Salmib 20:5 - Quiché Bible

⁵ Cäkaban c'u na nimak'ij rumal ri a ch'äcanic, quekawalijisaj tak na etal pa u bi' ri ka Dios. Chuya' ri Ajawaxel chawe ronojel ri catz'onoj che.

Salmib 20:5 Referans Kwoze

Elem 17:15

Ri Moises xusuc'umaj jun porobal tabal tok'ob, ri u bi' ri xucojo “Ri Ajawaxel are wetal”,

Salmib 60:4

¡ya' la jun etal camic chque ri caquina' quib chwäch la rech man queriktaj ta cumal tak ri ch'ab!

Nabe Samuel 1:17

“Jät pa jamaril,” xcha' ri Eli che, “are ba' ri u Dios ri Israel chyo'w chawe ri xatz'onoj che.”

Ri Isaiy 61:10

¡Sibalaj quinquicot ruc' ri Ajawaxel. Quinnoj che quicotemal ruc' ri nu Dios, u yo'm c'ut ri u to'banic chwe, in u nojisam che ch'äcanic! In junam ruc' jun jiaxel ri cucoj ri u corona, o ruc' jun alibatz ri cuwik rib cuc' tak ri u wikbal.

Ri Isaiy 25:9

Pa ri k'ij ri' cäbix na: “Are wa' ri ka Dios, chrij ri are' cu'l wi ka c'u'x are c'u xujcolowic. Chujjajat che tze', chujquicotok, are' c'u uj colowinak.”

Ri Lucax 1:47

C'o nimalaj quicotemal pa ri wanima' che ri Dios nu Colonel.

Salmib 118:15

Pa tak ri cachoch ri e jic winak e c'o quicotemal tak bix re ch'äcanic: “Ri u cuinem ri Ajawaxel xyo'w ri ch'äcanic.

Salmib 35:9

Xinquicot c'u na rumal ri Ajawaxel, are c'ut ri xinto'tajisanic.

Salmib 13:5

Ri in nu cu'bisam nu c'u'x pa ri tok'ob la; ri wanima' cäquicotic rumal rech chi quincol la.

Salmib 9:14

Je c'u ri' chquichi' tak ri oquibal pa Jerusalen, quinbij na che ronojel winak chi ya'tal k'ijilaxic la, chi in tewichitalic rumal rech chi xinto'tajisaj la.

Ri Miquey 4:5

Ri e jule' tak tinimit chic e are quequinimaj ri banom tak qui diosib, are c'u ri uj amak'el are cakanimaj na ri Ajawaxel ri ka Dios.

Salmib 19:4

pa ronojel ri uwächulew benak ri u tijonic, cäbe c'ä pa ri q'uisbal jutz' re ri uwächulew, c'ä jawije' ri c'o wi ri u jekelibal ri k'ij.

Ri Isaiy 11:10

Pa ri k'ij ri' ri u tux we rab ri' ri are' ri Isayi, cäwalij na jacha' jun etal chque ri tinimit; ri nimak tak tinimit quepe na che u tzucuxic, ri c'olbal c'ut ri cac'oji' wi cux na juluwem.

Salmib 21:1

Ajawaxel, ri ajawinel cäquicotic rumal rech chi yo'm la u chuk'ab; sibalaj cäquicotic rumal rech chi yo'm la ch'äcanic che.

Nabe Samuel 17:45

Ri David xutzelej u bixic che: “Ri at at petinak che u banic c'ax chwe ruc' ch'ich' re ch'o'j xukuje' tz'imaj ch'ich' xukuje' u c'abal ch'ab are c'u ri in quinbe che u banic c'ax chawe pa ri u bi' ri Ajawaxel ri c'o ronojel u cuinem, ri qui Dios ri ajch'ojab aj israelib, ri e a tzurum.

Salmib 21:3

Xc'amowaj la cuc' nimak tak tewichibal, xcoj la jun corona re k'an puak che ri u jolom.