Salmib 20:1 - Quiché Bible

¹ Chutatabej ri a ch'awem ri Ajawaxel aretak at c'o pa bis, are' ri u Dios ri Jacob chuya' to'banic chawe.

Salmib 20:1 Referans Kwoze

E C'ambal tak Tzij 18:10

Ri u bi' ri Ajawaxel are' jun tac'atic ja ri sibalaj nim u cuinem, ruc' c'u quebopan wi ri e suc'ab che u tzucuxic to'bal ib.

Salmib 138:7

Aretak quinriktaj chupam ri sayowem, ri lal cäya' la nu c'aslemal; calic' ri cuinem la quinto'tajisaj c'u la, chuwäch ri coyowal ri e nu c'ulel.

Hebreos 5:7

Ri Crist, aretak xc'oji' waral cho ri uwächulew, xurak u chi', xok'ic aretak xuban ch'awem ruc' Dios. Xuban bochi'nic xukuje' tz'ononic che ri Dios, ri cäcuin che u to'ic chuwäch ri cämical. Xtataj c'ut rumal ri u nimanic.

Salmib 46:11

¡Ri Ajawaxel ri c'o ronojel u cuinem, are' c'o kuc'! ¡Ri u Dios ri Jacob are to'l kech!

Ri Isaiy 50:10

Ix ri nim quiwil wi ri Ajawaxel xukuje' quitatabej ri u ch'abal ri pataninel rech: we quixbin pa ri k'eku'm, man c'o ta jubik' i chaj, chicu'ba' i c'u'x chrij ri Ajawaxel; chitok'ej iwib che ri i Dios.

Salmib 83:18

¡Chquetamaj chi xuwi ri lal lal Ajawaxel, chi xuwi ri lal lal aj chicaj puwi' ronojel ri uwächulew!

Salmib 46:1

Ri Dios are' ka panibal xukuje' ka chuk'ab; to'l kech pa tak ri jok'otaj re c'axc'olil.

Ri Jeremiy 30:7

¡Canakajin jun xibibalalaj k'ij, jun k'ij ri man c'o ta chi jun ri junam ta ruc'! Are jun k'ijol re c'ayilaj c'axc'ol che ri u tinimit ri Jacob, quinto'tajisaj c'u na in.

Salmib 60:11

Chujto' ba la che qui ch'äquic ri e ka c'ulel, man c'o ta c'u u patan ri u to'banic ri winak.

Salmib 114:2

Ri Juda xux ri c'olbal ri cak'ijilax wi ri Ajawaxel; xujekeba' c'ut ri u takanic pa Israel.

Salmib 50:5

“Chebimulij ri e jic wuc', ri qui banom jun c'ulwächinic wuc' che u chi'xic jun tabal tok'ob chwe.”

Salmib 46:7

¡Ri Ajawaxel ri c'o ronojel u cuinem are' c'o kuc'! ¡Ri u Dios ri Jacob are' ka panibal!

Salmib 18:2

Lal ri ch'ukubal wech, ri nu c'olbal che panem, lal torol wech, nu Dios, ri nimalaj abaj quinuch'uku, nu quetequic ch'ich', ri cuinem ri quinto'tajisanic, ri c'ubal wib ri sibalaj naj elinak chicaj.

Salmib 9:10

Ajawaxel, ri queta'm wäch la cäquicu'ba' qui c'u'x chij la, mawi jumul quebexutuj la canok ri que tzucum che la.

Salmib 41:1

Utz rech ri cächoman chrij ri tukar xukuje' ri meba'; cäto' c'u na rumal ri Ajawaxel pa tak u k'ijol ri c'ax.