Salmib 33:16 - Quiché Bible

¹⁶ Man c'o ta jun ajawinel cäto'taj ta cumal ri q'uialaj e rajch'ojab, mawi queto'taj ri c'o qui chuk'ab rumal ri nimalaj qui chuk'ab;

Salmib 33:16 Referans Kwoze

Salmib 44:3

Man are' ta c'u ri qui chuk'ab mawi ri qui ch'ich' re ch'o'j ri xyo'w ta ri ch'äcanic chque; man e are' ta xech'äcow ri ulew. ¡Are ri cuinem la xukuje' ri chuk'ab la! ¡Are' ri u juluwem ri wächbal la, rumal chi e lok' chwäch la!

Ri Jeremiy 9:23

Ri Ajawaxel cubij: “Munimarisaj u k'ij ri ajno'j chi ajno'j, mawi ri ajcuinem chi ajcuinem, mawi ri k'inom che ri u k'inomal.

Ucab Tzijobelil 20:23

Are c'ut ri aj amonib xukuje' ri aj moabib xech'ojin cuc' ri e petinak pa ri c'ache'laj Seir xquiq'uis c'ut tzij paquiwi', aretak c'u e qui cämisam chic conojel, xequicämisala' tak quib e are'.

K'atal tak Tzij 7:2

Ri Ajawaxel xubij che ri Jedeon: “E q'ui ri winak ri e a c'amom ulok, we c'u quinbano chi ri aj israelib quequich'äc ri aj madianib, cäquiya' na qui k'ij ri' chnuwäch, cäquichomaj ri' chi qui tuquiel xecuinic xquito' quib.

Elem 14:28

Aretak xurik rib ri plo, xebumuk can ri carwaj, ri ajquiejab xukuje' conojel ri ajch'ojab ri xeboc chupam ri plo che cokataxic ri aj israelib. Mawi jun rajch'o'j ri ajawinel xc'asi' ta canok.

Ucab Tzijobelil 32:21

Are c'u ri Ajawaxel xutak jun tako'n aj caj ri xebucämisaj conojel ri ajch'ojab, xukuje' tak ri e qui nimakil ri ajch'ojab, ri quetakan paquiwi' ri rajch'ojab ri ajawinel re Asiriy, ri xtzelej na pa ri rulewal nojinak che q'uixbal. Aretak c'u xoc chupam ri rachoch ri u dios, kas chila' xcämisax wi cumal ri kas e u c'ojol.

Ucab Tzijobelil 20:12

Ka Dios ¿La ma ta cäc'äjisaj la qui wäch? Ri uj man cubana' ta ri ka chuk'ab che u k'atixic qui wäch we q'uialaj ajch'ojab ri' ri cacaj quech'ojin kuc'. ¡Man cakach'ob taj jas cakabano; rumal c'u ri' ka yo'm ka wäch chi'j la!”

Nabe Samuel 17:4

Xel c'u ulok chquixo'l ri aj pilisteyib jun ajch'o'j ri craj ne c'o oxib bara' ruc' oxib k'abaj u taq'ui'c. Goliat u bi', are u tinimit ri Gat.

Ri Josue 14:12

Rumal ri' quintz'onoj chawe chi chaya' chwe camic ri c'ache'laj ulew ri xuchi'j ri Ajawaxel chwe. Ri at aweta'm ulok chi ri e rija'l ri tac'atic Anac e jekel chi', e c'o c'u ne qui tinimit tak ri co e c'olic ri jawije' ri e c'o wi q'uialaj winak. Are c'u ri in quinweyej chi ri Ajawaxel quinrachilaj quinuto' c'ut che quesaxic bic chila', jacha' ri u bim.”

Nabe Ajawinelab 20:10

ri Ben-adad xutak u bixic che ri Acab: “¡C'axalaj u c'äjisaxic nu wäch chquibana' ri diosib, chi ri puc'uc' ulew ri c'o pa Samar man cubana' taj chi ri e c'o wuc' caquic'am ta jutak muk' quech!”

K'atal tak Tzij 7:4

Ri Ajawaxel xubij chi na che ri Jedeon: “c'ä sibalaj e q'ui na, chebac'ama' bic che u tijic qui ja', chila' c'ut quebentijtobej wi na quinbij c'u na chawe jachin tak ri quebe na awuc', jachin tak ri man quebe taj.”

Nabe Samuel 2:9

Ri Are' cuchajij ri qui be ri e jic, are c'u ri itzel tak winak quecäm pa ri k'ekumalil, man c'o ta c'u jun cäch'äcan rumal ri u chuk'ab.

Nabe Ajawinelab 20:15

Xpe ri Acab xebusolij ri alabom ri quetoban cuc' ri k'atal tak tzij ri quetakan pa tak ri tinimit, ri e quieb sient ruc' juwinak cablajuj (232), xukuje' conojel ri cajch'ojab ri aj israelib, ri e wukub mil (7,000) achijab.

Ucab Tzijobelil 13:8

Are c'u ri camic are quiwaj quicoj i chuk'ab che u k'atixic u wäch ri u k'atan tzij ri Ajawaxel ri c'o pa qui k'ab ri e rija'lil ri David, xa' rumal rech chi ix jun tinimit winak e c'o c'u ne ri alaj tak ama'ib tak wacax re k'an puak ri xebuban ri Jeroboam chiwe rech quec'oji' che i diosib.

Ri Job 36:7

amak'el quebutok'ej ri winak ri suc' qui c'aslemal; co quebutiquiba' tak ri ajawinelab chupam tak ri qui tem re ajawibal, cuban chque chi nim que il wi.

Ri Job 39:11

¿La catcuin ta lo cacu'bisaj a c'u'x chrij rumal rech chi sibalaj c'o u chuk'ab, caya' ta c'u can u tuquiel chi quebuban tak ri a chac?

Salmib 20:8

Ri e are' quemejmob ri qui ch'ec, quetzakic, are c'u ri uj cäkatakej binem man cujtzak taj.

Ri Tzijonel 9:11

Cho we uwächulew ri' wilom chic jun jasach: chi man e are' taj ri aninak na quexiq'uinic ri quech'äcow ri xiq'uinem, mawi ri c'o qui chuk'ab ri quech'äcow ta ri ch'o'j; mawi e are' ta amak'el ri ajno'jab ri c'o qui wa, mawi e are' ta ri quec'oxomanic ri e k'inomab, mawi e are' ta ri quitijom quib ri utz ta qui c'ulaxic quebanic; conojel wa' xak c'äte tal caquitaklebej.

Ri Jeremiy 48:14

Mubij ri Moab: ‘sibalaj uj cowilaj tak winak, ajch'ojab ri sibalaj c'o qui chuk'ab.’

Ri Osey 10:13

Are c'u ri ix are i pok'isam u wäch ri etzelal, i yacom ri u wächinic ri man suq'uilal taj e i tijom c'ut ri e u wächinic ri banoj tzij. Rumal rech chi xa cuba' a c'u'x chquij tak ri e a carwaj re ch'o'j, xukuje' chquij ri q'uialaj awajch'ojab,

Ri Amos 2:14

Pune' c'u sibalaj quiq'uis iwib che animajem man quixto'taj ta na; ri sibalaj co na quebeq'uis ri e u chuk'ab, man cäto'taj ta c'u na ri sibalaj c'o u chuk'ab.

Ri Amos 2:15

Ri q'uiakanel man cäk'ion ta na, man c'u cäto'taj ta na mawi ri sibalaj aninak cariquin cuc' tak ri rakan mawi ri canimaj chrij quiej.