Salmib 33:8 - Quiché Bible

⁸ Chiya' u k'ij ri Ajawaxel iwonojel cho ri ulew; ¡chyok u k'ij cumal conojel ri e jekel cho ri uwächulew!

Salmib 33:8 Referans Kwoze

Apocalipsis 15:4

¿Jachin ta lo ri ma ta cuxe'j rib chwäch la, Ajawaxel? ¿Jachin ta lo ri ma ta cunimarisaj u k'ij ri bi' la? Xuwi c'u ri lal tastalic man queban ta la etzelal. Quepe na conojel ri nimak tak tinimit, quek'ijilan na chwäch la. K'alajininak c'ut chi suc' ri k'atoj tzij ri cäban na la.”

Salmib 22:27

Ronojel qui wäch winak xukuje' nimak tak tinimit que conojel ri e u jutz'il ri uwächulew: chnataj ri Ajawaxel chiwe, chixpet ruc'; chixelxucul chuwäch.

Salmib 76:7

¡Ri lal lal xibibal! ¿Jachin ta ri cäcuinic cutac'aba' rib chwäch la aretak lal oyowarinak?

Salmib 67:7

¡Chujutewichi'j ri Dios! ¡Chyo'k u k'ij cumal conojel ri winak cho ri uwächulew!

Hebreos 12:29

Rumal rech chi ri ka Dios are je ta ne jun k'ak' ri ronojel cuporoj canok.

Ri Job 37:24

Rumal ri' ri winak caquixe'j quib chuwäch; ri ajno'jab man c'o ta qui banic chuwäch are'.”