Salmib 23:5 - Quiché Bible

⁵ Suc'umam la jun ula'bal chwe chquiwäch ri e nu c'ulel; jamim la c'oc'al pa nu jolom, chemowisan la ri wuq'uiabal.

Salmib 23:5 Referans Kwoze

Efesios 3:20

Are c'u ri camic chkanimarisaj ba' u k'ij ri Dios, ri sibalaj nim na ri cäcuin che u banic chuwäch ri cäkata' che, nim na chuwäch ri cäkachomaj chi cubano. Je cubano rumal ri cuinem ri cächacun pa kanima'.

Salmib 92:10

Lal cäya' la u wi' ri nu chuk'ab, jacha' ri e u chuk'ab jun ama' wacax, cak'ij c'u la c'oc'alaj cunabal pa nu jolom.

Salmib 45:7

Cälok'ok'ej la ri utzil, quetzelaj la u wäch ri etzelal. Rumal ri' lal cha'om rumal ri Dios; ri Dios la, lal u nojisam ruc' quicotemal chquiwäch conojel ri achil la.

Salmib 16:5

Lal Ajawaxel, lal ri lal ronojel chwe; quinnojisaj la che tewichibal, ri nu c'aslemal pa k'ab la c'o wi.

Ri Job 36:16

Xukuje' ri lal xto'tajisax la pa tak ri sayowem, xuya' c'u telechinic chech la xukuje' tzokopijic; xunojisaj ri mexa la che je'licalaj tak wa ja'.

1 Juan 2:20

Ri Crist u yo'm ri Ruxlabal ri Dios chiwe, iwonojel c'ut ix c'o iwetamanic.

1 Juan 2:27

Are c'u ri ix c'o ri Ruxlabal ri Dios iwuc' ri u yo'm ri Jesucrist chiwe. Man rajawaxic taj chi c'o jachin quixtijonic. Ri Uxlabaxel ri jekel iwuc' cuc'ut conojel ri jastak chiwäch. E are tak c'ut ri e u tijonic e kastzij, man c'u e banoj ta tzij. Chixcanaj nuc'talic ruc' ri Crist, je jacha' ri tijonic ri u yo'm ri Uxlabaxel chiwe.

2 Corintios 1:21

Ri Dios cujtiquiban che ri Crist junam iwuc', xukuje' uj u cha'om c'ut.

1 Corintios 10:16

Aretak cakuq'uiaj ke che ri tewichimalaj kumubal ri rumal cakaya' maltioxinic che ri Dios cakajunaj kib ruc' ri Crist pa ri u cämical; aretak cäkatij ri caxlanwa ri cakapiro, cakajunaj kib ruc' ri Crist pa ri u cuerp.

Ri Xuan 16:22

Xukuje' ri ix camic c'o i bis. Quinwil chi c'u na i wäch jumul, cäquicot c'u na ri iwanima', ri man c'o ta c'u jun quesan ta na chiwe.

Salmib 104:15

ri wa ri queyo'w u chuk'ab, xukuje' ri u wa'l uva, ri cuya' quicotemal che ri u c'aslemal ri cubano chi cäjuluw na ri u palaj chuwäch ri aseit.

Ri Isaiy 25:6

Pa ri juyub Sion, ri Ajawaxel ri c'o ronojel u cuinem, cusuc'umaj na chque conojel ri nimak tak tinimit jun wa'im ri quetijow wi na je'lalaj tak jastak xukuje' u wa'l uva ri k'obisam, rachil je'licalaj tak riquil xukuje' ri kas utzalaj u wa'l uva.

Salmib 116:13

Quinwalijisaj na ri kumubal re ri colobal ib quinnataj c'u na ri u bi'.

Salmib 22:26

Chixwok, ix ri cäban c'ax chiwe c'ä quixnoj na; chik'ijilaj ix ri Ajawaxel, ix ri quixtzucun che, chixc'asal c'u q'ui junab.

Salmib 78:19

C'ax xech'aw che, xquibij: “¿La xa puch cäcuin ri Dios che u ya'ic jun je'lalaj wa'im chke chupam ri chaki'j uwo sak?

Ri Lucax 7:46

Man xacoj ta aseit pa nu jolom. Are c'u we ixok u tixom ri c'oc'al chquij ri wakan.

Ri Amos 6:6

Quecuq'uiaj u wa'l uva pa nimak tak kumubal, are quequicoj ri c'oc'al ri pakapoj cajil, ¡man c'o ta c'u que che ri retzeletajic ri ulew!

Salmib 22:29

Chi meja' iwib xuwi c'ut ri are' chik'ijilaj conojel ri e c'o pa telechinic, conojel ri quetzelej na pa ri ulew, man c'o ta c'u qui c'aslemal pa quech wi.

Ri Matey 6:17

Ri at c'ut aretak man catij ta a wa, chabila' ri a jolom, chach'aja' ri a palaj utz c'u u suc'umaxic awib chabana'.

Salmib 92:11

Quinwil c'u na ri quitzakic ri e nu c'ulel; ¡quinta' na ri qui ch'ikowem we banal tak etzelal ri'!