Salmib 29:3 - Quiché Bible

³ Ri u ch'abal ri Ajawaxel cäxojlin puwi' ri plo; ri Dios ri nim u k'ij are cäbanow ri cakulja: ¡ri Ajawaxel c'o puwi' ri nimalaj plo!

Salmib 29:3 Referans Kwoze

Elem 9:33

Xel c'u ulok ri Moises chuwäch ri ajawinel, aretak xopan tza'm ja, xebuyac' ri u k'ab chicaj xutz'onoj tok'ob che ri Ajawaxel. Chanim c'ut xtani' ri jäb xukuje' ri sakbach, mawi xetataj chic ri cakulja.

Elem 9:28

Sibalaj cakulja xukuje' sakbach ka coch'om chic, rumal ri' man quintakej ta chic i k'ilic. Chitz'onoj ba' tok'ob che ri Ajawaxel pakawi', quixintzokopij c'u bic.”

Apocalipsis 19:6

Xukuje' xinta' jun ch'abal, je ta ne qui ch'abal q'ui winak, je ta ne qui chojojem q'uialaj tak ja' xukuje' ri cok'ebal cowilaj tak cakulja, ri xubij: “¡Chnimarisax u k'ij ri Ajawaxel!, rumal rech chi ri Ajawaxel ri ka Dios ri c'o ronojel cuinem ruc', cätakan puwi' ronojel.

Apocalipsis 16:18

Xepe c'u caypa', ch'abal, xukuje' xuban jun cakulja; xuban jun nimalaj cabrakan, man c'o ta jun cabrakan ri je ta u banom wa' kas aretak e c'olinak ri winak cho ri uwächulew; sibalaj c'u nim ri cabrakan.

Apocalipsis 11:19

Xjaktaj c'ut ri rachoch Dios pa ri caj. Xilitaj c'ut ri caxa re ri u c'ulwächinic chupam ri rachoch Dios. Xec'ulmataj caypa', jininem, cakultakja, cabrakan xukuje' nimalaj sakbach.

Apocalipsis 4:5

Quebel ulok caypa', ch'abal, xukuje' cakulja pa ri tem re ajawibal. Quenicow c'u wukub chaj chuwäch ri tem. E are' c'u wa' ri wukub ruxlabal ri Dios.

Salmib 104:3

¡Co xjekba' la ri rakan tak ri achoch la puwi' ri ja', chila' chicaj! Caban carwaj la chque ri sutz'; ¡cäbin la puwi' ri u xic' ri quiakik'!

Nabe Samuel 7:10

Aretak ri Samuel cätajin cuchi'j ri tabal tok'ob ri cächajirisaxic, ri aj pilisteyib xepe chquij ri aj israelib che qui cämisaxic; ri Ajawaxel xutak ulok jun nimalaj cakulja paquiwi' xquixe'j c'u quib, rumal c'u wa' xech'äc cumal ri aj israelib.

Elem 19:16

Churox k'ij aretak xpe ri u sakaric, xuban cakulja rachilam caypa', jun tzatzalaj sutz' c'ut xc'oji' puwi' ri juyub. Jun cowilaj rok'ibal trompet xbanowic chi xebirbob conojel ri winak ri e c'o pa tak ri cachoch rumal xe'n ib.

Apocalipsis 8:5

Ri tako'n aj caj xuc'am ri bukibal, xunojisaj che k'ak' re ri porobal, xuq'uiak puwi' ri uwächulew. Xuban cakulja, jininem, caypa' xukuje' cabrakan.

Ri Xuan 12:29

Ri q'ui winak ri e c'o chila', aretak xquito, xquibij chi xuban cakulja. Niq'uiaj chic xquibij: “jun tako'n aj caj xtzijon ruc'.”

Hechos 7:2

Ri Estebn xubij: “Wachalal tak xukuje' tatayib, tampe' alak ri nu tzij. Ri Dios ri sibalaj nim u k'ij xuc'ut rib chuwäch ri ka mam Abraham aretak c'ä c'o pa Mesopotam, c'ä majok chejekel pa Haran.

Ri Job 36:33

Ri tililem cuc'ut ri u c'anal ri Dios, ri cakulja cuc'ut ri royowal.”

Ri Job 40:9

¿La xa pa u sibalaj at co jacha' ri in? ¿La cakulja ri a ch'abal, jacha' ri wech in?