Salmib 19:11 - Quiché Bible

¹¹ Cajwataj c'u che u pixbexic we pataninel ech la ri', c'o cärechbej che ri qui nimaxic.

Salmib 19:11 Referans Kwoze

2 Juan 1:8

Chichajij ba' iwib, rech man cäsach ta u wäch ri i chac, rech quic'am ri tojbal iwech tz'akat.

Salmib 119:11

E nu c'olom tak ri tzij la chupam ri wanima'; rech man quinmacun ta chwäch la.

Santiago 1:25

Apachin ri cäretamaj jas cubij ri tz'akatalaj pixab ri quebutzokopij ri winak, ri man cuya' ta can ri pixab, ri man xuwi ta cuto xukuje' cusach ta ri u tom, xane' cubano jas cubij ri pixab, utz c'u re wa' pa ri chac ri cubano.

E C'ambal tak Tzij 29:18

Jawije' ri man c'o ta wi ri u tzij ri Dios man c'o ta utzalaj cholajil; ¡Sibalaj utz rech ri tinimit ri cutz'akatisaj u banic ri u pixab ri Dios!

Ri Matey 6:4

Jeri' chabana' ri a tok'ob chi c'uyal. Ri a Tat c'ut ri quilow ri caban chi c'uyal, are cäyo'w na tojbal awech.”

Apocalipsis 14:13

Xinta' jun ch'abal chicaj, ri xubij: “Chatz'ibaj wa': ‘Utz que ri quecäm pa ri Ajawaxel. Cäminakib ri e rech ri Ajawaxel ri camic xukuje' ri que takem na ri que cämic.’ ” “Je',” cächa ri Uxlabaxel, “quebuxlan na che ri qui chac, queteri c'u bic ri qui chac chquij.”

Hebreos 11:26

Xuchomaj chi are nimalaj k'inomal na chi cäyok' rumal rech ri Crist, chuwäch ri k'inomal re Ejipt. Are xril apan ri tojbal re.

1 Tesalonicenses 5:14

Quixkabochi'j, kachalal, chi chiya' qui no'j ri man cäcaj taj quechacunic. Chicu'bisaj qui c'u'x ri cuban quieb qui c'u'x. Chebito' ri man c'o ta qui chuk'ab. Mäq'uistaj i c'u'x che qui to'ic conojel.

Ri Matey 3:7

Aretak xril ri Xuan chi e q'ui chque ri pariseyib xukuje' ri saduseyib xepetic rech cäban ri qui bautism. Aretak ri Xuan xerilo xubij chque: “¡Quija'l tak cumätz! ¿Jachin xbin chiwe chi chixanimaj chuwäch ri c'äjisabal wächaj ri cäpe na?

1 Corintios 4:14

Man quintz'ibaj ta wa' che resaxic i q'uixbal. Xane' quinya' i no'j je jas ri u ya'ic qui no'j ri lok'alaj tak alc'ualaxelab.

Hechos 20:31

Rumal c'u ri' chixc'asc'atok. Chnataj chiwe jas xinban in chixo'l. Oxib junab chi chak'ab chi pa k'ij, man xintanaba' ta i pixbexic chijujunal cuc' tak ok'ej.

Ri Matey 6:18

Rech man caquil ta ri winak chi man a tijom ta a wa. Xane' xak xuwi ri a Tat ri quilowic ri c'o awuc' chi c'uyal. Ri are' c'ut cayo'w na ri tojbal awech.”

E C'ambal tak Tzij 11:18

Ri banal etzelal cuc'am jun tojbal ri xa subunel; ri cuban suq'uil amak'el, jic ri tojbal rech cäya'ic.

Ucab Tzijobelil 19:10

Pa apachique ch'o'j chquixo'l ri i winakil, ri winak ri quepe pa jalan tak tinimit, ri caquic'am ulok cämisanic chiwäch rech qui wilo we c'o nim eklenic o jayi', o che qui cojic ri jalan tak pixab, takomal, cholajil xukuje' k'atan tzij, chebipixbej chi memacun chuwäch ri Ajawaxel, rech man coyowar taj ri are' chiwij xukuje' chquij are. Je chibana' wa', man quixux ta c'u na ajchak'maquib.

Ri Matey 6:6

Ri at c'ut, aretak caban ch'awem ruc' Dios, chatoc pa ri awachoch; chatz'apij ri uchi'ja, chabana' ch'awem ruc' ri a Tat ri c'o chic'uyal. Are c'u ri a Tat ri caril ri caban chi c'uyal, cuya' na ri tojbal awech.

Salmib 119:72

Chwe in are nim na u k'ij ri tijonic ri quel chi chi' la, chquiwäch ri joropa' mil k'an puak xukuje' sak puak.

Salmib 119:103

Ri chi'm la c'o na ri u qui'al pa nu chi', chuwäch ri juyubal räx cab pa nu chi'.

E C'ambal tak Tzij 24:14

Je qui qui'al wa' cana' na ri no'j xukuje' ri etamanic; we quebariko, cärik na jun utzalaj q'uisbal tak a k'ij, xukuje' c'u ri aweyebal c'u'x mawi jubik' cäsach na u wäch.

Ri Ezequiel 3:3

Xubij c'u chwe: “Chabik'a' bic we tz'ibatalic ri' ri quinya' chawe, chanojisaj ri a pam che.” Ri in xintijo xinna' c'ut chi sibalaj qui' jacha' ri juyubal räx cab.