Salmib 33:11 - Quiché Bible

¹¹ are c'u ri u chomanic ri Ajawaxel cäjeki' na chbe k'ij sak.

Salmib 33:11 Referans Kwoze

E C'ambal tak Tzij 19:21

Ri winak quebuban q'ui tak chomanic, are c'u ri u chomam u banic ri Ajawaxel are cabantajic.

Ri Isaiy 46:10

In quinya' u bixic ri q'uisbalil kas pa ri tictajic; kas ojer ulok nu yo'm u bixic ri cäpe na. In quinbij: Ri quinchomaj qui banic quebantaj na in quinban na ronojel ri quinchomaj u banic.

Ri Job 23:13

Ri are' aretak cuchomaj u banic jun jasach, cuq'uis u banic; man c'o ta cabanow che chi cuq'uex ta ri u chomamic.

Ri Jeremiy 29:11

In e weta'm ri chomanic ri e c'o wuc' chiwe, chomanic che u banic utzil chiwe man che ta etzelal, che u ya'ic jun eyebal c'uxaj ri cäpe na. In, ri Ajawaxel, quinjiquiba' u bixic.

Juyuwem 3:37

Aretak c'o jas caya' u bixic, aretak c'o c'ulmatajinak are' c'ut ri Ajawaxel u takom u banic.

Ri Isaiy 14:24

Ri Ajawaxel ri c'o ronojel u cuinem xuban ri chi'nic ri kas cäban na, chokinak: “Jas ri nu chomam u banic je cäban na ri nu bim kas je quel wi na.

Ri Isaiy 14:27

Ri Ajawaxel ri c'o ronojel u cuinem are chomaninak wa', man c'o ta jun cäk'atinic. Ri u k'ab cäxibinic, man c'o ta jun cäcuin che u q'uexic ri u chomam u banic.

Ri Daniel 4:37

Are c'u ri camic, in Nabucodonosor, quink'ijilaj, quinya' u k'ij xukuje' quinya' juluwem che ri Ajawinel re ri caj, rumal rech chi ronojel ri cubano are kastzij xukuje' suc', cäcuin c'u che qui mach'irisaxic ri cäquichomaj quib chi nimak qui k'ij.”

Efesios 1:11

Pa ri are' c'ut uj uxinak echbenelab, uj c'utum ulok jas ri u cholajil ri u chomanic ri quebuban conojel ri jastak jas ri kas u beya'l ri u rayibal.

Salmib 92:5

Oh Ajawaxel, sibalaj e nimak jastak ri e banom la, sibalaj man cäch'obtaj ta ri chomanic la.

Ri Miquey 4:12

E are tak c'ut we nimak tak tinimit ri' man e queta'm taj ri e u chomanic ri Dios; man queta'm taj chi quebumulij na pa tak yätaj jacha' ri caban che ri trico pa ri yak'abal.

Hechos 15:18

Ri Ajawaxel, ri xebuya' ulok quetamaxic we jastak ri' kas xc'ori', u yo'm ulok ri u tzij.’

Ucab Ajawinelab 19:25

¿La ma ta pa u aweta'm chi in ri' ri Ajawaxel, ri e u chomam qui banic tak we jastak ri'? Kas ojer ulok nu chomam qui banic ulok, camic c'ut nu banom ri nu chomam ulok; rumal ri' ri at casachisaj qui wäch tak ri tinimit ri e kasan pa nimak tak tapia xaban c'u chque chi xebux jumulaj tak abaj.

Ri Tzijonel 3:14

Weta'm c'ut chi ronojel ri u banom ri Dios cajeki' amak'el. Man c'o ta jas ri cätik ta chi che mawi c'o jas ri quesax ta chi che; je u banic wa' u banom ri Dios, rech nim quilic.