Salmib 20:3 - Quiché Bible

³ Chenataj conojel ri a sipanic che, chebuc'amowaj ruc' quicotemal ri e a tz'onobal tak tok'ob ri quebaporoj puwi' ri porobal.

Salmib 20:3 Referans Kwoze

Salmib 51:19

C'äte' ri' quec'amowaj la ri tabal tak tok'ob ri quetok'ixic, awaj xukuje' sipanic ri quechajirisaxic; quechi'x c'u na alaj tak ama'ib tak wacax puwi' ri porobal ri ech la.

Hechos 10:4

Ri Cornel xca'y che, xuxe'j rib, xubij: “¿Jas ri', Ajawaxel?” Ri tako'n aj caj xubij che: “Ri Dios utz cäril wi chi caban ch'awem, chi caya' tak to'banic chque ri c'o cajwataj chque.

Ucab Tzijobelil 7:1

Aretak ri Salomon xuq'uis u banic we ch'awem ri', xkaj ulok k'ak' chicaj xuporoj c'ut ri tabal tok'ob ri cächajirisaxic xukuje' tak ri e tabal tak tok'ob, are c'u ri u juluwem ri Ajawaxel xnojisan ri rachoch,

Chapletajic 4:4

Xukuje' ri Abel xebuc'am bic jujun chque ri nabe tak cal ri e u chij ri e chomak xebuya' che tabal tok'ob chuwäch ri Ajawaxel. Ri Ajawaxel nim xril wi ri Abel, xukuje' ri u sipanic,

1 Pedro 2:5

Xukuje' ri ix, je ta ne ix c'aslic tak abaj. Ix yacom che jun ja aj uxlabal. Ix quixux tastalic tak cojol tabal tok'ob che qui ya'ic tabal tok'ob aj uxlabal cho ri Dios, ri quekaj chuwäch ri Dios rumal ri Jesucrist.

Efesios 5:2

chiwuc'aj ri c'aslemal aj lok'ok'ebal c'uxaj, jas ri Crist xujulok'ok'ej. Xuya' ri u c'aslemal rumal kech, jacha' sipanic, tabal tok'ob cho ri Dios, are jun c'oc'alaj uxlab ri cäkaj chuwäch.

Ri Isaiy 60:7

Conojel ri chij ri e c'o pa Sedar quebawechbej na ri ama'ib tak chij ri e c'o pa Nebaiot quek'ax na pa k'ab, rech quebachi'j puwi' ri porobal chuwäch ri Ajawaxel, che tabal tok'ob ri cäkaj chuwäch, ri are' c'ut je'lic cuban chi na che ri rachoch.

Nabe Tzijobelil 21:26

chila' c'u xuwoc wi jun c'olbal ri quechi'x wi tabal tak tok'ob che ri Ajawaxel xebuchi'j c'u tabal tak tok'ob ri quechajirisaxic xukuje' tabal tak tok'ob re utzirisan ib. Xunataj c'ut ri Ajawaxel, ri are' xutak ulok k'ak' chicaj puwi' ri tabal tok'ob ri cachajirisaxic che tzelebal u wäch ri u tzij.

Aj Levitib 9:24

Xel ulok k'ak' chuwäch ri Ajawaxel, xuporoj ri awaj ri poroxic rij, xukuje' tak ri xepo ri c'o puwi' ri porobal. Aretak xquil conojel ri aj israelib xquirak qui chi' ruc' quicotemal, xquimej quib c'ä xquiya' na ri qui palaj cho ri ulew.

Salmib 128:5

¡Chatutewichi'j ulok ri Ajawaxel pa ri u juyub Sion! ¡Cawil ta c'u na ri utzil ri curik ri Jerusalen pa conojel tak ri k'ij rech ri a c'aslemal!

Salmib 134:3

¡Ri Ajawaxel, ri xbanow ri caj xukuje' ri ulew, chatutewichi'j ulok pa ri juyub Sion!