Salmib 28:2 - Quiché Bible

² Tatabej la ri nu rakoj chi'aj che u tz'onoxic ri to'banic la, aretak quinyuk apan ri nu k'ab chusuq'uil ri tastalicalaj achoch la.

Salmib 28:2 Referans Kwoze

Salmib 138:2

Quinxuqui' na chusuq'uil ri tastalicalaj achoch la, che u ya'ic maltioxinic che la rumal ri lok'ok'ebal c'u'x la xukuje' ri kastzij la, nu cojom c'u ri bi' la xukuje' ri tzij la paquiwi' conojel ri jastak.

Salmib 141:2

Ri nu ch'awem uc' la je chuxok jacha' ri c'oc'alaj k'ol chwäch la, e yactal c'ut ri e nu k'ab, jacha' sipanic rech benak k'ij.

1 Timoteo 2:8

Quinwaj c'ut chi ri winak pa conojel c'olbal cäquiban ch'awem ruc' Dios chequiwalijisaj ri qui k'ab ruc' jun ch'ajch'ojalaj canima', man c'o ta oyowal mawi c'ulelam tak ib.

Salmib 140:6

Nu bim che ri Ajawaxel: “Lal ri lal nu Dios; ¡chtatabej ba la ri nu rakoj chi'aj ri cutz'onoj tok'ob!

Salmib 134:2

¡Chiyaca' ri i k'ab che ri tastalicalaj k'ijilabal, chiya' u k'ij ri Ajawaxel!

Salmib 5:7

Are c'u ri in rumal ri nimalaj lok'ok'ebal c'u'x la, quincuinic quinoc chupam ri achoch la; quincuinic quink'ijilan che la ruc' nim ilic la quinca'y c'u apan che ri tastalicalaj achoch la.

Ri Daniel 6:10

Aretak c'ut xretamaj ri Daniel chi ri Dariy xuya' u tzij che u banic we takanic ri', xbe cho rachoch, xebujak ri e u wenta'n ri u warabal, ri benak u wäch pa Jerusalen, xxuqui che u banic ch'awem ruc' Dios, xk'ijilan c'u che ri Dios. Ox mul c'ut cuban wa' ronojel k'ij, jas ri u banom ulok amak'el.

Juyuwem 2:19

Chatwalijok charakakej a chi' pa tak ri chak'ab, chabeytajisaj ri u rakic a chi'; chajamij ri awanima' chuwäch ri Ajawaxel, chaya' che chi belelok jacha' ri ja'; chebalic'a' ri a k'ab chusuq'uil chatz'onoj tok'ob chatbochi'n puwi' ri qui c'aslemal tak ri e awal, ri quec'am xo'l tak ri be re ri tinimit rumal wi'jal.

Salmib 143:6

Quebenyuk apan ri nu k'ab che la, cächaki'j nu chi' che la, jacha' ri chaki'j ulew.

Salmib 125:5

e are' c'u ri quebin pa ri itzel be bana' la chi je cäquitaklebej jas ri cäquitaklebej ri itzel tak winak. ¡Chc'ol c'u jamaril pa Israel!

Salmib 63:4

pa ronojel nu c'aslemal quinya' na k'ij la, quinyac ri nu k'ab chwäch la aretak quinch'aw uc' la.

Ucab Tzijobelil 6:13

Pakalinak puwi' jun ak'anibal re k'an ch'ich' re quieb bara' ruc' oxib k'abaj u rabic, xak c'u junam ri u wäch, jun c'u bara' ruc' oxib k'abaj rak'anibem, ri xuwoco xuya' c'u pa u niq'uiajil ri uwo ja. Xxuqui c'ut chquiwäch conojel ri tinimit aj israelib, xebulic' c'ut ri u k'ab chicaj, co xch'awic,

Nabe Ajawinelab 8:38

chtatabej c'u la ronojel ch'awem ri cäban chwäch la, bochi'nic ri cäban rumal apachique winak, o cumal conojel ri tinimit Israel, aretak cäril ri u c'axc'olil xukuje' k'oxomal quebulic' c'u ri u k'ab che ri u banic ri ch'awem uc' la, chusuq'uil we rachoch Dios ri'.

Nabe Ajawinelab 6:19

Ri Salomon xusuc'umaj ri Sibalaj Tastalicalaj C'olbal chupam ri rachoch Dios, rech chila' cäya' wi ri u caxa ri Ajawaxel.

Nabe Ajawinelab 6:5

xukuje' xuban jun ja ri u tikem rib ruc' ri nim tapia ri sutininak rij ri ja, chrij ri nim tapia ri u sutim rij ri rachoch Dios, jeri' chrij ri nim ja xukuje' ri rech ri jun ja chic ri c'o chuwäch, xebuyac alaj tak ja chquij.

Salmib 130:2

tatabej la, Ajawaxel, ri nu ch'abal, chutatabej ri xiquin la ri nu rak'oj chi'aj che u tz'onoxic tok'ob.

Salmib 141:1

Che la quintz'onoj wi tok'ob, Ajawaxel: ¡saj ba la chanim!, ¡chtatabej la ri nu ch'abal aretak canatax la wumal!

Ri Daniel 6:11

Conojel c'ut we achijab ri' xeboc chupam ri rachoch ri Daniel, man c'o ta cunabej xequirika' cätajin cuban ch'awem ruc' Dios, cäk'ijilan c'u che ri Dios.