Salmib 25:4 - Quiché Bible

⁴ Ajawaxel, chec'utu' ri be la chnuwäch; c'ama' la nu be pa ri suc'alaj be la;

Salmib 25:4 Referans Kwoze

Salmib 86:11

Ajawaxel, chc'utu' la ri be la chnuwäch, rech quintakej ruc' colomal. Chbana' la chi ri wanima' nim cäril wi ri bi' la.

Salmib 27:11

Ajawaxel chc'utu' ri be la chnuwäch; chc'ama' la nu be pa ri suc'alaj be, qui mac quech ri e nu c'ulel;

Salmib 143:8

Ak'abibal chya' la retamaxic ri lok'ok'ebal c'u'x la chwe, nu jiquibam c'u nu c'u'x chij la. Chya' la retamaxic chwe jachique ri c'aslemal ri rajawaxic ruc'axic wumal, che la c'ut quintz'onoj wi ri curayij ri wanima'.

Salmib 5:8

Ajawaxel, qui mac quech ri qui banom qui c'ulel chwe c'ama' la nu be chupam ri suq'uilal, chinc'ama' la bic chupam ri utzalaj be.

Elem 33:13

We c'u kastzij chi in lok' chwäch la, quintz'onoj tok'ob che la chi cac'ut la ri be la chnuwäch, rech cäcu'bi nu c'u'x chij la chi amak'el in lok' chwäch la. Mäsach ba' pa jolom la chi e ech la we winak ri'.

Salmib 119:27

Chya' la nu chomabal che qui takexic ri e pixab la ri e tz'ibatalic, quinwaj c'ut quinchoman chquij tak ri mayibal la.

Ri Jeremiy 6:16

Ri Ajawaxel cubij che ri u tinimit: “Chixtac'al pa tak ri be chixca'y c'ut, chich'obo' jachique tak ri ojer tak be, ri c'o wi ri utzalaj be; chitakej quirik c'u na ri uxlanem.” Caquibij c'ut ri e are': “Jayi', man cäkaj taj cäkatakej.”

Ri Isaiy 2:3

e q'uia tinimit winak quebopanic, cäquibij na: “Tisaj, chujpakal cho ri u juyub ri Ajawaxel, ri rachoch ri u Dios ri Jacob, rech are' quec'utuw tak ri u be chkawäch, cujcuin c'u che binem pa ri alaj tak u be.” Pa Sion quel wi na ulok ri u tijonic ri Ajawaxel, pa Jerusalen cäpe wi na ri u tzij.

E C'ambal tak Tzij 8:20

In in benak pa ri suc'alaj be, pa ri alaj latz' be re suq'uilal.

Salmib 5:1

Ajawaxel, wajawinel xukuje' nu Dios, chetatabej tak la ri e nu tzij choc la il chque tak ri e nu ch'ikowem, chetatabej la ri e nu bochi'nic, che c'u la quinpakba' wi ri nu ch'awem.

Nabe Ajawinelab 8:36

chtatabej la ulok c'ä pa ri caj chsacha' la qui mac ri e pataninel tak ech la ri tinimit la re Israel, c'utu' c'u la ri utzalaj be chquiwäch ri rajawaxic u takexic cumal. Chtaka la ulok ri jäb puwi' we ulew ri' ri xya' la che echbal che ri tinimit la.