Salmib 19:8 - Quiché Bible

⁸ Ri u pixab ri Ajawaxel ri e banom e suc', quequic'am c'u ulok quicotemal che ri anima'. Ri u takomal ri Ajawaxel ch'ajch'oj quebunojisaj c'ut ri bak'wächaj che chäj.

Salmib 19:8 Referans Kwoze

Salmib 12:6

Ri e u chi'nic ri Ajawaxel e ch'ajch'oj; ¡junam ruc' ri sak puak ri sibalaj ch'ajch'oj na ri porom wukub mul chupam ri jorno!

Salmib 119:105

Ri tzij la are' jun chäj chque ri wakan, are jun sakil pa ri nu be.

Ri Jeremiy 15:16

Aretak catzijon la wuc', in quebenbik' bic tak ri e tzij la: man e c'o ta c'u e jewa' chwe quicotemal c'ut che ri wanima', rumal rech chi in ech la, Ajawaxel xukuje' Dios ri c'o ronojel u cuinem.

E C'ambal tak Tzij 30:5

Ri Ajawaxel quebuto' ri cäquijiquiba' qui c'u'x chrij; conojel tak ri e u chi'nic takal c'u quijiquibaxic c'uxaj chquij.

Salmib 119:128

Rumal ri' e nu c'ojom ri e tz'ibatal umal la che c'amal nu be, quinwetzelaj c'u u wäch apachique subunelalaj c'aslemal.

E C'ambal tak Tzij 2:6

Are' c'ut ri Ajawaxel cäyo'w ri no'j; ri ch'obonic ri etamanic chuchi' quebel wi ulok.

Salmib 119:92

We ta ri tijonic la ma ta cuc'am ulok quicotemal chwe, ri bis u q'uisom ta tzij ri' panuwi'.

Salmib 119:80

Chi ri wanima' chux tz'akat pa tak ri pixab la, rech man c'o ta jas quinq'uix ta wi na.

E C'ambal tak Tzij 6:23

Kastzij, ri takomal tak xukuje' tak ri tijonic e jun chäj ri e tzijtalic; ri pixbenic xukuje' ri yo'w tak no'j e are' be wa' re ri c'aslemal.

Romanos 7:22

Cäquicot ri wanima' rumal ri u pixab ri Dios.

Gálatas 2:19

Ri in c'ut xincäm chuwäch ri pixab. Are ri pixab xbanow chwe chi xincämic, rech quinc'asi' che ri Dios.

Romanos 3:20

Rumal ri' man c'o ta jun winak cäk'alajisax chuwäch ri Dios chi suc' rumal rech chi u banom ri cubij ri pixab. Are c'u ri pixab xak xuwi cuk'alajisaj chkawäch chi uj ajmaquib.

Romanos 7:7

¿Jas c'u cäkabij? ¿La mac lo ri pixab? ¡Man mac taj! Ma ta c'u xinwetamaj ri' jas ri' ri mac, we ta ma ta rumal ri cubij ri pixab. Ma ta quinch'ob ri' chi mac ri u rayixic u wäch ri jastak quech niq'uiaj winak chic, we ta ma ta cubij ri pixab: “Marayij u wäch ri jastak quech niq'uiaj winak chic.”

Salmib 119:16

Quinquicot na cuc' tak ri pixab la, man quesach ta ri tzij la pa nu jolom.

Salmib 119:14

Quinquicot na pa ri qui be ri e takomal la chquiwäch conojel ri k'inomal.

Ri Ezequiel 36:27

Quincoj c'u na ri wuxlabal chiwe ix, quinban c'u na chi quebitz'akatisaj tak ri nu pixab xukuje' tak ri e nu tz'ibam;

Salmib 119:171

Chq'uiy ulok ri k'ijilanic chi nu chi', in tijom c'u la chque tak ri pixab la.

Salmib 119:143

In kajinak pa c'axc'olil xukuje' chquipam tak latz'obibal, e are tak c'ut ri e takomal la xinquicotisaj.

Salmib 119:130

Ri qui quiric ri tzij la caquiya' tununic, cutijoj ri winak ri man c'o ta retamanic.

Salmib 119:121

Mawi jubik' nu tanabam u banic jachique ri suc'; minwonoba' la can pa qui k'ab ri quebanow c'ax chwe.

Salmib 119:40

E nu rayim ri pixab la ri e tz'ibatalic; ¡chya' la nu c'aslemal, lal c'u ya' suc'!

Salmib 119:12

¡Lal tewichitalic, Ajawaxel! ¡Chintijoj la chque tak ri pixab la!

Salmib 105:45

nim c'u chequila' wi xukuje' cheboc il che quilixic tak ri pixab xukuje' tak ri u tijonic ri Ajawaxel. ¡Chyo'k u k'ij ri Ajawaxel!

Salmib 40:8

Ri in cäkaj chnuwäch ri u banic ri rayibal la; ¡e nu c'olom ri tijonic la pa ri wanima'!

Salmib 13:3

Ajawaxel, nu Dios, ¡chinila' la, tzelej la u wäch ri nu tzij, che nojisaj la ri nu bak'wäch che ri chäj! ¡Ma ta chinkaj chupam ri waram re cämical!

Elem 18:16

Aretak c'o jun c'ax chquixo'l quepe wuc', ri in quink'at tzij paquiwi', quink'alajisaj c'ut jachin ri c'o u mac; quinbij c'u chque jas cubij ri u pixab ri Dios xukuje' ri u tijonic.”

Chapletajic 26:5

Rumal rech chi ri Abraham xniman chwe xebutz'akatisaj c'ut ri e nu takanic, ri e nu takomal, ri e nu pixab xukuje' tak ri e nu tijonic.”

Gálatas 3:21

¿La cubij lo wa' chi ri pixab quebuc'ulelaj ri e u chi'nic ri Dios? Man je taj. We ta xya' jun pixab ri cäcuin che u ya'ic c'aslemal, cäban ta suc' ri' chke rumal ri u nimaxic ri pixab.

Ri Isaiy 64:5

Ri lal cäc'amowaj la ri cuban ri colomal ruc' quicotemal, cänataj c'u u banic rumal jachique ri caj la. Ri lal yactajinak oyowal la rumal rech chi uj macuninak sibalaj ojer ka chaplem u banic ulok ri mac chwäch la.

Salmib 119:54

Ri pixab la e are uxinak tak nu bix chupam we ulew ri' ri wokxanim wi wib.

Salmib 119:24

Ri in quinquicot cuc' tak ri e takanic la; e are' tak ri e ya'l nu no'j.

Ri Nehemiy 9:13

Xkaj chi c'u la ulok puwi' ri juyub Sinai, xch'aw chi la ulok cuc' kas chicaj; xya' la suc'alaj tak pixab chque ri e tz'ibatalic, tijonic tak ri e colom, utzalaj pixab tak, utzalaj tak takomal.

Ri Nehemiy 8:12

Conojel c'ut ri winak xebe che wa'im xukuje' che uq'uianic, xeculala' c'u tak quib xcoc'owisaj c'ut jun nimalaj nimak'ij, xquich'ob c'ut ri e tijom wi.

U Camulixic ri Pixab 16:14

Quixquicot c'u pa we nimak'ij ri' junam cuc' ri e iwalc'ual, ri e i pataninelab tak iwech ri e lok'om, xukuje' ri aj levitib, ri man e i winakil taj, ri minorib xukuje' ri malca'nib ri e jekel pa tak ri e i tinimit.

U Camulixic ri Pixab 16:11

Quiban c'u nimak'ij chuwäch ri Ajawaxel ri i Dios, pa ri c'olbal ri u cha'om che u jekelibal ri u bi', junam cuc' ri e iwalc'ual, ri pataninel tak iwech ri e lok'om, ri aj levitib, ri man e i winakil ta, ri minorib xukuje' ri malca'nib ri e jekel pa ri i tinimit.

Ucab Ajawinelab 17:37

Kas c'u utz qui tz'akatisaxic tak ri pixab ri takanic ri tijonic xukuje' tak ri takomal ri e tz'ibatalic ri e nu yo'm chiwe, mebiya' c'u k'ijilanic chque tak diosib.

Salmib 93:5

Oh Ajawaxel, ri e takomal la co e jekelic. ¡Ri tastaliquil are wikbal junalic chupam ri achoch la!

Salmib 111:7

Ri cuban ri Dios suc' xukuje' kastzij; cuya' cacu'bisax c'uxaj chquij ri e u takomal.