Salmib 34:18 - Quiché Bible

¹⁸ Ri Ajawaxel nakaj c'o wi che quito'tajisaxic ri u banom ch'akatak ri canima', qui tzakom c'ut ri eyebal c'uxaj.

Salmib 34:18 Referans Kwoze

Salmib 147:3

Ri are' quebucunaj ri pak'pobinak canima', quebubotz' c'u ri qui socotajic.

Salmib 145:18

Ri Ajawaxel, nakaj c'o wi chque ri cäquinataj ri u bi', ri cäquinataj ri u bi' ruc' ronojel canima'.

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

Ri Isaiy 61:1

Ri Ruxlabal ri Ajawaxel c'o panuwi', in u tasom c'ut ri Ajawaxel in u takom che u ya'ic utzalaj tak tzijol chque ri mebayib, che qui to'ic ri qui rikom c'ax, che u ya'ic tzijol che u bixic chque ri e ximaxoj cuc' tikom ch'ich' chi e torotajinak chic, che quitoric ri e c'o pa che';

Salmib 51:17

Ri e sipanic che ri Dios e are jun uxlabal ri c'axc'obinak; ¡ri lal man caxutuj ta la jun anima'aj ri c'äjim!

Ri Ezequiel 36:26

quincoj na jun c'ac' anima' chiwe xukuje' jun c'ac' uxlabal. Quinwesaj na chiwe ri cowilaj iwanima' jacha' ri abaj quincoj na jun ch'uch'ujalaj iwanima'.

Ri Isaiy 66:2

Kas in xebenban conojel we jastak ri', je c'u ri' xquichaplej qui c'olem. In, ri Ajawaxel, quinjiquiba' u bixic.” “Ri winak ri quinoc wi il are ri meba', ri u rikom c'ax ri nim cäril wi ri nu tzij.

Salmib 85:9

Kastzij, ri Dios sibalaj nakaj c'o wi, che qui colic ri queyo'w u k'ij; ri u juluwem cäjeki' pa ri ka tinimit.

Ri Isaiy 55:6

Chitzucuj ri Ajawaxel utz c'ä cuya' qui riko, chisiq'uij utz c'ä nakaj c'o wi.

Ri Lucax 4:18

“Ri Ruxlabal ri Ajawaxel c'o panuwi'. Rumal rech chi in u tasom che qui tzijoxic ri utzalaj tak tzij chque ri mebayib; che qui tzijoxic chque ri winak ri e tz'apim pa che'; che qui jakic ri qui bak'wäch ri moyab che quitzokopixic, ri qui rikom c'ax pa qui k'ab ri qui c'ulel.

Salmib 119:151

Ri lal Ajawaxel nakaj lal c'o wi, conojel c'u ri e takomal la kas e kastzij.

Ucab Ajawinelab 22:19

rumal c'u rech chi slabetajinak ri awanima' xatkeb c'u wuc' aretak xatatabej ri k'alajisanic ri nu yo'm chrij we c'olbal ri' xukuje' ri winak ri e c'o chupam, chi quejocoq'uex na bic e c'okotajinak c'ut, rumal rech chi xajis ri awatz'iak chawij xukuje' chi xatok' chnuwäch, ri in xatintatabej. In, ri Ajawaxel, quinbij chawe.

Ri Ezequiel 36:31

Aretak c'u canataj ri itzel i c'aslemal chiwe xukuje' tak ri e itzel tak i banoj quiq'uibej na iwib qui mac tak ri e i mac xukuje' cumal tak ri e itzel tak i banoj.

Salmib 75:1

Cujmaltioxin che la, nu Dios, cujmaltioxin che la; cäkaya' u k'ij ri bi' la, quekabixoj tak ri mayibal ri e banom la.

Ucab Ajawinelab 20:5

“Chattzelejok chabij che ri Ezequiy, ri c'amal u be ri nu tinimit: ‘Ri Ajawaxel, ri u Dios ri a mam David, cubij: In xintatabej ri a bochi'nic xukuje' xebenwil ri e u wa'l tak a wäch. Catinwutzirisaj na, pa oxib k'ij c'ut catcuinic catbe chupam ri rachoch ri Ajawaxel.

Salmib 18:7

Xuban c'u jun nimalaj cabrakan cho ri ulew: xeyicop ri qui tac'alibal tak ri juyub; xeyicya'x rumal ri royowal ri Ajawaxel.

Salmib 145:19

Ri are' cutz'akatisaj ri qui rayibal ri q'ueyo'w u k'ij; aretak cäquitz'onoj ri u to'banic, quebuto', quebucolo.