Salmib 25:5 - Quiché Bible

⁵ c'ama' la nu be, chc'utu' la ri kastzij la chnuwäch, lal c'ut ri lal nu Dios xukuje' Colonel. ¡Chij la nu cu'ban wi nu c'u'x conojel jok'otaj!

Salmib 25:5 Referans Kwoze

E C'ambal tak Tzij 8:34

Sibalaj utz re ri winak ri quinutatabej, cac'asc'at c'ut cächajin chquichi' ri wachoch.

Salmib 25:10

Conojel tak ri u be e re lok'ok'ebal c'uxaj xukuje' e re kastzij chque ri cäquiban ri u rayibal xukuje' ri cäquinimaj ri u takanic.

Ri Isaiy 30:18

Are c'u ri Ajawaxel quixreyej, che u tok'obisaxic i wäch; ri are' sibalaj curayij cuc'ut ri u lok'ok'ebal c'u'x chiwe, are' c'u ri Ajawaxel are jun Dios aj suq'uil. ¡Utz quech conojel ri quebeyen che!

Apocalipsis 7:17

Are' c'ut ri Alaj Chij ri c'o pa u niq'uiajil ri tem re ajawibal quebuyuk'uj na, cuc'am na qui be pa tak qui q'uiyibal ja' re c'aslemal. Ri Dios cusu' na ri u wa'l qui wäch.”

Ri Xuan 14:26

Ri cucu'bisaj c'uxaj, are' ri Ruxlabal ri Dios, ri cutak na ulok ri Tataxel pa ri nu bi', are ri' quixutijoj na chque conojel ri jastak, cunataj na chiwe ronojel ri nu bim chiwe.

Ri Xuan 16:13

Aretak c'ut cäpe ri Uxlabaxel ri kastzij, are quelc'amow na i be pa ronojel ri kastzij. Man queltzijon ta c'u na pa re wi, xane' culutzijoj na ri cutatabej, quebulutzijoj na chiwe ri jastak ri quepe na.

Salmib 88:1

Ajawaxel, nu Dios xukuje' nu Colonel, chi pa k'ij chi chak'ab quintz'onoj ri to'banic la,

Salmib 79:9

Nu Dios, ka colonel, chujto' la, ¡chujesaj la pa ri c'ax, chäsacha' la ri ka mac, rumal ri u juluwem ri bi' la!

Ri Nehemiy 9:20

Xya' c'u ne la que ri utzalaj uxlabal la che qui tijoxic; mawi jumul ma ta xopan ri jaswa' pa qui chi' ri xtak la ulok chque, xaya' la qui ja' che resaxic ri qui chaki'j chi'.

1 Juan 2:27

Are c'u ri ix c'o ri Ruxlabal ri Dios iwuc' ri u yo'm ri Jesucrist chiwe. Man rajawaxic taj chi c'o jachin quixtijonic. Ri Uxlabaxel ri jekel iwuc' cuc'ut conojel ri jastak chiwäch. E are tak c'ut ri e u tijonic e kastzij, man c'u e banoj ta tzij. Chixcanaj nuc'talic ruc' ri Crist, je jacha' ri tijonic ri u yo'm ri Uxlabaxel chiwe.

Romanos 8:14

Conojel c'u ri c'amom qui be rumal ri Ruxlabal ri Dios, e ralc'ual ri Dios.

Ri Lucax 18:7

¿La ma ta ri Dios cuk'at na tzij paquiwi' ri qui c'ulel ri winak ri e u cha'om, we ri e are' cäquirak qui chi', quebochi'n che chi pa k'ij chi chak'ab? ¿La cäbeytaj ta lo ri Dios?

Ri Isaiy 49:10

Man quina' ta na numic mawi chaki'j chi', mawi cubana' la c'ax ri k'ij chiwe mawi ri k'ak', quixinlok'ok'ej c'ut quinc'am c'u i be, quixinc'am bic jawije' queq'uiy wi tak ja'.

Salmib 119:66

Chintijoj la rech cäc'oji' utzalaj nu chomanic xukuje' wetamanic, nu jiquibam c'u nu c'u'x chquij tak ri e takomal la.

Salmib 107:7

xebuya' c'u chupam jun colomalaj be ri cäbe chupam jun tinimit ri cuya' quejeki' wi.

Ri Isaiy 42:16

Quebenc'am na bic ri moyab pa tak be xukuje' pa alaj tak be ri man quetamam taj. Quinq'uex na ri k'eku'm pa sakil chquiwäch ri e are', ri ch'ucuch'ak tak juyub quinjalwächij na pa lianic tak ulew. We jastak ri' kas quebenban na.

Ri Jeremiy 31:9

Quepe na ruc' tz'ononic xukuje' ok'enic. In quebenc'am na bic jawije' e c'o wi binel tak ja', pa jun lianic be jawije' ri man caquichak'ij ta wi quib. In c'ut ri u tat ri Israel, are c'u ri Eprain are nabeal nu c'ojol.

Ri Isaiy 54:13

In quebentijoj na ri awal, conojel cäquirik na nimalaj utzil.

Ri Isaiy 35:8

Cäc'oji' na jun be, ri cabinax na “ri be ri tastalic”. Ri man e ch'ajch'oj taj man cuya' ta caquibinibej; ri man c'o ta qui no'j man cuya' ta cäquibinibej.

E C'ambal tak Tzij 23:17

Mebaquiäk rayij ri ajmaquib; xane, are amak'el nim chawila' wi ri Ajawaxel.

Salmib 119:97

¡Sibalaj quinlok'ok'ej ri tijonic la! ¡Ronojel ri jun k'ij quinchoman chrij!

Ri Xuan 6:45

Tz'ibatal can pa tak ri qui wuj ri k'axal tak tzij: Conojel quetijox na rumal ri Dios. Conojel ri cäquitatabej ri Tataxel, cäquetamaj que ruc', e are ri' quepe wuc' in.

Salmib 86:3

Ajawaxel, chel c'u'x la chwe, amak'el c'ut quintz'onoj tok'ob che la.

Salmib 24:5

Ri Ajawaxel, ri u Dios xukuje' Colonel, cutewichi'j na we winak ri', cuban na suq'uilal che.

Salmib 22:2

Nu Dios, pa k'ij xukuje' chak'ab quinsiq'uin che la, man c'o ta c'u catzelej la u bixic; man c'o ta uxlanem nu rikom.

Salmib 119:33

Ajawaxel, c'utu' la ri qui be tak ri pixab la chnuwäch, quinwaj quebenterenej c'ä chuq'uisbalil.

Salmib 119:26

Nu k'alajisam ri nu c'aslemal chwäch la, xtzelej c'u la u wäch ri nu tzij; ¡chintijoj la chque tak ri pixab la!

Ri Job 36:22

Kas utz rilic ri nimalaj u cuinem ri Dios chbana' la. Man c'o ta jun ajtij ri chuya'taj chajunamataj ta ruc';

Salmib 68:20

Ri ka Dios, are jun Dios ri cäcolonic, ri xukuje' cäcuinic cujresaj pa u k'ab ri cämical.

Salmib 25:8

Ri Ajawaxel utz xukuje' suc'; quebupixbej ri ajmaquib pa ri qui c'aslemal,

Chapletajic 49:18

¡Oh, Ajawaxel, quinweyej chi quincol la!

Ri Miquey 7:7

Are c'u ri in quineyem na che ri Ajawaxel; quincoj na ri weyebal c'uxaj chrij ri Dios ri nu Colonel, rumal rech chi ri are' quinutatabej na.