Salmib 24:5 - Quiché Bible

⁵ Ri Ajawaxel, ri u Dios xukuje' Colonel, cutewichi'j na we winak ri', cuban na suq'uilal che.

Salmib 24:5 Referans Kwoze

Filipenses 3:9

Xukuje' rech quinriktaj pa ri are'. Jeri' in suc' chic man rumal ta ri u nimaxic ri pixab, xane' rumal rech chi xincojon che ri Crist. Are suq'uil wa' cuya' ri Dios rumal ri cojonic.

Efesios 1:3

Ka k'ijilaj ri Dios ri u Tat ri Kajaw Jesucrist, chupam c'ut ri ka junaxic ruc' ri Crist uj u tewichi'm pa ri caj cuc' tak conojel qui wäch tak tewichibal e aj uxlabal.

Ri Isaiy 46:13

In quinbano chi cänakajin ulok ri torotajic ri quinbano ri colobenic ri quinbano, man cäbeytaj taj, man naj ta c'o wi. In quinya' na ri colobenic che ri Sion, quinya' na ri nimarisabal nu k'ij che ri Israel.”

1 Pedro 3:9

Mitoj etzelal che u q'uexel etzelal. Aretak quixyok'ic, mitoj u q'uexel ri yok'obal iwe. Xane' chitewichi'j ri quixyok'owic. Che wa' xixsiq'uix wi, che rechbexic tewichibal.

Gálatas 3:14

Je xuban wa' rech cäpe ri u tewichibal ri Abraham paquiwi' ri man aj judeyib taj rumal ri Crist Jesus, xukuje' rech rumal ri cojonic, cäkac'am ri Uxlabaxel ri u bim ulok ri Dios chi cuya' na.

Ri Isaiy 12:2

Ri Dios are' quincolowic cu'l nu c'u'x, man quinxe'j ta wib. Ri Ajawaxel are' to'bal wib xukuje' are nu chuk'ab, are nu Colonel.”

Salmib 50:23

Ri cuchi'j ri u maltioxinic chwe, cunimarisaj nu k'ij. ¡In quinto'tajisaj ri cäjeki' pa ri nu be!”

Gálatas 5:5

Are c'u ri uj, rumal ri Uxlabaxel xukuje' rumal ri cojonic, c'o ri keyebal c'u'x chi cujsuq'uiritaj na.

Gálatas 3:9

Jeri' chi ri quecojonic, quetewichi'xic junam ruc' ri Abraham, ri xcojonic.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

Romanos 3:22

Ri Dios cuban suc' chque ri winak rumal ri qui cojonic che ri Jesucrist. Xa' junam cuban chque conojel ri quecojon che. Xa' c'u junam qui banic ri winak chuwäch.

Ri Xuan 7:17

We c'o jachin cäraj cuban ri u rayibal ri xintakow ulok, cäretamaj na we ri nu tijonic cäpe ruc' ri Dios, we xak quintzijoj pa we wi.

Ri Isaiy 61:10

¡Sibalaj quinquicot ruc' ri Ajawaxel. Quinnoj che quicotemal ruc' ri nu Dios, u yo'm c'ut ri u to'banic chwe, in u nojisam che ch'äcanic! In junam ruc' jun jiaxel ri cucoj ri u corona, o ruc' jun alibatz ri cuwik rib cuc' tak ri u wikbal.

Ri Isaiy 54:17

man c'o ta c'u jun banowinak ta ri ch'ojibal ri cacuin ta che u sachisaxic a wäch. Catz'apij na u pa qui chi' ri quebanow tzij chawij. Are wa' ri quinya' na chque ri quinquipatanij: quinya' na ri ch'äcanic chque.” Ri Ajawaxel are cäjiquiban u bixic.

Ri Isaiy 51:8

cäsach c'u na qui wäch jacha' jun atz'iak ri chicopirinak, jacha' ri rismal chij ri kuchum cumal xjut. Are c'u ri nu colomal re chbe k'ij sak, ri colobenic ri quinya'o quech k'ij junab.”

Ri Isaiy 45:17

Are c'u ri Israel xcol rumal ri Ajawaxel, xucol re chbe k'ij sak xucolo, mawi c'u jubik' quel na u q'uixbal mawi camach'irisaxic.

Salmib 88:1

Ajawaxel, nu Dios xukuje' nu Colonel, chi pa k'ij chi chak'ab quintz'onoj ri to'banic la,

Salmib 72:17

¡Chjekel ri u bi' ri ajawinel amak'el; chbeytaj ri utzalaj u tzijol jacha' ri u beytajic ri k'ij! ¡Conojel ri nimak tak tinimit ri e c'o cho ri uwächulew, chquirika' tewichibal rumal are'! ¡Chi conojel ri nimak tak tinimit chquibij chi tewichitalic!

Salmib 68:19

¡Tewichital ri Ajawaxel, ri ka Dios xukuje' ka colonel, k'ij chi k'ij cuc'am bic ri keka'n!