Salmib 26:1 - Quiché Bible

¹ Ajawaxel, bana' la suq'uilal chwe, man c'o ta macaj pa ri nu c'aslemal. Mawi jubik' quinwesaj ri cu'lbal nu c'u'x chij la;

Salmib 26:1 Referans Kwoze

Salmib 28:7

Ri Ajawaxel are' cuinelalaj to'l wech; chrij xinya' wi ronojel ri cu'lbal nu c'u'x, xinuto' c'ut. Cäquicot ri wanima'; quinbixonic, xukuje' quinya' maltioxinic che ri Ajawaxel.

Salmib 7:8

Ajawaxel, lal cäk'at la tzij paquiwi' ri nimak tak tinimit: k'ata' la tzij panuwi' jacha' chi in tz'akat pa ronojel; k'ata' la tzij panuwi' jacha' chi man c'o ta nu mac.

E C'ambal tak Tzij 20:7

¡Sibalaj utz quech ri c'ojolaxelab ri quebuya' can ri bininak pa colomal tz'akat c'u pa ronojel!

Salmib 21:7

Lal, nimalaj ajawinel, mawi jubik' catzakmaj la, cuban c'u c'u'x la chrij ri Ajawaxel; ¡cuban c'u'x la chrij ri lok'ok'ebal u c'u'x ri Dios ri c'o pa ri caj!

Ucab Ajawinelab 20:3

“In quinbochi'n che la, Ajawaxel, chi chnataj che la jas ri jicalaj patanixic la nu banom man c'u ruc' ta cawächibal, are c'u nu banom ri cakaj chwäch la.” Xok' c'ut ruc' c'ayil.

Nabe Samuel 24:15

Rumal c'u ri', are ta ba' ri Ajawaxel chrila' chuk'ata' c'u tzij pakawi' ka cabichal; ¡are' ba' ri are' chnic'on ri cätajin quinc'ulmaj, chinuto' c'u pa k'ab la!”

2 Pedro 1:10

Rumal ri', wachalal, quinbij wa' chiwe: Ri Dios xixuch'a xukuje' ix cha'talic. Chicojo' ba i chuk'ab che u c'utic pa ri i c'aslemal chi kastzij ix siq'uim xukuje' ix cha'tal rumal ri Dios. We jewa' quibano, mawi jumul quixtzakic.

1 Pedro 1:5

C'olom chiwe ix, ri ix chajin rumal ri u cuinem ri Dios rumal ri cojonic, rech quixcolotajic. Ronojel suc'umam ulok rech quixcolotajic, ri Dios cuk'alajisaj na pa ri q'uisbal tak k'ij.

Hebreos 10:23

Co chujtac'al pa ri cu'lbal ka c'u'x, chkak'alajisaj chquiwäch ri winak, muban quieb ka c'u'x, rumal rech chi ri Dios cuya' chke jas ri u bim.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

E C'ambal tak Tzij 29:25

Ri xe'n ib chquiwäch ri winak are jun c'amibal, are' c'u ri cujiquiba' u c'u'x chrij ri Ajawaxel chajitalic.

Salmib 121:3

Mawi jubik' cuya' chi catjiljobic. Mawi jubik' cäwar ta na ri catchajinic.

Salmib 94:18

Aretak c'o jumul xinbij: “Ri wakan quejiljobic”, ri lok'ok'ebal c'u'x la, Ajawaxel, xpe che nu to'ic.

Salmib 62:6

Xuwi ri are' quincolowic xukuje' qui nu ch'uku'; man quintzak taj, che c'u nu ch'apom wi wib.

Salmib 62:2

Xuwi ri are' quincolowic xukuje' qui nu ch'uku'; man quintzak taj, che c'u quinchap wi wib.

Salmib 54:1

¡Chinto'tajisaj la, nu Dios, rumal ri bi' la! ¡To' la nu wi' ruc' ri cuinem la!

Salmib 43:1

Nu Dios, bana' la suq'uilal chwe; ¡Cojo' ib la wuc' che qui c'ulelaxic ri winak ri quequik'ijilaj diosib! ¡Chinesaj la pa u k'ab ri banal tzij xukuje' banal etzelal!

Salmib 37:31

Ruc'am ri u tijonic ri u Dios pa ri ranima'; mawi jubik' quejiljob ri rakan.

Salmib 35:24

K'ata' la tzij panuwi', Ajawaxel, xukuje' nu Dios, jas ri u cholajil ri k'atan tzij la. ¡Mäquitze'j c'u nu wäch!

Salmib 31:14

Ri in c'ut, Ajawaxel, nu cuban nu c'u'x chij la; ri in nu bim: “Lal ri nu Dios.”

Salmib 26:11

In bininak c'ut chupam ri nu ch'ajch'ojil; chinto'tajisaj la chel c'u'x la chwe.

Salmib 25:21

Chinuch'uku ri nu tz'akatiquil pa ronojel xukuje' chi man c'o ta nu mac, nu cuban c'u nu c'u'x chij la.

Salmib 25:2

nu Dios, chij la cu'l wi nu c'u'x: mintzokopij la rech minkaj pa ri q'uixbal. ¡Maquitze'j nu wäch ri e nu c'ulel!

Salmib 15:2

Xuwi ri man c'o ta mac pa ri u c'aslemal xukuje' cuban utzil, ri cubij ri kastzij ruc' ronojel ranima',

Salmib 4:5

chebichi'j jicalaj tak tabal tok'ob chicu'ba' i c'u'x chrij ri Ajawaxel.

Nabe Samuel 2:9

Ri Are' cuchajij ri qui be ri e jic, are c'u ri itzel tak winak quecäm pa ri k'ekumalil, man c'o ta c'u jun cäch'äcan rumal ri u chuk'ab.

Ri Job 2:3

Xubij c'ut ri Ajawaxel che: “¿La ma ta at oquinak il che ri Job ri pataninel wech? Man c'o ta jun chuwäch ri uwächulew jacha' ta ri are', ri sibalaj ta jic che nu patanixic, ri ruc'am jun c'aslemal ri sibalaj colom ri man c'o ta jubik' macaj pa ri u c'aslemal sibalaj c'u cuchajij rib chi man c'o ta jun c'ax cuban ta che jachin jun. Pune' c'u ne xaban chwe chi xinsachisaj u wäch ronojel ri c'o ruc' man chutojic ta c'u ne jun macaj ri u banom taj, ri are' jic cabinic man c'o ta c'u ne macaj pa ri u c'aslemal.”

Ri Job 4:6

At, ri at jun jicalaj pataninel rech ri Dios, jun achi ri colom ri u c'aslemal, ¿Jas c'u che man kas ta cajiquiba' ri a c'u'x?