Salmib 22:7 - Quiché Bible

⁷ Ri quinquilo cäquitze'j nu wäch; cäquiyuch'ula' qui palaj chwe, cäquisutisa' qui jolom;

Salmib 22:7 Referans Kwoze

Marcos 15:29

Ri winak ri queboc'owic xquiyok'o, xquisutusa' ri qui jolom, xquibij: “¡Pa at ri cawulij ri rachoch Dios!, pa oxib k'ij c'ut cayac chi na,

Salmib 109:25

¡in uxinak yacal qui tze' ri winak! ¡aretak quinquilo, cäquisutisa' ri qui jolom che retz'bexic nu wäch!

Ri Lucax 23:11

Are' c'u ri Herod xukuje' ri e rajch'ojab xquetzelaj u wäch, che c'u retz'bexic u wäch xequicoj atz'iak chrij ri quejuluwic, jacha' re jun ajawinel. Xtakaxtax c'u bic rumal ri Herod xutzelej chuwäch ri Pilat.

Marcos 15:20

Aretak quetz'bem chi u wäch, xquesaj ri ratz'iak re morato, xquicoj ri kas ratz'iak chrij. Te c'u ri' xquesaj bic che u ripic.

Ri Matey 27:29

Xquipach'uj jun u corona re q'uix, xquiya' pa u jolom. Xquiya' jun aj pa u k'ab re ri u wiquiak'ab. Xexuqui' chuwäch, xquetz'bej u wäch, xquibij: “¡Nim u k'ij ri Cajawinel ri aj judeyib!”

Salmib 44:14

Banom la chi ri quequik'ijilaj ri diosib caquitze'j ka wäch; aretak cujquilo, caquisutisa' ri qui jolom che retz'bexic ka wäch.

Ri Lucax 16:14

Ri pariseyib, ri e lok'ok'el puak, xquitatabej conojel we jastak ri', xquetz'bej c'u u wäch ri Jesus.

Ri Matey 9:24

Ri Jesus xubij chque: “Chixel bic waral, ri ali man cäminak taj, xa' warinak.” Ri winak xquitze'j u wäch.

Ri Isaiy 57:4

¿Jachin ri quitze'j u wäch? ¿Jachin che quiban wi i palaj re etzelam wächaj? ¿Jachin che quiwesaj wi iwak'? Ri ix ix ral ri macaj, winak banal tak tzij;

Ri Isaiy 53:3

ri winak cäquetzelaj u wäch xukuje' caquixutuj, Are jun achi q'uisnak pa ri k'oxomal, ri nak'atal che u rikic c'ax, Jacha' jun ri man takal ta u ca'yexic, xketzelaj u wäch, man xujoc ta il che.

Salmib 31:18

Mech'aw chic ri e banal tak tzij, ri quech'aw ruc' yok'onic, ruc' q'uiakoj xiquinaj, ri cäquiban c'ax che ri winak ri man c'o ta u mac.

Ri Job 16:10

Ri winak caquimulij quib chwij, caquibanala' c'u qui palaj chwe quequitzokopila' tak t'ocom k'ab chwe che resaxic nu q'uixbal.

Ri Job 16:4

We ta ix, ri ix c'o che nu q'uexwäch camic, xukuje' ri in je ta quinch'aw ri' jacha' ri quiban ix; quinsutisa' ta ri' ri nu jolom che u tze'xic i wäch quebentzokopij ta jumulaj tzij ri' piwi',

Ri Job 12:4

pune' c'u man c'o ta nu mac xukuje' man c'o ta jun c'okobal chwij, pa jun k'ijol c'ut canok ri Dios quebutatabej tak ri e nu bochi'nic, ri e wachil quetze'n chwe.

Ri Isaiy 49:7

Ri Ajawaxel, ri toronel, ri Tastalicalaj u Dios ri Israel, cubij che ri tinimit ri sibalaj etzelam u wäch, ri quetzelax u wäch cumal ri niq'uiaj tinimit chic, ri uxinak qui lok'om pataninel ri itzel tak winak: “Aretak catquil ri ajawinelab xukuje' tak ri e qui c'ojol, quewalij na cäquimej na quib chawäch, rumal rech chi in, ri Ajawaxel, ri Tastalicalaj u Dios ri Israel, xatincha'o, quebentz'akatisaj c'u na ri e nu chi'm.”