Salmib 33:21 - Quiché Bible

²¹ Ri kanima' caquicot ruc' ri Ajawaxel; kas ka cuban ka c'u'x chrij ri tastalicalaj u bi'.

Salmib 33:21 Referans Kwoze

Salmib 13:5

Ri in nu cu'bisam nu c'u'x pa ri tok'ob la; ri wanima' cäquicotic rumal rech chi quincol la.

Ri Zacariy 10:7

Ri Eprain cux na jacha' ta ne jun ajch'o'j. Ri ranima' cäquicot na jacha' ta ne ruc' u wa'l uva. Aretak c'u cäilic quequicot na ri e ralc'ual. ¡Ri ranima' cäquicot na rumal rech ri Ajawaxel!

Apocalipsis 4:8

Ri quiejeb awaj ri' e c'o wakitak qui xic' chquijujunal, e nojinak che bak'wächaj chquij xukuje' chquipam. Chi pa k'ij chi chak'ab man quebuxlan ta che u bixic: “U tasom rib, u tasom rib, u tasom rib ri Ajawaxel man cuban ta etzelal, ri Dios ri c'o ronojel u cuinem, ri c'o ulok ojer, ri c'olic, cäpe c'u na.”

Ri Xuan 16:22

Xukuje' ri ix camic c'o i bis. Quinwil chi c'u na i wäch jumul, cäquicot c'u na ri iwanima', ri man c'o ta c'u jun quesan ta na chiwe.

Ri Isaiy 25:9

Pa ri k'ij ri' cäbix na: “Are wa' ri ka Dios, chrij ri are' cu'l wi ka c'u'x are c'u xujcolowic. Chujjajat che tze', chujquicotok, are' c'u uj colowinak.”

Salmib 28:7

Ri Ajawaxel are' cuinelalaj to'l wech; chrij xinya' wi ronojel ri cu'lbal nu c'u'x, xinuto' c'ut. Cäquicot ri wanima'; quinbixonic, xukuje' quinya' maltioxinic che ri Ajawaxel.

Nabe Tzijobelil 16:10

China' iwib chi nimak i banic rumal ri tastalicalaj u bi'. ¡Chquicot ri canima' ri caquitzucuj ri Ajawaxel!

Nabe Tzijobelil 16:35

Chibij che: ‘¡Chujcolo' la, ka Dios ka Colonel! ¡Chujmolo' la chujto'tajisaj la rech man cujkaj ta pa qui k'ab ri nimak tak tinimit, rech cujk'ijilan che ri suc'alaj bi' la, rech cujjajatic cujk'ijilan che la!’