Salmib 28:7 - Quiché Bible

⁷ Ri Ajawaxel are' cuinelalaj to'l wech; chrij xinya' wi ronojel ri cu'lbal nu c'u'x, xinuto' c'ut. Cäquicot ri wanima'; quinbixonic, xukuje' quinya' maltioxinic che ri Ajawaxel.

Salmib 28:7 Referans Kwoze

Ri Isaiy 61:10

¡Sibalaj quinquicot ruc' ri Ajawaxel. Quinnoj che quicotemal ruc' ri nu Dios, u yo'm c'ut ri u to'banic chwe, in u nojisam che ch'äcanic! In junam ruc' jun jiaxel ri cucoj ri u corona, o ruc' jun alibatz ri cuwik rib cuc' tak ri u wikbal.

Efesios 6:10

Are c'u ri camic, wachalal tak, chicowirisaj iwib pa ri Ajawaxel Jesus, xukuje' pa ri u cuinem ri u chuk'ab.

Salmib 40:3

Xubano chi xresaj ulok jun c'ac' bix pa nu chi', jun bix che u k'ijilaxic ri ka Dios. E q'ui aretak xquil wa', xslabetaj ri canima'; xquicu'ba' qui c'u'x chrij ri Ajawaxel.

Salmib 13:5

Ri in nu cu'bisam nu c'u'x pa ri tok'ob la; ri wanima' cäquicotic rumal rech chi quincol la.

Salmib 28:8

Ri Ajawaxel are' ri u chuk'ab ri u tinimit; are' to'bal rib xukuje' to'tajisal rech ri rajawinel ri u cha'om.

Ri Isaiy 12:2

Ri Dios are' quincolowic cu'l nu c'u'x, man quinxe'j ta wib. Ri Ajawaxel are' to'bal wib xukuje' are nu chuk'ab, are nu Colonel.”

Salmib 84:11

Rumal rech chi ri Dios ri Ajawaxel cujutunuj xukuje' cujuch'uku; ri Ajawaxel quebulok'ok'ej, xukuje' nim queril wi ri man c'o ta qui bach'uyal, man cuk'il ta qui ya'ic ri utzalaj tak jastak chque.

Salmib 69:30

Quinya' na u k'ij ri u bi' ri Dios cuc' tak bix; quinya' na u k'ij ruc' maltioxinic,

Salmib 22:4

Ri ka mam xquicu'ba' qui c'u'x chij la; xcu'bi qui c'u'x, xetor c'u la;

Salmib 91:4

catuch'uk c'u na cuc' ri e u xic', man c'o ta c'u jas cac'ulmaj na chquixe'. ¡Ri u jiquil catucol c'u na jacha' jun quetequic ch'ich'!

Salmib 3:3

Are c'u ri lal, Ajawaxel, lal ri ch'ukubal wib, lal nimarisabal nu k'ij, lal ri cäyo'w la ri chajin anima' chwe.

Salmib 21:1

Ajawaxel, ri ajawinel cäquicotic rumal rech chi yo'm la u chuk'ab; sibalaj cäquicotic rumal rech chi yo'm la ch'äcanic che.

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.

Salmib 46:1

Ri Dios are' ka panibal xukuje' ka chuk'ab; to'l kech pa tak ri jok'otaj re c'axc'olil.

Salmib 33:21

Ri kanima' caquicot ruc' ri Ajawaxel; kas ka cuban ka c'u'x chrij ri tastalicalaj u bi'.

Apocalipsis 15:3

Xquibixoj ri u bix ri Moises, pataninel rech ri Dios, xukuje' ri u bix ri Alaj Chij, je xquibij wa': “E nimak xukuje' sibalaj e mayibal tak ri e chac la, Ajawaxel, Dios ri c'o ronojel u cuinem e suc' xukuje' kas e be tak ri e be la, Ajawinel quech tak ri nimak tak tinimit.

Salmib 19:14

Chec'amar ta ri e nu tzij umal la xukuje' tak ri nu chomanic, oh Ajawaxel, panibal xukuje' torol wech.

Ri Isaiy 45:24

Cäquibij c'u na: Xuwi ruc' ri Ajawaxel e c'o wi ri colomal xukuje' ri cuinem. Conojel ri cäquetzelaj nu wäch quel na qui q'uixbal.

Salmib 3:4

Cuc' rakoj tak chi'aj quintz'onoj to'banic che ri Ajawaxel cutzelej c'u ulok u wäch nu tzij kas pa ri tastalicalaj u juyub,

Salmib 13:6

¡Quinbixoj ri Ajawaxel rumal ri utzil ri u banom chwe!

Salmib 37:39

Ri to'bal quib ri e utzalaj tak winak cäpe ruc' ri Ajawaxel, are c'u qui panibal pa ri c'axalaj tak k'ijol.

Salmib 43:2

¡Lal c'ut ri nu Dios xukuje' ri ch'ukul we! ¿Jasche in najtajisam la che la? ¿Jasche amak'el quinbisonic, nu rikom c'ax pa qui k'ab ri nu c'ulel?

Salmib 46:2

Rumal ri' man cäkaxe'j ta kib, pune' capuc'pub ri uwächulew, pune' quebik'taj bic ri juyub pa ri u choil ri plo,