebenterenej c'ä chuq'uisbalil.

Salmib 119:34

Chya' la nu chomabal che u c'olic ri tijonic la; ¡quinwaj quinnimaj ruc' ronojel wanima'!

Salmib 141:3

Ajawaxel, cojo' la jun yuxlenel chi nu chi', ri cächajinic rech man quebenjak ta ri nu chi'.