Salmib 19:9 - Quiché Bible

⁹ Ri now ib chuwäch ri Ajawaxel ch'ajch'oj man caq'uextaj taj xak je wi. Ri e u pixab ri Ajawaxel ri e tz'ibam e kastzij, conojel tak e suc'.

Salmib 19:9 Referans Kwoze

Nabe Samuel 12:24

Ri ix xak xuwi rajawaxic nim quiwil wi na ri Ajawaxel xukuje' ri u ya'ic kas k'ijilanic che ruc' ronojel iwanima', kas c'u chenataj chiwe conojel ri nimak tak jastak ri e u banom chiwe.

Salmib 119:142

Ri suq'uil la amak'el suc' wi, ri tijonic la are kastzij.

Salmib 119:1

Utz quech ri man c'o ta macaj pa ri qui c'aslemal, quiterenem c'ut ri u tijonic ri Ajawaxel.

Apocalipsis 15:3

Xquibixoj ri u bix ri Moises, pataninel rech ri Dios, xukuje' ri u bix ri Alaj Chij, je xquibij wa': “E nimak xukuje' sibalaj e mayibal tak ri e chac la, Ajawaxel, Dios ri c'o ronojel u cuinem e suc' xukuje' kas e be tak ri e be la, Ajawinel quech tak ri nimak tak tinimit.

Salmib 115:13

Quebutewichi'j na ri queyo'w u k'ij, chi nimak chi ch'utik.

Salmib 111:10

Ri no'j ri nim na are ri nim rilic ri Ajawaxel; jachin tak ri nim caquil wi c'o utzalaj qui chomanic. Amak'el cäya' na u k'ij ri Dios.

Nabe Ajawinelab 18:12

Ri quec'ulmatajok chi, aretak quintas wib chwäch la, ri ruxlabal ri Ajawaxel cac'am la bic rumal pa jun c'olbal chic ri man weta'm taj. Aretak quinya' u bixic che ri Acab, man c'u cärik ta la rumal, quinucämisaj c'u na. We pataninel ech la ri', c'ä pa ri rac'alal ulok, amak'el u yo'm u k'ij ri Ajawaxel.

U Camulixic ri Pixab 4:8

Xukuje' ¿jachin ta c'u ri nim tinimit c'olic pixab ri e tz'ibatal tak ri sibalaj ta e suc' jacha' ronojel ri tijonic ri' ri quinya' chiwäch camic?

Chapletajic 42:18

Churox k'ij c'ut xubij ri Jose chque: “Ri in quina' wib chuwäch ri Dios. Chibana' wa' man c'o ta c'u quic'ulmaj na.

Apocalipsis 19:2

rumal rech chi kastzij xukuje' suc' ri k'atoj tzij ri cubano. Xuc'äjisaj u wäch ri ajmacalaj ixok quech nim ch'utin, ri nim u banic, ri u tz'ilom ri uwächulew rumal ri u macunic. Ri Dios xutoj u q'uexel ri qui quiq'uel ri e pataninel tak rech ri e cämisam rumal ri ixok.”

Apocalipsis 16:7

Xinta' chi jun aj porobal je xubij wa': “Je', Ajawaxel, Dios ri c'o ronojel cuinem uc' la. Kastzij xukuje' suc' ri k'atoj tzij ri xban la.”

Romanos 2:2

Keta'm c'ut chi ri Dios, aretak cuk'at tzij paquiwi' ri winak ri quebanow we jastak ri', kas suc'alaj k'atan tzij cubano.

Ri Isaiy 26:8

Ri uj xukuje' cäkana' kib chi co uj c'olic pa ri be ri u c'utum ri pixab la, Ajawaxel. Ri u rayinic ri kanima' are ri chomaxic la.

Salmib 119:106

Xinban jun chi'nic ri kas cäban na, quintz'akatisaj c'ut: ¡quebenbana' ri caquibij ri e suc'alaj tak colomibal la!

Salmib 119:7

Quink'ijilan na che la ruc' ronojel wanima' ri man xak cawäch aretak e wetamam chic ri e suc'alaj tak pixab ri e tz'ibam.

Salmib 36:6

Ri suq'uil la cajunamataj cuc' ri nimak tak juyub, ri takanic la junam ruc' ri nimalaj plo ri naj u pam. Ajawaxel, quechajij la ri winak xukuje' ri awaj.

Salmib 36:1

Ri etzelal cuch'abej ri banal etzelal chupam ri ranima'. Mawi jubik' c'ul ta pa u jolom chi rajawaxic cuxe'j rib chuwäch ri Dios.

Salmib 10:5

Ronojel ri cubano amak'el utz quel chuwäch. Ri chomanic la naj e c'o wi che, naj chque ri u bak'wäch, cutze'j qui wäch ri e u c'ulel.

Ri Nehemiy 5:15

E are' tak c'u ri e takanelab ri xec'oji' can nabe chnuwäch, xebux jun eka'n che ri tinimit, k'ij chk'ij caquitok'ij cawinak rakan sak puak che ri rajil qui wa xukuje' che rajil u wa'l qui uva. Xak c'u u tz'akat chic ri e cajchaquib sibalaj c'ax caquiban che ri tinimit. Are c'u ri in man je ta xinbano, rumal rech chi nim quinwil ri Dios.

Elem 21:1

“Are tak wa' ri pixab ri quebaya' chque ri aj israelib:

Chapletajic 22:12

Ri tako'n aj caj xubij: “Maban jun c'ax che ri ala, xinwetamaj c'ut chi caxe'j awib chuwäch ri Dios, man xak'il ta c'u awib che u ya'ic ri a c'ojol chwe, ri xa jun.”

Romanos 11:22

Chawila' ba' chi ri Dios ch'uch'uj, xukuje' c'a'n. Are c'a'n chque ri winak ri xetzakic. Ch'uch'uj c'u chawe at, we catjeki' pa ri utzil ri cuban chawe. Are c'u we caya' canok, xukuje' ri at catesax na apanok.

Hechos 10:22

Ri e are' xquitzelej u bixic che: “Ri Cornel, are' ri qui nimal jun sient ajch'ojab. Are' suc'alaj achi ri cuna' rib chuwäch ri Dios, utz u tzijol cumal conojel ri aj judeyib. Are' xujtakow ulok. Xbix che rumal jun tako'n aj caj, chi catakan che siq'uixic la rech cabe la cho rachoch chutatabej c'ut ri cabij na la che.”

E C'ambal tak Tzij 8:13

Ri u ya'ic u k'ij ri Ajawaxel are' ri retzelaxic u wäch ri lawaloyil. In quinwetzelaj u wäch ri banoj nimal xukuje' ri nimarisan ib, ri itzel be xukuje' ri banoj tzij.

Salmib 147:19

Ri are' xuya' retamaxic che ri Jacob, che ri Israel, ri u tzij, ri e u pixab xukuje' ri e u colomibal.

Salmib 119:75

Ajawaxel, in weta'm chi ri pixab la ri e tz'ibam la e suc', chi c'o c'u rumal cäc'äjisaj la nu wäch.

Salmib 119:62

Pa niq'uiaj ak'ab quinwalij che u ya'ic maltioxinic che la, cumal ri suc'alaj tak chomanic ri e banom la.

Salmib 119:39

Najtajisaj la chwe ri c'axc'obisanic ri quinna' wib chuwäch, e utz c'ut ri pixab la ri e tz'ibam la.

Salmib 12:7

Lal, Ajawaxel, cujchajij na la; ¡amak'el cujesaj na la pa qui k'ab we winak ri'!

Salmib 119:111

Ri junalic wechbal e are' ri takomal la, e are' c'u quequicotesan ri wanima'.

Ri Isaiy 45:19

Ri in man cheläk'al ta quinch'awic mawi quinch'aw pa k'eku'm tak c'olbal cho ri uwächulew. Ri in man quinbij ta chque ri e rija'l ri Jacob: ‘Chinitzucuj jawije' ri man c'o ta wi jas c'olic.’ In, ri Ajawaxel, quinbij ri kastzij, quintzijoj ri kas suc'.”