Salmib 18:6 - Quiché Bible

⁶ Pa ri nu bis xinsiq'uij ri Ajawaxel; xintz'onoj ri u to'banic ri nu Dios, xinutatabej ri are' pa ri rachoch; xopan ri nu rakoj chi'aj pa ri u xiquin.

Salmib 18:6 Referans Kwoze

Salmib 50:15

Chinasiq'uij aretak at c'o chupam ri c'axc'olil; in catinwesaj na chupam ri c'axc'olil, ri at c'ut caya' na nu k'ij.

Ucab Samuel 22:7

Pa tak ri welebal ch'u'j xinsiq'uij ri Ajawaxel, xintz'onoj ri to'banic che ri nu Dios, xinutatabej c'ut kas pa ri rachoch; ¡ri e nu rakoj tak chi'aj xebopan pa tak u xiquin!

Salmib 34:15

Ri Ajawaxel quebuchajij ri winak ri utz canima', cutatabej ri qui rakoj chi'aj.

Salmib 120:1

Aretak in c'o chupam ri c'axc'ol, quinsiq'uij ri Ajawaxel, ri are' cutzelej c'ut u wäch nu tzij.

Hechos 12:5

Chajin c'u ri Lu' pa che'. Are c'u ri e comon cojonelab man xquitanaba' ta ri u banic ch'awem ruc' Dios puwi' ri Lu' ruc' ronojel canima'.

Ucab Tzijobelil 30:27

Chuq'uisbalil c'ut ri e cojol tabal tok'ob xukuje' ri aj levitib, xetaq'ui'c xquitewichi'j ri tinimit; xetatabex c'ut rumal ri Ajawaxel, ri qui ch'awem ruc' Dios xopan c'ä pa ri caj, pa ri c'olbal jawije' ri jekel wi ri Dios tastalic ri man cuban taj etzelal.

Elem 2:23

Q'ui junab chic banom wa', aretak xcäm ri ajawinel re Ejipt. Ri aj israelib xquitakej ok'ej xukuje' elem ch'u'j rumal ri c'axalaj chac ri e takom che u banic. Xuta' c'ut ri Dios ri qui juyuwem.

Ri Habacuc 2:20

Are c'u ri Ajawaxel c'o chupam ri tastalicalaj rachoch: ¡Chixyinil chuwäch are' ronojel ri uwächulew!

Salmib 11:4

Ri Ajawaxel c'o chupam ri tastalicalaj rachoch, ri Ajawaxel c'o ri u tem re ajawibal pa ri caj, e jaktal ri e u bak'wäch queralwächij conojel ri winak.

Salmib 5:7

Are c'u ri in rumal ri nimalaj lok'ok'ebal c'u'x la, quincuinic quinoc chupam ri achoch la; quincuinic quink'ijilan che la ruc' nim ilic la quinca'y c'u apan che ri tastalicalaj achoch la.

Apocalipsis 11:19

Xjaktaj c'ut ri rachoch Dios pa ri caj. Xilitaj c'ut ri caxa re ri u c'ulwächinic chupam ri rachoch Dios. Xec'ulmataj caypa', jininem, cakultakja, cabrakan xukuje' nimalaj sakbach.

Marcos 14:36

Xubij: “Nu Tat, ri lal cäcuin la che u banic ronojel. Chesaj la we kumubal re c'axc'olil ri' chnuwäch. Bana' ba la jas ri caj la, man are ta ri quinwaj in.”

Salmib 55:5

Nu rikom nimalaj xibriquil; ¡quinbirbit rumal xe'n ib!