Salmib 19:12 - Quiché Bible

¹² ¿Jachin ta ri quebuch'ob ri kas e u sachinakil? ¡Ajawaxel sacha' la ri nu mac ri e ch'ukutalic!

Salmib 19:12 Referans Kwoze

Salmib 90:8

Ri ka mac xukuje' ri ketzelal e liq'uin chwäch la.

Ri Job 6:24

Chebiya' tijonic chwe, man c'u quinch'aw ta na: chi c'utu' chnuwäch ri sachinakil ri in kajinak chupam.

Ri Jeremiy 17:9

Man c'o ta jun jasach c'olic ri sibalaj ta subunel na xukuje' sibalaj ta etzeletajinak na jacha' ri anima'aj aj winak. ¿Jachin ta ri ticarel che retamaxic?

Salmib 40:12

E q'ui c'u tak ri quiäkasakil e nu taklebem ri mawi ne quincuin ta che cajilaxic. In quikajbem ri wetzelal; ¡mawi c'u ne quinca'y chic! C'o na ri qui q'uial chquiwäch ri nu wi', xukuje' ne ri wanima' xtukaric.

1 Corintios 4:4

Quinna' pa ri wanima' chi man c'o ta mac nu banom. Man ruc' ta c'u ri' in k'alajisam chi in suc'. Are c'u ri Ajawaxel cäk'atow tzij panuwi'.

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.

Hebreos 9:7

Pa ri ucab c'u u pam ri Lic'om Rachoch Dios, xa' jumul pa ri jun junab coc ri qui nimal ri e cojol tabal tok'ob chupam. Aretak coc bic, rajawaxic chi ruc'am quic' ri cuya' chuwäch ri Dios rumal quech ri u mac ri are' xukuje' rumal quech ri qui mac ri winak.

Salmib 139:6

Ri no'j ri sibalaj cajmajibal man ya'tal ta u rikic wumal; ¡sibalaj jutac'aj chi man quinrik ta u ch'obic!

Ri Isaiy 64:6

Konojel uj xak uj junam ruc' jun ch'uluch'ujalaj winak; conojel ri utzalaj tak chac xak e junam ruc' jun atz'iak tz'il konojel uj tzakinak uj jacha' ri chaki'j tak u xak che', ri il patan ri e ka banom cujquicharchatej bic e jacha' ri quiakik'.

Salmib 139:2

lal eta'm la ronojel ri quinbano; pune' naj in c'o wi cäch'ob la ri quinchomaj.

Salmib 51:2

¡Chinch'ajch'obisaj la chesaj la ri wetzelal! ¡Chinjosk'ij la chesaj la ri nu mac!

Salmib 65:3

Ri ketzelal, uj qui kajbem, ri lal c'ut quesach la ri e ka mac.

Elem 24:12

Ri Ajawaxel xubij che ri Moises: Chatpakal ulok puwi' ri juyub, jawije' ri in c'o wi, chinaweyej chila', quebenjach c'u bic chawe jujun tz'alam tak abaj ri e nu tz'ibam wi ri pixab xukuje' tak ri takomal ri cajwataj che qui tijoxic ri aj israelib.

U Camulixic ri Pixab 5:29

¡C'o ta banom wi chi je ta quechoman wa' amak'el, nim ta quinquil wi, queniman ta che ri nu takomal conojel tak ri k'ij, rech ri e are' xukuje' ri e calc'ual cäc'oji' jun utzalaj qui c'aslemal!

U Camulixic ri Pixab 5:32

Chixoc ba che u banic ronojel ri ix u takom wi ri Ajawaxel ri i Dios, mawi jubik' mitas iwib chrij.

E C'ambal tak Tzij 13:13

Ri man nim ta cäril wi jun takanic, cubisoj na; ri nim cäril wi ri takanic, cäya' na tojbal rech.