Salmib 27:14 - Quiché Bible

¹⁴ ¡Chacu'ba' a c'u'x chrij ri Ajawaxel! ¡Chacojo' a chuk'ab, muban quieb a c'u'x! ¡Je', chacu'ba' a c'u'x chrij ri Ajawaxel!

Salmib 27:14 Referans Kwoze

Ri Isaiy 40:31

are c'u ri cäquicu'ba' qui c'u'x chrij ri Ajawaxel cäc'aq'uir na ri qui chuk'ab amak'el, quecuinic querapapic jacha' ri cot quecuinic quexiq'uinic man quecos taj, quebinic man quetukar taj.

Salmib 31:24

Chiya' chuk'ab xukuje' chajin anima' chque tak ri e iwanima' iwonojel ri i cuban i c'u'x chrij ri Ajawaxel.

Ri Isaiy 30:18

Are c'u ri Ajawaxel quixreyej, che u tok'obisaxic i wäch; ri are' sibalaj curayij cuc'ut ri u lok'ok'ebal c'u'x chiwe, are' c'u ri Ajawaxel are jun Dios aj suq'uil. ¡Utz quech conojel ri quebeyen che!

Salmib 37:34

Chicu'ba' a c'u'x chrij ri Ajawaxel, chatniman c'u che, cunimarisaj c'u na a k'ij, cuya' na ri ulew jacha' che awechbal. Cuc' ri a bak'wäch cawil na ri quesaxic bic ri e banal tak etzelal.

Salmib 130:5

Ruc' ronojel ri nu c'aslibal quineyen che ri Ajawaxel, quinjiquiba' c'u nu c'u'x chrij ri u tzij.

Filipenses 4:13

Ronojel quincuin chubanic are' c'u Crist ri cäyo'w nu chuk'ab.

Ri Habacuc 2:3

C'ä maja' c'u ne copan ri k'ijol ri chetz'akat we c'utwächinic ri'; ma ta c'u ne ma ta chetz'akatok. At chateyenok, pune' cabeytajic, copan c'u na ri k'ijol ri rajawaxic.

Efesios 6:10

Are c'u ri camic, wachalal tak, chicowirisaj iwib pa ri Ajawaxel Jesus, xukuje' pa ri u cuinem ri u chuk'ab.

Salmib 62:5

Xuwi ruc' ri Dios quinrik wi jamaril; ri cu'lbal nu c'u'x ruc' are' cäpe wi.

Colosenses 1:11

Cäkata' che ri Dios chi cuya' i chuk'ab ruc' ri nimalaj u cuinem ri u juluwem. Jeri' quixcuin che u ch'ijic ronojel c'ax, quicuy ronojel ri cäban chiwe.

Salmib 138:3

Aretak xinsiq'uin che la xtzelej la ulok u wäch ri nu tzij, xukuje' xya' la u wi' ri nu chuk'ab.

E C'ambal tak Tzij 20:22

Mawi jubik' mabij chi caya' na rajil c'axelal; chajiquiba' a c'u'x chrij ri Ajawaxel, cuban c'u na chawe chi catch'äcanic.

Salmib 33:20

Ri uj ka cuban ka c'u'x chrij ri Ajawaxel; ¡ri are' cujuto' xukuje' ka quetequic ch'ich'!

Romanos 8:25

We c'u cu'l ka c'u'x chrij ri man cäkil taj, ruc' coch'onic ri' cäkeyej na.

Juyuwem 3:26

Are utz na cakeyej ri u to'banic ri Ajawaxel man ruc' ta ch'ach'atem.

1 Corintios 16:13

Chixc'asc'atok. Co chixc'ol pa ri i cojonic. Chc'ol nimalaj i chuk'ab, xukuje' co chixc'olok.

Ri Isaiy 25:9

Pa ri k'ij ri' cäbix na: “Are wa' ri ka Dios, chrij ri are' cu'l wi ka c'u'x are c'u xujcolowic. Chujjajat che tze', chujquicotok, are' c'u uj colowinak.”

Salmib 25:21

Chinuch'uku ri nu tz'akatiquil pa ronojel xukuje' chi man c'o ta nu mac, nu cuban c'u nu c'u'x chij la.

Salmib 25:3

¡Mawi jubik' mel qui q'uixbal ri qui cuban qui c'u'x chij la! ¡Are chel qui q'uixbal ri man c'o ta rumal cäquiyac quib che c'ulelaxic la!

Chapletajic 49:18

¡Oh, Ajawaxel, quinweyej chi quincol la!

Ri Lucax 2:25

C'o c'u jun achi pa Jerusalen, Simeon u bi'. We achi ri' suc', nimanel che ri Dios. Reyem c'ut ri u to'tajisaxic ri Israel. C'o c'ut ri Ruxlabal ri Dios ruc' ri Simeon.

Ri Isaiy 8:17

Pune' ri Ajawaxel cuc'u' rib chuwäch ri u tinimit ri Jacob, in cäcu'bi nu c'u'x chrij. Chrij ri are' nu yo'm wi ri eyebal nu c'u'x.

Efesios 3:16

Quinta' che ri Tataxel chi jas ri u k'inomal ri u juluwem, cuya' i chuk'ab xukuje' cuinem pa ri iwanima' rumal ri Ruxlabal ri Dios,

Salmib 62:1

Xuwi ruc' ri Dios quinrik wi jamaril; ruc' are' cäpe wi ri nu colotajic.

Salmib 40:1

Xincoj ri weyebal c'u'x chrij ri Ajawaxel, ri are' xpachi' ulok che qui tatabexic ri e nu rakoj tak chi'aj;

Ri Isaiy 26:8

Ri uj xukuje' cäkana' kib chi co uj c'olic pa ri be ri u c'utum ri pixab la, Ajawaxel. Ri u rayinic ri kanima' are ri chomaxic la.

Ri Lucax 2:38

Ri Na' xutac'abaxtaj rib kas pa ri jok'otaj ri', xuchaplej c'u u ya'ic maltioxinic che ri Dios xukuje' xuchaplej c'u u tzijoxic ri alaj Jesus chque conojel ri queyem ri u to'tajisaxic ri Jerusalen.

Hechos 28:15

Ri kachalal chila' xquita' ka tzijol, xebel ulok che ka c'ulaxic c'ä pa ri C'ayibal re Apiy xukuje' pa ri c'olbal Oxib Okxanibal u bi'. Ri Pawl, aretak xerilo, xumaltioxij che ri Dios, xcu'bi u c'u'x.

Salmib 37:7

Mel jun tzij pa chi' chuwäch ri Ajawaxel; chaweyej ruc' coch'onic c'ä catuto' na. Mäpe awoyowal che ri curik utzil pa ri u c'aslemal, xukuje' ri cuchomaj qui banic etzelal.