Salmib 32:6 - Quiché Bible

⁶ Rumal ri' pa tak ri jok'otaj aretak e c'o c'axc'olil ri e jic caquitz'onoj na chi queto' la, pune' quetixtob ulok ri nimak tak ja', man quebopan ta na cuc'.

Salmib 32:6 Referans Kwoze

Ri Isaiy 55:6

Chitzucuj ri Ajawaxel utz c'ä cuya' qui riko, chisiq'uij utz c'ä nakaj c'o wi.

Ri Isaiy 43:2

We rajawaxic catk'ax pa ri ja', ri in quinc'oji' na awuc', we rajawaxic catk'ax pa tak ri nima' man catjik' ta na, we rajawaxic catoc'ow pa ri k'ak', man catc'at ta na, ri rak' ri k'ak' man quenicow ta na chawij.

2 Corintios 6:2

Cubij c'ut ri are' chquipam ri e tz'ibatalic: “Chupam ri jok'otaj ri takalic xatintatabej; chupam ri k'ij rech ri colobal ib xatinto'o.” Camic c'ut are wa' ri k'ij utz chiwe, are wa' ri k'ij rech quixcolotajic.

Ri Xuan 7:34

Quinitzucuj na, man quinirik ta c'ut. Jawije' ri in c'o wi, man quixcuin taj quixbe chila'.”

E C'ambal tak Tzij 1:28

Pa ri k'ij ri' caquitz'onoj na tok'ob, man c'u quintzelej ta u wäch ri qui tzij; quinitzucuj na, man c'u quinirik ta chic;

Salmib 4:3

Chiwetamaj chi ri Ajawaxel are cäbe ranima' ruc' ri winak ri jic cäbin chuwäch; chiwetamaj chi ri Ajawaxel quinutatabej aretak quinsiq'uij.

Salmib 144:7

Yuku' la ulok ri k'ab la chicaj, chinesaj la chupam ri choalaj plo; chinesaj la pa qui k'ab ri winak ri man weta'm ta qui wäch,

Salmib 42:7

Quetataj chquipam ri najalaj tak siwan ri qui chojojem ri ja' ri qui pak'ak'em ri quebe tak la ulok e oc'owinak panuwi'.

Salmib 40:3

Xubano chi xresaj ulok jun c'ac' bix pa nu chi', jun bix che u k'ijilaxic ri ka Dios. E q'ui aretak xquil wa', xslabetaj ri canima'; xquicu'ba' qui c'u'x chrij ri Ajawaxel.

Ri Tit 2:12

Cujutijoj chi cäkatas kib chrij ri rayibal aj uwächulew xukuje' ri jastak ri man cäquiya' ta u k'ij ri Dios. Cujutijoj chi utz ri ka chomanic cäkabano, cäkaban ri suc', xukuje' cujniman che ri Dios pa ri ka c'aslemal waral cho ri uwächulew,

2 Corintios 1:4

Ri are' cucu'bisaj ka c'u'x pa conojel ri ka c'axc'olil, rech cujcuin che u cu'bisaxic qui c'u'x niq'uiaj chic ri e c'o pa ronojel u wäch c'axc'olil. Jas ri u cu'bisaxic ka c'u'x uj rumal ri Dios, je cäkaban uj che u cu'bisaxic qui c'u'x niq'uiaj chic.

Ri Isaiy 49:8

Ri Ajawaxel cubij: “Xurik ri k'ij ri quinc'ut ri wutzil, xintzelej c'u u wäch ri a tzij xopan ri k'ij re ri colobenic, xatinto' c'ut. In xatinto' rech awumal at quinjekeba' ri nu c'ulwächinic ruc' ri tinimit, rech cäban u banic ri ulew, rech queboc che quechbexic ri ulew ri e tolorisam canok,

1 Timoteo 1:16

Rumal c'u ri', xel u c'u'x chwe, rech nabe cuc'utu chi xucuy ri nu mac. Jeri' xinil cumal niq'uiaj winak chic, rech cäquiban que jas ri xinban in, quecojon na che, rech cäc'oji' junalic qui c'aslemal.

Salmib 91:7

jun mil quecäm na pa ri a mox, lajuj mil quecäm pa ri awiquik'ab, are c'u ri at man c'o ta jas cac'ulmaj na.